О́ńir ekonomıkasyna serpin beretin kásiporyn

Bul bastama óńirlik agro­ónerkásip keshenin damytýǵa, mal sharýashylyǵyndaǵy ónimdilikti arttyrýǵa, sondaı-aq ımportqa táýeldilikti azaıtýǵa múmkindik beredi. Seriktestik basshysy Baýyrjan Sabanov tyń jobany júzege asyrý úshin «Aqjaıyq» áleýmettik kásipkerlik korporasııasy arqyly jeńildetilgen nesıe alǵan. Jobany júzege asyrýshylar zaýyttan shyǵatyn qospa tórt túlik mal ǵana emes, qus fabrıkalary men balyq sharýashylyǵynda da erekshe suranysqa ıe ekenin aıtyp otyr. Iаǵnı bul tabıǵı qospany paı­dalanǵan kezde bordaqy mal­dyń salmaǵy eselep artyp, ýaqyt pen qarjy únemdelip, mal sharýashylyǵynyń tıimdi­ligi arta túspek.

Jobanyń jalpy quny 630 mıllıon teńgeni quraıdy. Ká­siporyn tolyq qýatyna kósh­kende aıyna 200 tonnaǵa deıin daıyn ónim óndire alady. Munda 20-ǵa jýyq adam turaqty jumysqa tartylady. О́ndiriske qol­danylatyn zamanaýı jab­dyq­­tar Soltústik Qazaqstan obly­synan jetkizilgen. Olar teh­nologııalyq tıimdilikti qam­ta­masyz etip qana qoımaı, ónim sapasynyń joǵary bolýyna jol ashady. О́ndiristi avtomat­tan­dyrý eńbek ónimdiligin art­ty­rýǵa jáne kásiporynnyń báse­kege qabilettiligin kúsheıtýge múmkindik beredi.

Zaýyttyń ashylý saltanatyna arnaıy kelgen oblys ákimi Narıman Tóreǵalıev byltyr óńirdiń óńdeý ónerkásibinde ónim kólemi 112,2 paıyzǵa ulǵaıyp, 379,7 mlrd teńgeni quraǵanyn atap ótti.

«Kásipkerlikti qoldaý baǵy­tyn­da memleket tarapynan aýqymdy jumys atqarylyp keledi. Memleket basshysy Qasym-Jomart Toqaev halyqqa Joldaýynda kásipkerlik salasyna aıryqsha mán berip, onyń el ekonomıkasyndaǵy ma­ńyzyn naqty atap ótti. Sonyń ná­tıjesinde óńirimizde kásipkerlikti damytýǵa qomaqty qarjy bóli­nip jatyr. 2025 jyldyń qory­tyndysynda Batys Qazaqstan oblysynda aýyl sha­r­ýa­­shy­lyǵyna arnalǵan túrli baǵdarlama arqyly 50 mıllıard teńge kóleminde jeńildetilgen nesıe aýyl sharýashylyǵymen aınalysatyn azamattarǵa berildi. Sonymen qatar 32 mıllıard teńge kóleminde qaıtarymsyz sýbsıdııa bólindi. Iаǵnı óńirge aýyl sharýashylyǵy óndirisin damytýǵa barlyǵy 82 mıl­lıard teńge baǵyttaldy. Memleket bas­shysynyń tapsyrmasyna sáı­kes 2026 jyldyń sońyna deıin aýyl sharýashylyǵy ónim­derin óńdeý kórsetkishin 70%-ǵa jetkizý mindeti qoıyldy. Halyqpen kezdesý barysynda jıi kóteriletin máseleniń biri – mal terisi men júnin kádege jaratý bolatyn. «Qaıda ótkizemiz? Qalaı óńdeımiz?» degen suraq kóp qoıylatyn. Endi, mine, sol máseleniń naqty sheshimi qolǵa alynyp otyr. Bul kásiporynda teri óńdelip, mal azyǵyna qajet­ti ónimder, ıaǵnı proteın óndiri­letin bolady. Búgingi terini óńdep, sapaly ónim shyǵarýǵa baǵyttalǵan zaýyttyń basshysy Baýyrjan Qanatulyna, seriktesi, Soltústik Qazaqstan oblysynan kelgen Asylbek Aıkenovke alǵysymyzdy bildire­miz. Joba­nyń sátti júzege asa­tyny­na se­nimi­miz mol. Bul kásip­oryn óńir eko­nomıkasynyń damýyna serpin berip, jańa belesterge jol ashady dep senemiz», dedi N.Tóreǵalıev.

Jańa zaýyt basshysy Baýyrjan Sabanov bul ká­sip­­oryn­nyń elimizde úshin­­shi bolyp ashylǵanyn, aldaǵy ýaqytta óndiris kólemin ulǵaıtyp, ónimdi ishki naryqpen qatar eksportqa shyǵarý jospary bar ekenin aıtady. Buǵan Jánibek kentiniń Reseımen shekarada, temirjol boıynda turǵany da oń áserin tıgizbek. Tipti oblys ákimi de Batys Qazaqstan oblysynda óndiriletin teri ónimderin ishki naryqpen qatar, halyqaralyq deńgeıde eksportqa shyǵarýǵa da múmkindik bar ekenine senimdi.

Aıta keteıik, byltyr ırandyq ınvestorlarmen júrgizilgen kelis­sóz nátıjesinde Oral­da úsh jyldan beri jumysy tu­ralap qalǵan teri óńdeý zaýy­ty da qaıta iske qosylǵan edi. Jer­gilikti atqarýshy organ bıznes-qoǵamdastyqpen bir­lese otyryp, bul baǵyttaǵy ju­mys­ty júıeli jal­ǵas­ty­ryp jatyr. Osylaısha, aýylda mal baq­qan aǵaıynnyń mal shar­ýa­shy­ly­ǵyndaǵy qosal­qy ónimdi – teri men júndi, súıek­ti kádege asyrý jónindegi talaby iske asyp keledi.

Batys Qazaqstan oblysy