Parlament Senatynyń depýtattary Aqan Bıjanov pen Vladımır Bobrov Eýropa Keńesi Parlamenttik Assambleıasynyń 2015 jylǵy jyl saıynǵy sessııasynyń úshinshi bóligine qatysty, dep habarlady Parlament Senatynyń baspasóz qyzmeti.
Qazaqstan Respýblıkasynyń Parlamenti men EKPA arasyndaǵy Yntymaqtastyq týraly memorandým aıasynda qazaqstandyq depýtattar Parlamenttik Assambleıanyń jumysyna turaqty kelip júr.
Eýropa Keńesi parlamentshileriniń aldynda BUU Bas hatshysy Pan Gı Mýn, Eýropa Keńesiniń shetel isteri men qaýipsizdik saıasaty jónindegi Joǵarǵy ýákili, Eýropalyq komıssııanyń vıse-prezıdenti F.Mogerını, Malta prezıdenti M.-L.Koleıro Preka, Eýropa Odaǵynyń Bas hatshysy T.Iаgland sóz sóıleıdi.
Sessııa aıasynda ınternettegi kıber-terrorshyldyqpen kúreste yntymaqtastyqty nyǵaıtý, neorasızmniń damýyna jol bermeý, aqparattandyrýshylardy qorǵaýdy jaqsartý, buqaralyq aqparat quraldary jumysyndaǵy aıqyndyq, jańa eýropalyq áleýmettik úlgini izdestirý máseleleri talqylandy.