QOSh BOL, AFRIKA, BAR BOL, BRAZILIIа!

ISPANIIа – ChEMPION! Ispandyqtar men gol­lan­dyq­tar álem kýbo­gynyń ıesin anyqtaý úshin qan maıdanda at oınatyp, bir-birine naıza tiremedi deme­se­ńiz, aıanbaı-aq qar­jysty. Birinshi taım oı­nady, nátıje joq. Ekin­shi taım oınady, nátıje joq. Úsh­inshi taım oınady, ná­tıje joq. Tórtinshi taım­nyń sońǵy mı­nýttary. Eki jaq penaltıge daıyn­dalǵandaı. Alań syrtyn­da­ǵy oıynshy­lar­dyń qar­balasy kóbeıdi. Vınsente Del Boske eńsegeı boıly Torresti alańǵa beker shy­ǵarmapty. Eýropa chempıona­ty­nyń sheshýshi golyn soǵyp, ıs­pan­dyq­tardy kári qur­lyq­tyń aldy qyl­ǵan Tor­res gollandyqtar qaq­pa­synyń aldynda súrkil sal­dy. Oǵan juldyzdaı aqqan Fabre­gas qosylyp, shabýyldy shıe­le­nistirip jiberdi. Oıyn­nyń 116-shy mınýty. Fab­regas qorǵaý­shy­lardyń ara­synan sa­ńy­laý taý­yp, qap­taldasyp kelip qalǵan Ines­taǵa dop shyǵaryp berdi. Mıl­­lıon­da­ǵan jankúıer­lerdiń kóz qurty bolyp júrgen ol sol jaǵyna sál jantaıa berip, oń aıa­ǵy­men shirene tartty. Talaı úmit­siz goldardyń jolynda tas qa­mal bolyp turyp alǵan Ste­ke­lenbýrg ornynan qozǵala da al­maı qaldy. Jeıdesin sheship alǵan In­es­ta qolyn júregine alyp ıspan korolevasy Sofııa otyrǵan tusqa aqty. Bútin bir memlekettiń, ǵu­myrynda álem chempıonatynyń júl­desin kórmegen memlekettiń aby­roıyn kókke jetkizgen jam­poz­dyń júregi qýanyshtan ja­ry­lyp kete jazdaǵan shyǵar. Uıqy degendi tars esinen shyǵaryp, ıs­pan­dyqtar Jer atty jumyr pla­ne­tany moıyndaryna ilip keter­deı halde bolyp júrgende gol­lan­dyq Iorıs Mateısen basta­ǵan qorǵaýshylar sýdıa Hovard Ýeb­bany jan alqymǵa alyp jatty. Ýájderi: “Gol ofsaıd­tan so­ǵyldy”, degen aıqaı. Olaı emes eken. Fabregas ta, Inesta da of­saıdta joq. Álem kýbogy  qol­­da­rynan sýsyp bara jatqan gol­lan­dyq­tardyń bul sońǵy tal qarmaýy edi. Eki qurama da jeńiske laı­yq-tyn. Kónge tigilgen anaý-mynaý júlde emes, fýt­bol áleminiń bas báı­gesi bol­ǵan soń qarsylastar qaq­pa­sy­na jalǵyz ózi at qoıatyn ba­tyrlyqty qoıyp saq oınaǵan. Eki qurama da óz tarıhynda álem chempıonatynyń altynyn alma­­­ǵan. Gollandyqtar 1974 jáne 1978 jyl­dary aqtyq syndarda FRG-men Argentınaǵa álem ký­bogyn ustatyp jiberip, ishteri áli kúnge deıin ýdaı ashyp júrse, bul “qyzyl fýrııalyq­tar­dyń” fı­nal­ǵa tuńǵysh shyǵýy edi. Alǵashqy on mınótte-aq ıs­pandyqtardyń alǵa shyǵardaı sát­teri bolǵan. Havıden aıyp ala­ńynda dop alǵan Ramos on bir metr jerden baspen urǵanda sa­ǵyzdaı sozylǵan Marten Steke­len­býrg qaqpa buryshynan syrt­qa qaǵyp jiberdi. Sol Ramos oń qanatta Kýıtty aldap