Ardagerlerge qýanysh syılady

«Qarttarym – asyl qazynam» dep qurmetteıtin «Qazhrom» TUK» AQ-tyń fılıaly – Aqtóbe ferroqorytpa zaýyty árdaıym óz ardagerlerine qol-ushyn berip, qamqorlyǵyna alyp otyrady. Jeńistiń 70 jyldyq mereıtoıyna oraı kásiporyn Uly Otan soǵysy ardagerleriniń úılerin jóndeýge 2 mıllıon 600 myń teńge kóleminde qarajat bólip, kúrdeli jóndeýden ótkizdi. Búgingi tańda Aqtóbe ferro­qorytpa zaýytynyń ardagerler keńesinde 687 qart esepte turady. Onyń tórteýi Uly Otan soǵysynyń ardageri, úsh adam osy mártebege teńestirilgender, ­1­30-y­­ tyl eńbekkeri, 7-ýi soǵysta qaza tapqandardyń jesirleri bolyp tabylady. Ardagerler árdaıym zaýyt ákimshiliginiń bas­ty nazarynda. Olardyń talap-tilekteri, ótinishteri qashanda sheshimin tappaı qalǵan emes. Bıyl Uly Jeńistiń 70 jyldyq mereıtoıy qarsańynda zaýyt ákimshiligi soǵys ardagerleriniń páterin, úılerin jóndeý jumys­­taryn oıdaǵydaı aıaqtap, mereke aldynda úlken qýanysh syılady. – Ardagerlerge qurmet kórsetý bizdiń azamattyq pary­zy­myz. Biz tek 9 mamyr – Uly Jeńis kúninde ǵana emes, olarǵa árdaıym qamqor bolyp, talap-tilekterin, ótinish­terin qanaǵattandyryp otyramyz. Bıyl da osy ıgi dástúr óz jalǵasyn taýyp, Uly Jeńistiń 70 jyldyq mereıtoıy qarsańynda ardagerimiz Nıkolaı Pashenkonyń ótinishi boıynsha onyń páterine jóndeý jumystary júrgizildi. Sondaı-aq, oblys ákimdiginiń tapsyrmasy boıynsha qalamyzdyń turǵyny, soǵys ardageri О́tesh Jalmaǵambettiń turǵyn úıiniń shatyry almastyrylyp, ishi jóndelip, syrty zaman talabyna saı materıaldarmen qaptaldy. Jalpy, ardagerlerdiń úılerin jóndeý jumystaryna 2 mıllıon 600 myń teńge kóleminde qarajat jumsaldy. Sonymen qatar, Uly Jeńistiń 70 jyldyǵyna oraı zaýyttyń 4 soǵys ardagerine 70 myń teńge kóleminde aqshalaı syılyq jáne azyq-túlik salynǵan qaltalar, osy mártebege teńestirilgen 3 ardagerge 50 myń teńge, 130 tyl eńbekkerine 26 myń 600 teńge, 7 soǵysta qaza tap­qandardyń jesirlerine 20 m­yń teńge jáne 27 aýǵan soǵy­synyń ınterna­sıonal jaýyn­ger­i men Chernobyl apatyna ­qatys­qandarǵa 17 myń 800 teń­ge kóleminde aqshalaı syı­­lyq jasaldy. Sondaı-aq, 9 mamyr – Jeńis kúni 30 ardager­ge dastarqan jaıylyp, qur­met kórsetildi, «Evrazııa» medısı­nalyq ortalyǵynda tegin emdelýge múmkindikter qarastyryldy, – deıdi kásip­odaq uıymynyń tóraǵasy Baqytkereı Kavanov. – Uly Jeńistiń 70 jyldyq mereıtoıy qarsańynda meniń úıime kúrdeli jóndeý jumys­taryn júrgizip, demeýshilik jasaǵan Aqtóbe ferroqorytpa zaýytynyń ákimshiligine alǵysym sheksiz. Bul men úshin, meniń otbasym úshin tosyn syı boldy. Merekeni jańarǵan, ishi, syrty zaman talabyna saı jóndelgen úıde kóterińki kóńil kúımen qarsy aldym, – deıdi Aqtóbe qalasynyń Gagarın kóshesinde turatyn soǵys ardageri О́tesh Jalmaǵambet qýanyshyn jasyra almaı. О́tesh Jalmaǵambet 1942 jyly ásker qataryna shaqy­rylyp baılanysshy mamandyǵy boıynsha daıyndyqtan ótip, 1943 jyly Belgorod – Harkov baǵytyndaǵy Kýrsk shaıqasyna qatysqan. 1947 jyly elge aman-esen oral­dy. Ardagerdiń 1941-1945 jyl­dardaǵy soǵystaǵy eren erligi úshin «Uly Otan soǵysy», «Qy­zyl Juldyz», «Erligi úshin», «Eńbek ardageri», «Kýrsk shaı­qasy úshin» Ýkraınanyń «Qur­met tósbelgisi» sııaqty orden, medaldary keýdesinde jarqyraıdy. Mine, óńirdiń ekonomıkalyq damýyna eleýli úles qosyp kele jatqan kásiporyn basshylyǵy áleýmettik jaýapkershilikti de jete sezinip, qarttardy qamqorlyǵyna alyp, olardyń alǵysyna bólenip keledi. Satybaldy SÁÝIRBAI, «Egemen Qazaqstan». Aqtóbe oblysy. Sýrette: ardager Nıkolaı PAShENKO zaıybymen.