Qasıetti Ramazan aıynda Shyǵys Qazaqstan oblystyq meshitine belgili qoǵam jáne din qaıratkeri, túrkitanýshy, halyqaralyq «Alash» syılyǵynyń ıegeri, Halıfa Altaıdyń esimi berildi. Osydan úsh jyl buryn ashylyp, az ýaqytta óńirdiń biregeı rýhanı hám kelisim ortalyǵyna aınalǵan Shyǵys Qazaqstan oblystyq meshitiniń bas ımamy Nurlan qajy Asanovtyń aıtýynsha, taıaýda óńir ardagerleri men jurtshylyǵynyń usynysymen meshitke Halıfa Altaıdyń esimin berý jónindegi másele kóterilgen bolatyn. Bastama Qazaqstan Musylmandary dinı basqarmasynyń tóralqasynda talqylanyp, biraýyzdan qoldaý tapty.
Dýman ANASh,
«Egemen Qazaqstan».
О́SKEMEN.