ótip, qaq­paǵa taǵy betpe-bet kelgende Heıtıng aldynan shyqty. Álem kýbogynyń surmergeni Davıd Vılıa da úsh múmkindikti paı­dalana almady. Ispandyqtardyń qarsyla­sy­na óz oıynymen oınaýyn ta­ńatyndyǵy belgili. Gollandyqtar mundaı bopsaǵa kóngen joq. О́z erejesin kúshpen kórsetti. So­ny­men qym-qıǵash aıqas bastalǵan. Ispandyqtardyń arynyn basý úshin golland oıynshylary sha­lyp qulatýdy jıiletti. Aǵyl­shyndyq sýdıa Ýebba qaltasyna sary qaǵazdardy syıǵanynsha syqıtyp salyp kelipti. Aıaǵan joq. Shúlen tarat­qan­daı úlestirdi. Eki jaqqa da. Ekinshi taımda gollan­dyq­tardyń basty kóziri Aren Rob­benniń eki ret júz paıyz gol so­ǵatyn múmkindigi boldy. Birinde Snaıder aldyna dop salyp berdi. Álemdegi úzdik qaqpashylardyń biri Kasılıas atyp shyǵyp, aıaǵynyń ushymen dopty qaqpa syrtyna shyǵaryp jibergen. Tula boıy býyrqanǵan kúsh Robben qorǵaýshylardy qoǵadaı japyryp 83-i mınótte ıspan­dyq­tardyń aıyp alańyna taǵy ótti. Ispandyq jankúıerlerdiń júregi toqtap qala jazdaǵan shy­ǵar. Aıaǵyna jylandaı oralǵan Pýıoldyń ústinen arǵymaqtaı qarǵyǵan Robben Kasılıaspen taǵy da betpe-bet kelip, gol soǵa almaı ketti. Osy eki múmkindik Robbenniń júregin kelesi álem chempıo­natyna deıin ınedeı shanshyp, tún ortasynda talaı ret qara terge túsiretini anyq. Ekstra-taımda da esep ashar­lyq­taı mezetter eki jaqta da bol­ǵan. Fabregas Robbennyń “qa­te­ligin” qaıtalady. Janyn shúbe­rek­ke túıip júrgen Stekelenbýrg Kasılıastyń erligin qaıtalady. Van Marveık pen Del Boske tyń oıynshylardy birinen soń birin shyǵardy. 109-y mınótte Heıtıng aıyp alańynyń mańynda alǵa sýyrylǵan Inestany shalyp jyqty. Bir oıynda eki ret aıypty bolǵan qorǵaýshy alańnan qýyldy. Gollandyqtardyń aıyp alańyna naızadaı boılap qaıta-qaıta kire bergen Inesta aqyry gol soǵyp, degenine jetti. Erkekter de jylaıdy. Qaqpa­shy Kasılıas boı-boı dep egildi deı­siń. Al, shabýyl ótinde júrgen­der­diń qýanyshtan jylaýǵa ýaqyty joq edi. Oıynnyń bitýine eki mı­nót qalǵan. Tóreshi eki mınót qos­ty. Gollandyqtar yshqyndy. Bolmady. Ispandyqtar tóbesi kókke jet­ken­deı qýandy. Álem chempıo­na­ty­nyń úsh ret fınalynda oınap, al­tyn kýbokqa qoldary bir jetpeı qoı­ǵan gollandyqtardyń túri órt són­dirgendeı. Jankúıerler de jy­lady. Bir jaǵy – qýanyshtan, ek­in­shi ja­ǵy – ózekti órtegen ókinishten. Solaı bolary sózsiz edi. Júl­de­ni eki jaqqa ıtjyǵys tústi dep bó­lip berý degen joq. Ispanııa – tarıhynda tuń­ǵysh ret álem chempıony. Kúndeı jaı­naǵan jigitterdiń moınynda altyn me­daldar otshashýlar jarqylymen myń túske qubyldy. Kúmis me­daldi bylaı