Maksım Samorodov Reseı Premer-lıgasynyń 19-týrynda SSKA qaqpasyna jeńis golyn soǵyp, «Ahmatqa» mańyzdy úsh upaı syılady. Tizginin Qazaqstan quramasynyń burynǵy bas bapkeri Stanıslav Cherchesov ustap otyrǵan komanda, máskeýlik ujymdy 1:0 esebimen utty, dep habarlaıdy Egemen.kz.
Negizinde, «Ahmat» óz alańynda 39 jastaǵy qaqpashy Igor Akınfeev qorǵaǵan qaqpany úsh ret dál kózdegen. Alaıda tóreshi Sergeı Karasev Lechı Sadýlaev pen Sergeı Prıahınniń goldaryn ofsaıd dep eseptep, nátıjeni tirkemedi. Al Samorodovtyń doby ereje aıasynda soǵyldy.
Kezdesýdiń 4-mınýtynda aqtóbelik fýtbolshy aıyp alańy syzyǵyna jýyq tustan joıqyn soqqy jasap, dop qorǵaýshyǵa tıip, qaqpanyń buryshyna baǵyt aldy. Bul – onyń bıylǵy Reseı chempıonatyndaǵy úshinshi goly jáne «Ahmat» sapyndaǵy 125 matchtaǵy 25-shi nátıjeli soqqysy.
«Elimaı» fýtbol klýbyna demeýshi tabyldy
Qysqy úzilisten keıin qaıta jalǵasqan Reseı Premer-lıgasynyń matchtarynda kósh basyndaǵy úsh komanda – «Krasnodar», «Zenıt» jáne «Lokomotıv» – óz alańdarynda jeńiske jetti. «Krasnodar» «Rostovty» 2:1 esebimen utsa, peterborlyqtar «Baltıkany» 1:0 esebimen tize búktirdi. Bul oıynda otandasymyz Nuraly Álip alańǵa match sońynda shyqty. Al máskeýlik «Lokomotıv» «Parı Nıjnıı Novgorodty» 2:1 esebimen jeńdi.
«Sochı» men «Spartak» arasyndaǵy kezdesý ushqyshsyz apparattar shabýyly qaýpine baılanysty keıinge qaldyryldy.
Qazaqstannyń Ulttyq fýtbol quramasynyń bapkerler shtaby anyqtaldy
19 týr qorytyndysy boıynsha «Ahmat» týrnırlik kestede jetinshi orynda keledi. Olar bir upaı artyqshylyqpen Dınamo Moskva komandasynan alda tur. Atalǵan klýb sapyndaǵy otandasymyz Bahtıer Zaınýtdınov jaraqatyna baılanysty «Krylıa Sovetovqa» qarsy (4:0) matchqa qatysqan joq.
Groznyılyqtar kelesi oıynyn 9 naýryz kúni Máskeýde «Lokomotıvke» qarsy ótkizedi.