Italııada ótip jatqan 2026 jylǵy qysqy Olımpıada oıyndary aıasynda áıelder arasynda paralleldi mogýl jarysy ótti, dep habarlaıdy Egemen.kz.
Atalǵan baǵdarlamada Qazaqstan quramasynyń atynan Anastasııa Gorodko, Iýlııa Galysheva jáne Aıaýlym Ámrenova óner kórsetti.
Úsh sportshynyń ishinde jarysta eń joǵary nátıjege Anastasııa Gorodko qol jetkizdi. Ol 1/16 fınalda Qytaı sportshysy Iа Iаndy jeńdi. 1/8 fınalda fransııalyq Kamıl Kabrolden basym tústi. Al shırek fınalda qazaqstandyq sportshy eki dúrkin Olımpıada júldegeri Djeılın Kaýfpen kezdesip, jarys barysynda qulap, óner kórsetýin aıaqtady.
Iýlııa Galysheva alǵashqy kezeńnen sátti ótip, Ońtústik Koreıa ókili Iýn Shın Iny jeńdi. Alaıda 1/8 fınalda japonııalyq Hınako Tomıtakaǵa jol berdi.
Aıaýlym Ámrenova alǵashqy aınalymda kanadalyq Djessıka Lıntonge ese jiberdi.
Osylaısha, Qazaqstan áıelder quramasy Olımpıada oıyndaryndaǵy jarysyn aıaqtady. 15 aqpanda paralleldi mogýldan erler arasynda Pavel Kolmakov óner kórsetedi.