shyǵa bere qal­tasyna urǵan Bert van Mav­reık: “Oıyn bitýge eki-úsh mınót qalǵanda jeńilýdiń aza­­­by sumdyq eken. Penal­t­ıde je­ńemiz be degen úmitimiz bar edi, amal qansha, qatal bolsa da bul sport”, dedi. Al, Vınsente Del Bos­kege ne aıtsa da, qalaı sóılese de ja­­ra­sady. “Bizdiń oıynshy­lar­dyń ke­min­de taǵy bir gol soǵatyn múm­kin­dikteri bolǵan. Biraq, oıyn nátı­jesine razymyn. Bul – biz úshin eń ba­qytty kún. Men óz oıyn­shy­larym úshin erekshe qýanamyn ári maq­tanamyn”, dedi. Álem kýbogy básekesinde tórt birdeı oıynshy bes goldan soqty. FIFA-nyń anyqtaýy boıynsha eń úzdik fýtbolshy ataǵyna Ýrýgvaı­dyń shabýylshysy Dıego Forlan ıe boldy. Al, “Altyn býtsa” Ger­manııanyń sary altyn uly Tomas Mıýllerge buıyrdy. Sonymen qa­tar, Mıýller eń jas oıynshyǵa be­riletin júl­­­dege ıe boldy. Lev Iаshın at­yn­­daǵy júlde Is­panııa qu­ra­masynyń tas qamal qaqpa­shy­sy Iker Kası­lıastyń enshisine tıdi. Sonymen, fýtbol toıy tarqa­dy. Ispan halqy kún, tún degendi umyt­ty. Qa­nyn­da sal-serilerdiń ja­ly­ny bar halyq fýtbol toıy­­nyń otyz kún oıyn, qyryq kún toıyn toı­lamaı áste sabasyna tús­peıtindeı. Mysaly, osy eldiń ataqty tennıs­shi­si Rafael Nadal: “Biz bul jeńisti bir jyl toı­laýǵa ha­qymyz bar” deı­di. Ispanııa jeń­gende bul oǵlan jas balasha eńi­rep jyla­ǵa­nyn jasyrmaıdy. Ispanııa fýtbol fede­ra­sııasy Ońtústik Afrıka Res­pýblı­ka­syn­daǵy tamasha jeńisten soń FIFA-dan 23,7 mln. evro syılyq aldy. Al, Gollandııa quramasy 19 mln. alsa, úshinshi oryn úshin tires­ken Ger­manııa men Ýrýg­­vaıǵa tıgeni 16 mıl­lıon evro. Másele aqshada emes. “Quramań álem chempıony bolady, kónge ne tigesiń” dese, talaı memleket bir­ne­she mıllıardtardy ústelge atyp urary sózsiz edi. Álem kýbogynyń baǵasy ól­sheý­siz. Onyń qunyn jeńiske jet­ken­der jaqsy biledi. ChEMPIONATTAN TÚIGEN OI Álem chempıonaty aıaqtalǵanda qazaq fýtbolynyń jana­shyrlary ǵalym Shora Sarybaev jáne aqyn Tumanbaı Mol­daǵalıevten bir aı boıy búkil álemdi ózine qaratqan jarys týraly pikirlerin bilgimiz kelip, habarlasqan edik. Shora aǵamyz bylaı dedi: – Qazir den­saýlyǵym azdap syr be­rip júr. De­gen­men, fýt­boldy jas­­taı­ymnan ja­q­sy kóre­tin­dikten, je­ke­legen qu­ra­­malardyń oı­yndaryn kó­rýge tyrystym, – dedi ol kisi. – Men burynda da aıtqanmyn, qazir de aı­ta­myn, fýtboldyń keleshegi Afrıkada. Osy qurlyq­tyń quramalary bıyl bar kúsh-jigerlerin salýǵa ty­rysty. Sonyń ishinde Gana koman­dasynyń oıyny maǵan unady. Af­rıkalyqtar fýtboldy janyn salyp oınaıdy. Solar jartylaı fınalǵa shyqsa eken dep tiledim. Biraq amal