Qyzylshaǵa baılanysty qalyptasyp otyrǵan epıdemıologııalyq jaǵdaıǵa baılanysty Densaýlyq saqtaý mınıstrligi epıdemııaǵa qarsy jáne sanıtarııalyq-profılaktıkalyq is-sharalardy kúsheıtti, dep jazady Egemen.kz.
Jaǵdaı turaqtalǵanǵa deıin 6-10 aılyq balalardy qosymsha ımmýndaý engizilgen. Sondaı-aq buryn ekpe almaǵan 2-5 jáne 7-18 jastaǵy balalar men 30 jasqa deıingi medısına qyzmetkerlerin de vaksınasııalaý uıymdastyryldy.
Uıymdastyrylǵan ujymdar men áskerı bólimderde vaksınasııalanbaǵan adamdardy ýaqytsha shettetýdi qosa alǵanda, josparly emdeýge jatqyzýǵa jáne epıdemııaǵa qarsy rejımge qoıylatyn talaptar kúsheıtilgen.
Oraza kezinde ekpe saldyrýǵa ruqsat pa?
Mınıstrlik qabyldanǵan sharalardy iske asyrý qazirdiń ózinde oń nátıje kórsetip otyrǵanyn málimdedi.
«Aldyńǵy aptamen salystyrǵanda (417 jaǵdaı) qyzylsha tirkelý jaǵdaılary 311-ge deıin tómendedi. Tómendegenine qaramastan, epıdemıologııalyq jaǵdaı áli turaqty emes. Qyzylsha dereginiń eń kóbi Astana qalasynda tirkeldi – 81 jaǵdaı, Almaty qalasynda – 48 jaǵdaı, Almaty oblysynda – 57 jaǵdaı, Batys Qazaqstan oblysynda – 29 jaǵdaı, Atyraý oblysynda – 57 jaǵdaı jáne Qostanaı oblysynda – 57 jaǵdaı. Naýqastardyń negizgi úlesin 14 jasqa deıingi ekpe almaǵan balalar quraıdy», delingen mınıstrlik habarlamasynda.
Elimizde papılloma vırýsyna qarsy ekpe egý bastalady
2026 jyldyń basyndaǵy jaǵdaı boıynsha qosymsha ımmýndaýmen 6-11 aılyq 36,7 myń bala, josparly vaksınasııalaýmen 1 jastaǵy 21,4 myń bala (6,7%) jáne 6 jastaǵy 17 myń bala (4,7%) qamtylǵan.
Mınıstrlik ahýalǵa monıtorıng júrgizýdi jáne den qoıý sharalaryn úılestirýdi jalǵastyryp jatyr.
Almatyda 12 myńnan astam qyz balaǵa jatyr moıny obyryna qarsy ekpe jasaldy