5 mamyrda Astanada jáne elimizdiń 17 óńirinde aýa raıynyń qolaısyzdyǵyna baılanysty eskertý jarııalandy. Sınoptıkterdiń málimetinshe, Qazaqstan aýmaǵynyń basym bóliginde jaýyn-shashyn kútiledi, dep habarlaıdy Egemen.kz.
Astanada kúnniń ekinshi jartysynda azdaǵan jańbyr men naızaǵaı kútiledi. Jel ońtústik-batystan soǵyp, keıin soltústik-batysqa aýysady, kúndiz ekpini 15-20 m/s-qa deıin jetedi.
Jetisý oblysynyń ońtústigi men taýly aımaqtarynda naızaǵaı bolady. Jel soltústik-shyǵystan soǵady, oblystyń soltústigi men shyǵysynda ekpini 15-20 m/s-qa deıin jetedi. Oblystyń batysy men soltústiginde joǵary órt qaýpi saqtalady, ońtústik-shyǵysy men ońtústiginde óte joǵary órt qaýpi kútiledi.
Atyraý oblysynda túnde soltústik jáne shyǵys bólikterinde jańbyr men naızaǵaı bolady. Kúndiz batys, soltústik jáne ońtústik aımaqtarynda jańbyr men naızaǵaı, al soltústik-batysynda keı jerlerde qatty jańbyr, naızaǵaı, burshaq, daýyl bolýy múmkin. Túnde jáne tańerteń soltústik pen shyǵysta tuman túsedi. Jel soltústikten, soltústik-shyǵystan soǵady, kúndiz oblystyń soltústigi, batysy jáne shyǵysynda ekpini 15-20 m/s bolady. Atyraýda kúndiz jańbyr men naızaǵaı kútiledi.
Mańǵystaý oblysynyń batysy, soltústigi jáne ortalyǵynda jańbyr men naızaǵaı bolady. Oblystyń batysy men ortalyǵynda tuman túsedi. Jel soltústik-batystan ońtústik-batysqa aýysady, kúndiz batys, soltústik jáne ortalyqta ekpini 15-20 m/s bolady. Aqtaýda túnde jáne tańerteń tuman kútiledi.
Almaty oblysynyń ońtústigi, shyǵysy jáne taýly aımaqtarynda jańbyr men naızaǵaı bolady. Soltústiginde joǵary órt qaýpi saqtalady.
Aqtóbe oblysynda túnde jańbyr, ortalyq bóliginde keı jerlerde qatty jańbyr bolady. Kúndiz batys, shyǵys jáne ortalyqta jańbyr kútiledi. Batys pen ortalyqta naızaǵaı, burshaq bolýy múmkin. Jel soltústik-shyǵystan soǵady, kúndiz ońtústikte ekpini 15-18 m/s bolady.
Batys Qazaqstan oblysynyń batysy men ońtústiginde azdaǵan jańbyr men naızaǵaı kútiledi. Jel soltústik-shyǵystan soǵady, kúndiz ońtústikte ekpini 15-20 m/s bolady.
Túrkistan oblysynyń taýly aımaqtarynda qysqa merzimdi jańbyr men naızaǵaı kútiledi. Jel ońtústik-shyǵystan soǵady, taýda ekpini 15-20 m/s bolady. Soltústiginde joǵary órt qaýpi saqtalady.
Ulytaý oblysynyń shyǵysy men ortalyǵynda, sondaı-aq ońtústiginde joǵary órt qaýpi kútiledi. Jezqazǵanda da joǵary órt qaýpi bar.
Qaraǵandy oblysynyń batysy, soltústigi jáne ortalyǵynda joǵary órt qaýpi saqtalady. Qaraǵandy qalasynda da joǵary órt qaýpi bar.
Jambyl oblysynyń taýly aımaqtarynda jańbyr men naızaǵaı bolady. Túnde jáne tańerteń taýly jerlerde tuman kútiledi. Jel soltústik-shyǵystan soǵady, oblystyń soltústik-shyǵysy men taýlarynda ekpini 15-20 m/s bolady. Ortalyǵy, soltústiginde joǵary órt qaýpi saqtalady, batysynda joǵary órt qaýpi kútiledi.
Qostanaı oblysynyń batysy, soltústigi jáne shyǵysynda túnde jańbyr, naızaǵaı, keı jerlerde qatty jańbyr, burshaq bolady. Kúndiz soltústik pen shyǵysta jańbyr, naızaǵaı, burshaq, daýyl bolýy múmkin. Túnde jáne tańerteń tuman túsedi. Jel ońtústik-batystan soltústik-batysqa aýysady, oblystyń batysy, soltústigi jáne shyǵysynda ekpini 15-20 m/s bolady. Qostanaı qalasynda túnde jáne tańerteń jańbyr, naızaǵaı kútiledi.
Shyǵys Qazaqstan oblysynda jel batystan, soltústik-batystan soǵady, keı jerlerde túnde jáne tańerteń ekpini 15-20 m/s bolady. Túnde shyǵysynda úsik kútiledi. Batysy men soltústik-batysynda joǵary órt qaýpi saqtalady.
Abaı oblysynda jel soltústik-shyǵystan ońtústik-shyǵysqa aýysady, túnde jáne tańerteń keı jerlerde ekpini 15-20 m/s bolady. Túnde batys jáne ortalyqta topyraq betinde -1°C úsik júredi. Soltústik-batysy, shyǵysy, ońtústigi jáne ortalyǵynda joǵary órt qaýpi saqtalady.
Aqmola oblysynyń batysy, soltústigi jáne ortalyǵynda jańbyr men naızaǵaı bolady, kúndiz ońtústiginde azdaǵan jańbyr men naızaǵaı kútiledi. Jel ońtústik-batystan soltústik-batysqa aýysady, oblystyń batysy, soltústigi jáne shyǵysynda ekpini 15-20 m/s. Ońtústik-shyǵysynda joǵary órt qaýpi saqtalady. Kókshetaýda da jel ekpini 15-20 m/s bolady.
Soltústik Qazaqstan oblysynda túnde jańbyr, naızaǵaı, kúndiz batys, soltústik jáne shyǵysynda jańbyr, naızaǵaı, burshaq, daýyl bolýy múmkin. Túnde jáne tańerteń ońtústiginde tuman bolady. Jel ońtústik-batystan soǵady, túnde ońtústik pen shyǵysta ekpini 15-20 m/s, kúndiz 15-20 m/s, keıde 25 m/s-qa deıin jetedi. Batysynda joǵary órt qaýpi saqtalady. Petropavlda jańbyr, naızaǵaı, kúndiz burshaq, daýyl kútiledi.
Pavlodar oblysynyń soltústiginde kúndiz jańbyr men naızaǵaı bolady. Jel ońtústik-batystan soǵady, soltústiginde ekpini 15-20 m/s bolady. Soltústigi, batysy jáne shyǵysynda joǵary órt qaýpi saqtalady.
Qyzylorda oblysynyń shyǵysy, ońtústigi jáne ortalyǵynda joǵary órt qaýpi saqtalady. Qyzylorda qalasynda da joǵary órt qaýpi bar.
Nurbolat AMANBEK