ne, dop domalaq degendeı, fýt­boldan bárin kútýge bolady. – Fınalda qaı komandaǵa bolystyńyz? – Maǵan sensasııa kerek. Gana jaqsy oınady dep aıttym ǵoı. Solardyń sensasııa jasaıtynyn kúttim. Al Ispanııa men Gollan­­dııanyń oıyny qyzyqtyrmady. Bıylǵy básekede Eýropa men Oń­tústik Amerıka komandalarynyń aqtyq aıqasqa shyǵatynyn bárimiz ishimizden sezinip júrdik qoı. Bir ókinishtisi, Argentınanyń shırek fınalda joly bol­ma­dy. Mara­do­nany aıa­dym. Buryn ol jaqsy oınaıtyn. Al chempıo­nat­­ta odan basqa Gol­lan­dııa, Ispanııa, Ýrýg­­vaı, Germanııa she­ber oınady. Bi­raq, ıs­pan­dyq­tardan basqa­la­ry degenderine jetpedi. – Chempıonatqa baılanysty qandaı tilegińiz bar? Qazaq jigitterin daıyndaý kerek. Kezinde “Qaıratta” qara­kóz qandastarymyz az edi. Qazir de “Ordabasy”, “Qaısardan” bas­qalarynda qazaq balalary az. Biz­de komandaǵa kóldeneń kók atty­lar alynady da, olar qazaq fýtbolyna úles qosýdyń ornyna bir eki jyl oınap, aqshasyn ala­dy da ketip qalady. Sondyqtan aldymen jerdiń ıesi, eldiń kıesi bar degendeı, qazaq fýtbolyna ja­ny ashıtyn azamattardy ko­man­dalarǵa kóptep tartý kerek dep oılaımyn. Osydan soń Tumanbaı Moldaǵalıevpen habarlasqanymyzda, aqyn aǵamyz bıylǵy chempıonatty da jibermeı tamasha­la­ǵanyn, bul kisiniń ózi 1958 jyldan beri fýtboldyń jankúıeri bolyp kele jatqanyn aıtty. Men “Qaırattyń” oıynyn eshqashan jiber­gen emespin, – dedi aqyn aǵa. – Bala kúnimnen beri fýtbolǵa áýespin. Son­dyq­­­tan fýtbol meniń súı­ikti sport túrim. Osy jerde Tumanbaı aǵadan bıylǵy chempıo­nat­ sizdińshe qalaı ót­ti, qaı komandaǵa bo­lys­tyńyz dep suraǵa­nymyzda: “Chem­­­pıonatqa rızamyn. Kúshti komandalar jı­nalyp oı­nady. Gollandııa, Ispa­nııa bıyl álemdegi myqty koman­da­lardyń biri ekenin, al sońǵysy qatarynan Eýropa men álem chem­pıony bo­lyp, qazir onyń aldynda alyn­baı­­tyn qamaldyń joqtyǵyn dáleldedi”, dedi. Odan ári Tumaǵań myqty quramalar ǵana jetistikke jetetinin, solardyń ishinde ózi kúshti qurama retinde sanaıtyn Brazılııanyń jankúıeri bolǵanyn, onyń shırek fınalda jeńilgeni qazir álemde olarmen de ıyq teńes­tirip, básekelese ala­tyn komandalardyń shy­ǵyp kele jatqanyn dá­leldeıtinin aıtty. Al oı­yn­shylar arasynda óz basy Is­pa­nııadan Andreas Inesta men Gollan­dııadan Ýeslı Sneıderdiń una­ǵanyn jasyrmady. Jazyp alǵan Dastan KENJALIN. BASY QATTY, AIаǴY TÁTTI Onyń aqtyq synynda osy­men úshinshi ret aıtýly dodanyń fı­nalyna shyqqan Gollandııany jeńgen Is­panııa tuńǵysh ret álem chempıony ataǵyna ıe boldy. Al osy básekede tamasha óner kórsetip, birde-bir ret jeńilip