Parlament Senaty Halyqaralyq qatynastar, qorǵanys jáne qaýipsizdik komıtetiniń tóraǵasy Ikram Adyrbekov Koreıa Respýblıkasy Ulttyq Assambleıasynyń depýtaty He Iong Vondy onyń ótinishi boıynsha qabyldady, dep habarlady Parlament Senatynyń baspasóz qyzmeti.
Senator meımanmen kezdesýde bul sapar Qazaqstan men Koreıa arasyndaǵy ózara tıimdi yntymaqtastyqqa jańa serpin beretinine senim bildirdi.
Ekijaqty ózara saıası is-qımyldyń qarqyndy sıpatyn atap óte kelip, I.Adyrbekov parlamentaralyq únqatysýdyń joǵary áleýetine toqtaldy. «Eki eldiń depýtattary ózara saparlarǵa júıeli túrde shyǵyp turady, bizdiń elimizdiń parlamentterinde Qazaqstan men Ońtústik Koreıanyń zań shyǵarý organdarynyń bedeldi múshelerinen quralǵan dostyq toptary qyzmet etedi», – dedi senator.
Taraptar saýda-ekonomıkalyq yntymaqtastyqtyń keleshegin talqylady jáne barlyq salada ózara aýqymdy is-qımyldy óristetý qajettigin atap ótti.