ASTANA. 2 sáýir. Elbasy Batys Qazaqstan oblysyna sapary barysynda «Oral transformator zaýyty» jaýapkershiligi shekteýli seriktestiginde boldy. Memleket basshysy ol jerde qýatty transformatorlar jasaý úderisimen tanysyp, zaýyttyń daıyn ónimderin kórdi. Bul týraly Aqordanyń baspasóz qyzmetine súıenip egemen.kz habarlady.
Sondaı-aq, Nursultan Nazarbaev eńbek ujymymen áńgimelesti. Qazaqstan Prezıdenti memleket kórsetken qoldaýdyń arqasynda kásiporyn qalpyna keltirilgenin jáne búginde odan ári damýǵa daıyn ekenin aıtty. Kásiporynnyń qazir óz ónimderin Eýrazııalyq ekonomıkalyq odaq elderine eksporttaýǵa barlyq múmkindigi bar.
Zaýyt jumysshylary ındýstrııalyq saıasattyń is júzine asyp jatqany týraly aıtyp, memleket halyqtyń ál-aýqatyn arttyrýǵa, eldegi turaqtylyqty qamtamasyz etýge kúsh-jiger jumsap otyrǵany úshin alǵys aıtty.
Italııanyń, Shveısarııanyń jáne nemistiń zamanaýı tehnıkalarymen jabdyqtalǵan zaýyttyń jobalyq qýaty jylyna 10 myń transformator shyǵarýǵa eseptelgen. Munaı-gaz salasynyń kompanııalary, energetıkalyq keshen men temirjol kóligi kásiporyndary osy ónimniń negizgi tutynýshylary bolyp sanalady.
Elaman Qońyr.
Derek: egemen.kz.
Sýret: infoportal.kz.