kórmegen Gollandııa quramasy taǵy da 1974 jáne 1978 jyldardaǵy jaǵdaıdy qaıtalap, kúmis júldeni mise tutýǵa májbúr bol­­dy. Qola júlde ekinshi ret qatarynan úshinshi oryn alǵan Ger­manııanyń, tór­tin­shi oryn chempıonatta erik-jigerimen kózge túsken Ýrýgvaı komandasynyń enshi­sin­e buıyrdy. Mine, osyndaı notamen aıaq­tal­ǵan bı­yl­ǵy báseke kún saıyn ja­ńa­ryp tura­tyn ınternet-saıt­taryndaǵy jankúıer­ler­diń pikiri boıynsha osy kez­ge deıin ótken álem chempıonatta­ryn­daı qyzyq­ty jáne tartysty ótken­ge uqsaıdy. Qolda bar derekterge qa­ra­ǵanda, mýn­dıal ózine jer júziniń 715 mıllıon hal­qyn yn­tyq­tyrsa, TIME kompa­nııa­sy fınal­da­ǵy Is­panııa men Gollan­dııanyń arasyndaǵy oıyndy 700 mln. jankúıer tamasha­la­dy degen derek kel­tiredi. Qalaı de­gen­men bıylǵy báseke osyǵan deıin bolǵan jarystar­dyń bá­rinen asyp túskeni sózsiz. 2008 jyly Beı­jińde ótken Olımpıadany 600 mln. halyq tamashalaǵan bolatyn. Endi myna bir derekke qarańyzshy. Keshe dúnıe júziniń halqyn zertteıtin Gannover qory mynadaı málimetterdi taratty. Bıyl jer júziniń halqy 6,89 mlrd. adamdy qurapty. Kúnde ár sekónt saıyn dúnıege 3 náreste kelse, sonyń nátıjesinde jylyna halyqtyń sany 80 mln. adamǵa kóbeıip turady eken. Al bes jyldan keıin shartarapta 9,1 mlrd. halyq ómir súrse, 2050 jyly álemniń turmys deńgeıi tómen 49 memleketinde halyqtyń sany eki esege ósip, ol elderde turatyn adamdar sany 1,7 mlrd. bolady dep boljanýda. Bul endi sóz oraıy kelgende 2014 jyly Brazılııada ótetin mýndıaldi qansha adam tamashalaı alady degen oıymyzǵa qatysty keltirgen derekterimiz dep bilińizder. Sonda tórt jyldan keıin dúnıe júziniń halqy 320 mln. adamǵa ósse, chempıonatty bıyl­ǵy­daı 715 mln. halyq emes, odan da kóp jan­kúıer tamashalaýǵa múmkindik alatyn bolǵany ǵoı. Bıylǵy chempıonatty jankúıerlerdiń kógildir ekrannyń aldynan shyqpaı tamashalaı alǵanyn bir aı boıy Ońtústik Afrıka aspany astynda ótken matchtar­dyń tartysty bolǵanymen ǵana emes, ja­rys tóńireginde bolǵan neshe túrli oqı­ǵa­larmen, ataqty fýtbolshylar men ma­m­an­­dardyń bir-birimen aıtysyp, jaǵa ustasýǵa deıin barǵan jerlerimen de qyzyqty ótkenin baılanystyrýǵa bolady. Munda chempıonatqa Argentına qurama­syn áıgili Maradonanyń bastap ákelýi keıbir adamdardyń qytyǵyna tıip, sonyń ishinde Pelemen kóp jyldan beri kele jatqan aıtysyna taǵy da maı quıdy. Pele Argentınanyń oıynyna baǵa berip, Maradona bapker emes degen pikirin bil­dirse, Dıego Armando óz kezeginde brazı­lııalyqty sózi súıeginen ótetindeı etip, biraz jerge aparyp tastady. Osydan keıin óziniń, óz