ASTANA. 27 naýryz. Saýd Arabııasy men onyń odaqtastary Iemendi bombylaýdy jalǵastyryp jatyr. Bul týraly «Kommersant» habarlady.
Habarlanǵandaı, arab koalısııasynyń hýsıtterge qarsy áskerı operasııasy qarsylastyń ondaǵan adam qurban etken.
«Saýd Arabııasy men onyń odaqtastary eldiń astanasy Sana qalasyna áýeden soqqy berip, Iemenge qarsy áskerı operasııasyn jalǵastyrýda. Iemenniń densaýlyq saqtaý mınıstrligi ondaǵan adamnyń ólip, jaralanyp qalǵandaryn, arasynda beıbit turǵyndardyń da bar ekenin málimdedi», - delingen habarlamada.
Iemenniń densaýlyq saqtaý mınıstrliginiń ókilderi men jergilikti basqa da sheneýnikterdiń málimetterine súıengen buqaralyq aqparat quraldary áskerı operasııanyń alǵashqy kúniniń ózinde 40-tan 65-ke deıingi adam sanynyń qurbandyqqa ushyraǵanyn jazyp otyr.
Eske sala keteıik, sońǵy aılarda Iemen terrıtorııasynyń jarty aýmaǵy eldiń prezıdenti Mansýr Hadıge qarsy soǵys áreketterin jasap jatqan jáne Irannyń qoldaýyna ıe bolǵan shııt tobyrlary – hýsıtterdiń qoldaryna kóshken bolatyn. Al 26 naýryz kúni Irannyń musylman álemindegi birinshi qarsylasy – Saýd Arabııasy kórshi Iemen jerinde «Sheshimdilik daýyly» dep atalatyn áskerı operasııasyn bastady.
Ázirge sóz biróńkeı áýeden soqqy jasaý operasııasy týraly ǵana bolyp otyr. Ázirge olar Iemenniń astanasy – Sana qalasyndaǵy aeroport pen áskerı nysanǵa, eldiń soltústigindegi Saada provınsııasyna berilip jatyr. Naýryzdyń 27-si kúni túnde astananyń ońtústigindegi respýblıkalyq gvardııaǵa, ishki ister áskerleri shtabyna taǵy soqqy jasalǵan, áýe shabýylyna sondaı-aq shııt búlikshileriniń Saadadaǵy jáne Lahdjdaǵy lagerleri men basqarý pýnktteri de ushyraǵan.
Beısenbi kúni keshke Saýd Arabııasy men onyń odaqtastarynyń halyqaralyq operasııasyn Arab memleketteri lıgasy syrtqy ister mınıstrliginiń keńesi qoldady. Budan buryn bul koalısııaǵa Kýveıt, Bahreın, BAÁ jáne Katar qosyldy, sodan keıin Iordanııa, Pákstan, Egıpet jáne Sýdan áskerı operasııany budan ári qoldap áketýge daıyn ekenderin málimdedi.
Búgin Iemen prezıdenti Hadıdiń elden ketip, Saýd Arabııasyna kelip alǵany belgili boldy.
Reseı syrtqy ister mınıstri Sergeı Lavrov Iemendegi jaǵdaıǵa túsindirme bere kelip, shıelenisti beıbit jolmen sheshýge shaqyrdy jáne ony Ýkraınada bolǵan jaǵdaımen salystyrdy. Reseı mınıstriniń pikirinshe, «ekijúzdilik standart» ustanǵan AQSh bul jerde elden qashyp ketken Iemenniń prezıdentine qoldaý kórsetedi de, ony dál sondaı ahýalǵa tap bolǵan Ýkraınanyń burynǵy prezıdenti Vıktor Iаnýkovıchke jasamaıdy.
Murat Aıtqoja.
Mánbe, sýret: Kommersant.