Birlik – basty baılyǵymyz

Elbasy «Ult Jospary – 100 qadam: barshaǵa arnalǵan qazirgi zamanǵy memleket» atty bes ıns­­­tıtýttyq reformasyn jarııalady. Bul – memleketti zamannyń daýyly men jaýynyna uryndyrmaı, elimizdi órkenıet kóshine ilestirip, damýyn odan ári jalǵaı beretin baıandy jospar. Onda kásibı memlekettik apparat qurý, zań ústemdigin qamtamasyz etý, ındýstrııalandyrý jáne ekonomıkalyq ósim, birtektilik pen birlik, esep beretin memleket qalyptastyrý sekildi qadaý-qadaý máseleler aıtylǵan. Baǵdarlamada aıtylǵan máse­lelerdiń barlyǵyn halyq jappaı qoldaıdy. О́ıtkeni, bul zaman talabyna saı jasalyp otyrǵan reforma. Al ony júzege asyrý úshin eldiń birligi men yntymaǵy aýadaı qajet. Sondyqtan, 130-dan astam ult pen ulys mekendeıtin Qazaqstanda halyq arasyndaǵy dostyqty nyǵaıta berý kerek. Bul rette Elbasynyń «Ult Jos­parynda» naqty aıtylǵan. Búginde «Nurly Jolǵa» túsken Qazaq­stannyń eń bıik muraty «Máńgilik El». Táýelsizdigimizdi tuǵyrly, mem­lekettiligimizdi ǵumyrly etý barysynda úlken jobalar qolǵa alyndy. Sonyń biri – «Máńgilik El» patrıottyq aksııasy. Memleket basshysy atalǵan aksııany odan ári damyta berýdi tapsyryp otyr. Sonymen qatar, azamattyq birtektilikti nyǵaıtý úshin «Meniń elim» ulttyq jobasyn ázirlep, júzege asyrý­dy mindettedi. Osy jobanyń negi­zinde «Qazaqstan ensıklopedııasy» atty keń kólemdi ınternet porta­ly qurylady. Mundaǵy maqsat árbir qa­zaqstan­dyq azamat pen shetel­dik qonaq­tarǵa elimiz týraly jan-jaqty aqparatpen ta­nysty­rý bolyp tabylady. Por­talda Qazaq­stannyń 3D beıne týrlary, eldiń tarıhy men máde­nıeti, qyzyqty oqıǵalar men qara­paıym adamdardyń ómiri jaıynda aqparattar jarııala­nady. Bir sózben aıtqanda, portal Qazaq­stannyń «saparnama kar­toch­kasyna» aınalady. Osy kezeńge deıin elimizdegi ultaralyq birlikti saqtap, birtutas halyq jasaqtaýǵa baılanysty úlken jumystar atqaryldy. Bir ǵana Qazaqstan halqy Assam­bleıasynyń qurylyp, osy biregeı ınstıtýttyń tóńiregine túrli ulttyń basyn biriktirýdiń ózi aıtýǵa ońaı bolǵanmen, is júzinde aýyr jumys. Degenmen, Qazaqstan ony óz qolymen jasap shyqty. Al bes ınstıtýttyq reforma barysynda bul taraptaǵy jumys tipti jandana túsedi degen oıdamyn. Tımýr QASYMOV, oblystyq «Kyzylordınskıe vestı» gazetiniń bas redaktory. Qyzylorda oblysy.