eliniń namysyn qorǵaǵan ǵasyr oıynshysyna eshkim tımedi. Kerisinshe, Argentınanyń parlamentarııleri oǵan arnap eskertkish ornatý kerek dese, kezinde ózi oınaǵan Italııanyń “Napolı” komandasynyń basshylyǵy ony klýbqa bas bapker bolyp kelýin ótindi. Chempıonatta qylmystyq oqıǵalar da kún ara bolyp jatty. Jarys bas­­­talar aldynda Ońtústik Afrıka Respýblı­kasynyń burynǵy prezıdenti Nelson Mandelanyń nemeresin kólik qaǵyp ketti. Osy­dan soń týrıster men ulttyq qura­malardyń qonaq úılerine urylar túsip, tártip saqshylaryn biraz ábigerge túsirdi. Mundaı oqıǵalar áli kúnge deıin eldiń ár túkpirinde bolyp jatqany ja­syryn emes. Endi chempıonattyń ózine kelsek, ol bu­rynǵylarǵa qaraǵanda eń kóp aǵaıyn­dy­lar óner kórsetken jarys boldy. My­saly, Germanııa quramasyn­daǵy Jerom Boatengtiń baýyry Gana komandasynda oına­dy. Bir qyzyǵy ekeýi baýyr bolsa da jasyl alańda óz elderi úshin aıanbaı kú­resti. Bıylǵy mýndıaldiń Ispanııa men Gollandııa arasynda ótken aqtyq aıqa­syn­da 72 jyldan soń fınaldyń eń jas tó­reshisi retinde 38 jasar aǵylshyn Go­vard Ýebb tórelik jasady. Oǵan deıin 1938 jyly fınaldyń tóreshisi Jorj Lýı Kapdavıl esimdi azamat bolǵan eken. Al chempıo­nattyń eń jas mergeni bolyp bes dop soqqan Germanııanyń 20 jasar jar­tylaı qorǵaýshysy Tomas Mıýller atan­dy. Osynshama dopty taǵy ıspan Davıd Vılıa, gollandyq Ýeslı Sneıder men ýrýg­vaılyq Dıego Forlan soqty. De­genmen, básekeniń bas mergeni ataǵyna nemis oıynshysy laıyq dep tanyldy. Eger oıynshylardyń bári birdeı dop soqsa, FIFA fýtbolshynyń komandalas áriptesterine golǵa shyǵarǵan pastaryn esepteıdi eken. Nemis oıynshysy osy jarysta úsh ret áriptesterine tamasha pas beripti. Halyqaralyq fýtbol federa­sııa­sy osyny eskerip, Tomasty chempıonat­tyń eń jas mergeni ataǵyna laıyq dep ta­nydy. Sonymen birge, ol osy chempıo­nat­taǵy jańa esim degen ataqqa da ıe bol­ǵa­nyn atap ótý jón. Bıylǵy básekede Mıýl­ler basqalardyń da kózine túsken mek­sı­ka­lyq Djovannı des Santos pen ganalyq Andre Aııýdyń aldyn orap ketti. Buǵan deıin onyń otandastarynyń ara­sy­nan 1966 jyly Frans Bekkenbaýer men 2006 jyly Lýkas Podolskı sol doda­lar­daǵy jańa esimder dep tanylǵan bolatyn. Bıylǵy fınalda oınaý ýrýgvaılyq aıaqdop sheberi Dıego Forlannyń mań­daıy­na jazylmasa da ol chempıonattyń eń úzdik fýtbolshysy ataǵyna ıe boldy. Al eger onyń Gollandııamen ótken jar­tylaı fınaldyq kezdesýde alystan soq­qan doby Noıer qorǵaǵan qaqpanyń mań­daıshasyna tımeı, gol bolǵanda ol ja­rys­tyń bes emes, alty dobyn soqqan sur­mergeni bo­lar edi. Osy jylǵy mýndıal­diń taǵy bir ereksheligi, bir aı boıy sozylǵan jarysta oınalǵan 64 matchta 145 dop soǵyldy. Ortasha eseppen alǵanda ár oıynda 2,2 dop soǵyldy. 