Qostanaı oblysy Lısakovsk qalasynda 15 jastaǵy jasóspirim sýǵa batyp kóz jumdy, dep habarlaıdy Egemen.kz.
Aldyn ala málimet boıynsha, qaıǵyly oqıǵa bolǵan kúni kámeletke tolmaǵandar toby sý aıdynynyń mańynda bolǵan. Boljamǵa sáıkes, jasóspirim júzýdi nashar bilse de, dostarymen bástesip sýǵa sekirgen.
Qostanaı oblystyq Tótenshe jaǵdaılar departamentiniń baspasóz qyzmeti oqıǵany rastady.
«Lısakovsk qalasynda Tobyl ózeninen 2011 jyly týǵan kámeletke tolmaǵan balanyń denesi tabylyp, sýdan shyǵaryldy. Ol shomylýǵa jabdyqtalmaǵan jerde sýǵa batyp ketken» delingen vedomstvo habarlamasynda.
Qutqarýshylar azamattardy tek arnaıy jabdyqtalǵan oryndarda shomylýǵa jáne sýdaǵy qaýipsizdik erejelerin qatań saqtaýǵa shaqyrdy.
Andaman teńizindegi apat: 250 adam mingen keme sýǵa batyp, 9 adam ǵana aman qaldy
Buǵan deıin Qostanaı oblysynda basseınge batyp kete jazdaǵan 5 jasar balany dárigerler klınıkalyq ólim jaǵdaıynda aman alyp qalǵan bolatyn.