Eýropalyq tájirıbe engizilmek

Almaty qalasynyń emhanalarynda medısınalyq kómek kórsetýdiń jańa túri qoldanylmaqshy Almaty qalasynda aǵymdaǵy jyldan bastap patronajdy qyzmetti qaıta qurý men alǵashqy medısınalyq-sanıtarlyq kómek kórsetý qyzmetin jetildirý jónindegi alǵashqy jobany júzege asyrý jolǵa qoıylmaq. Ol 2015-2017 jyldarǵa josparlanǵan. Bul joba Densaýlyq saqtaý jáne áleý­met­tik damý mınıstrligi men QR densaýlyq saqtaý salasyna dıplomnan keıingi tájirıbeli mamandardy daıyndaýdaǵy úılestirýshi – Qazaq medısınalyq úzdiksiz bilim berý ýnıversıtetiniń (QazMÚBBÝ) bas­tamasy. Sondaı-aq, Almaty qalasy densaýlyq saqtaý basqar­masy bul jobaǵa belsendi qaty­sýshylardyń biregeıi bolyp ta­bylady. Jobanyń maqsaty – tirkelgen turǵyndarǵa úzdik eýropalyq tájirıbe transferi jolymen alǵashqy medısınalyq-sanı­tarlyq kómek kórsetý qyzmetin jetildirý jáne patronajdy (úıine baryp) járdem berý júıesin tıimdi uıymdastyrý. Búginde QazMÚBBÝ-i Almaty qalasy densaýlyq saqtaý bas­qarmasymen birige otyryp, №17 jáne №5 qalalyq emhanalarda bul joba jumystaryn bastap jiberdi. Yntymaqtastyq aıasynda eń aldymen emhanalardyń kadrlyq resýrstaryna saraptama jasalady. Sonymen qatar, tirkelgen turǵyndarǵa alǵashqy medısınalyq-sanıtarlyq kómek kór­setý jáne patronajdy járdem berýdiń jaǵdaıy, qoldanystaǵy reglamentteýshi qujattardyń eýropalyq standartqa sáıkestigi zertteledi. Bul jumysqa IýNISEF jáne JAMK ýnıversıtetinen (Fınlıandııa), Dandı ýnıve­r­sıtetinen (Ulybrıtanııa), patronajdy medbıkeler ınstıtýtynan (Ulybrıtanııa) shaqyrylǵan shetel keńesshileri kóp kómek kórsetýde. Almaty qalasy densaý­lyq saqtaý basqarmasynyń, Qa­zaq medısınalyq úzdiksiz bilim berý ýnıversıtetiniń jáne shet­eldiń bedeldi medısınalyq ýnı­versıtetteriniń jetekshi mamandarynan quralǵan sarapshylar toby úsh jyl ýaqyt ishinde alyp shahardyń emhanalarynda jumys jasaıdy. Munda basty kóńil jalpy prak­tıkalyq dárigerler, medbıkeler jumysyna, sonymen qatar, pat­ronajdy qyzmetti qaıta qurý­ǵa bólinedi. Eýropa elderiniń tá­jirıbesi turǵyndarǵa tıimdi medı­sı­nalyq kómek kórsetýde negizgi jumysty atqaratyn jalpy praktıka dárigerleri men orta medısına qyzmetkerleriniń biliktiligin arttyrýdy basty nazarda ustaýdy kórsetedi. Terapevtik medısına – ol syrqattyń dıagnostıkasy men durys emdelýi ǵana emes, sondaı-aq, naýqasqa profılaktıka ólshemderin úıretý, olarǵa salamatty ómir saltyn ustanýǵa qatysty tıisti aqparattardy berý bolyp tabylady. Mundaı alǵashqy joba sheń­berinde qalalyq emhanalardyń medısına qyzmetkerleriniń úzdiksiz kásibı damýyna arnaıy oqý baǵdarlamalary jáne dárigerler men medbıkelerge jańa qyzmettik nusqaýlyq jasalady, baqylaý men monıtorıng úshin olardyń jumystarynyń sapa ındıkatory anyqtalady. Sonymen birge, joba aıasynda jalpy praktıkalyq dárigerler men medbıkeler jumys oryndarynda jáne iri sheteldik ortalyqtar bazasynda da bilimderin jetildire alady. Qorytyndysynda bilimin jetildirgen jalpy prak­tıkalyq dárigerler zamanaýı talaptarǵa saı básekege qabiletti, ári suranysqa ıe maman bolyp shyǵady. Al jetildirilgen al­ǵash­qy medısınalyq-sanıtarlyq kómek modeli elimizdiń basqa da ambýlatorlyq-emhanalyq meke­melerinde de paıdalanylady. Iаǵnı, jaqyn ýaqyttarda eli­mizdegi qala­lyq emhanalar men aýdandyq ambýlatorııalarda úzdik eýropalyq tájirıbege saı medısınalyq qyzmet kórsetiletin bolady. Gúlzeınep SÁDIRQYZY, «Egemen Qazaqstan».