1990 jyly Italııada ótken dodada ortasha eseppen alǵanda árbir matchta 2,2 dop soǵylǵan bo­latyn. Sodan keıingi jarystarda doptar qaqpada jıi týlap júrgen. Ońtústik Afrıkada aıaqtalǵan mýn­dı­alde FIFA úsh ádiletsiz soǵylǵan gol­dar úshin jankúıerler men ulttyq qura­ma­lardan keshirim surady. Atalmysh fýt­bol uıymy osynda soǵylǵan barlyq 145 dopty saralaı kele Brazılııanyń oı­yn­shysy Lýıs Fabıanonyń Kot d Ivýar­dyń (3:1) qaqpasyna qolyn dopqa tıgizip soq­qan golyn, argentınalyq Karlos Te­vestiń Meksıkamen bolǵan 1/8 fınal­dyq oı­yn­da (3:1) jáne Davıd Vılıanyń Is­panııa men Portýgalııa arasynda ótken kez­desýde (1:0) ofsaıdtan soqqan dopta­ryn esepke alǵandary úshin keshirim ótindi. Álem chempıonaty kezinde fýtbolshy­lar­dyń atynan góri Germanııada sýda tir­shi­lik etetin “Paýl” atty segizaıaqtyń aty shartarapqa tarap ketti. “Kóripkel” se­giz­a­ıaq Germanııanyń oıyndary men basqa quramalardyń sońǵy matchtaryna “bal” ashyp, kezdesýlerdiń nátıjesin aına-qa­te­siz bildirip turdy. Qazir Astananyń ma­ńyn­daǵy aýyldardyń birinde bir túıe­niń de fýtbol báse­ke­lerine boljam jasaı ala­­­­tyny, Avs­tra­lııanyń Sıdneı qala­syn­da mekendeıtin Garrı atty qolty­raýyn­nyń, Sıngapýr­degi totyqustyń ala dop oıyn­daryna dál “dıagnoz” qoıa alatyn­dary belgili bolyp otyr. Biraq bulardyń bári ataqty “Paýldiń” kóleńkesinde qalyp qoıdy. Álem chempıonaty tarıhynda jan­ýar­lardyń oıyndarǵa boljam jasaǵan kez­deri buryn-sońdy bolǵan emes. Bolsa da jurtshylyqty osyn­sha­ma tańqal­dyrmaǵan. Bıylǵy dodada Ispanııa eń taza oı­naǵan komanda ataǵyna ıe boldy. “Qyzyl fýrııa” jeti oıynda segiz sary qaǵaz aldy. 2006 jyly Germanııada ótken ja­rysta Ispanııa Brazılııa ekeýi osy ataq­ty bólisken bolatyn. Sóz oraıy bıylǵy álem chempıondaryna kelip turǵanda Ispanııanyń fýtbol federasııasy árbir oıynshyǵa 600 000 eýro kó­le­minde syıaqy taǵaıyn­da­ǵanyn atap ót­kenimiz jón. Jarystyń kúmis júld­e­­geri – Gollandııa qura­ma­syna sol eldiń federasııasy árbir oı­yn­shyǵa 300 000 eýrony sanap bere­tinderin málimdeýde. Al OAR bolsa, álem chem­pıo­natyn ótkizýshi el retinde uıym­das­tyrý jumysyna 3,5 mlrd. dollar jum­sap, 5 mlrd. AQSh dollary kóleminde tabys tapty degen derek bar. Bul ja­ǵynan elge chempıonatqa de­meý­shi bo­lyp, 1,8 mlrd. dollar jumsaǵan “Adidas” “Coca-Cola”, “Emirates”, “Hyun­dai-kia”, “Sony” men “VISA” kompanııalary kóp kómektesipti. Dastan KENJALIN.