15 aqpan, jeksenbi kúni Qazaqstannyń basym bóliginde aýa raıy kúrt ózgerip, kún aıazdy ári jaýyn-shashyndy bolady, dep habarlaıdy Egemen.kz.
Elimizdiń birqatar óńirinde qaýipti meteorologııalyq qubylystar bolady.
Respýblıkanyń basym bóligi áli de aýqymdy antısıklonnyń yqpalynda bolady. Osyǵan baılanysty elimizdiń soltústik, ortalyq jáne shyǵys óńirlerinde saqyldaǵan sary aıaz saqtalady.
Atmosferalyq fronttardyń ótýine baılanysty elimizdiń batys, ońtústik jáne ońtústik-shyǵys bólikterinde jaýyn-shashyn kútiledi. Sınoptıkterdiń málimetinshe, bul óńirlerde joldarda kóktaıǵaq bolady, tuman túsip, kóriný múmkindigi shekteledi, jeldiń ekpini kúsheıedi.
Erteń Qazaqstannyń ońtústik-shyǵysyndaǵy taýly aýdandarda qalyń qar jaýady. Qutqarý qyzmetkerleri men sınoptıkter taýly aımaq turǵyndary men týrısterge saqtyq sharalaryn saqtaýdy usyndy.
«Respýblıka boıynsha tuman túsip, jeldiń kúsheıýi kútilýde. Alys jolǵa shyǵatyn júrgizýshiler saq bolyńyzdar», delingen habarlamada.