Qoǵam damýyna árkim de úles qosa alady

Elimizde alǵash ret Qazaqstannyń Azamattyq alıansynyń uıymdastyrýymen “SocialCamp Astana-2010” úkimettik emes uıymdar úshin beıresmı konferensııa ótti. Qoǵamnyń órkenıetke qaraı qadam basqan kóshiniń jyldam jú­rýi­ne árkim de úlesin qosa alady. Oǵan degen yqylas-peıili bar jan ÚEU-dar aıasynda atqarylyp jat­qan isterge selqostyq tanytpasa, onda belsendi azamattardyń jigerimen taý qoparýǵa da bolady, – dedi konferensııaǵa qatysýshylar. “SocialCamp” – Qazaqstanda osyndaı pishinde ótip otyrǵan birin­shi áleýmettik is-shara. Onyń ju­mysyna elimizdegi kóptegen ÚEU-larmen qatar, kórshiles Qyr­ǵyzstan men О́zbekstannan da ókil­der kelipti. Sharany uıymdas­ty­rý­shylar o­ǵan qatysýǵa eldiń belsendi ÚEU-y men barsha qoǵamdyq uıym­dardyń shaqyrylǵandyǵyn, nátı­je­sinde jınalǵan toptyń qarasyna kóńilderi tolǵandyǵyn bildirip jatty. “SocialCamp Astana-2010-nyń” maqsaty – qoǵamdyq sek­tor­dy damytýǵa jańa ekpin berý jáne jýyr aradaǵy úsh jylǵa arnalǵan onyń jumysynyń negizgi trend­te­rin belgileý. Elbasy Nursultan Nazarbaev “Jańa onjyldyq – jańa ekonomıkalyq órleý – Qa­zaq­stannyń jańa múmkindikteri” Qa­zaqstan halqyna Joldaýynda ÚEU-larǵa úlken mán berdi. Qo­ǵam­daǵy belsendilik pen azamattyq pozısııanyń árbir óńirdegi memle­ket­tik qyzmettiń monıtorıngine ara­lasýyna, ındýstrııaldyq joba­lardyń júzege asýyna qoǵamdyq baqylaý jasaýyna, árbir quqyq qorǵaý organynyń eseptik júıesi men qyzmetin baǵalaýdy jetildirý jáne saıası reformalardyń mańyz­dylyǵyn halyqqa jetkizý aýadaı qajettigine toqtaldy. Bul – bizdiń memleketimizdiń damýyna asa qa­jetti ister, sondyqtan árbir bel­sen­di jan, meniń azamattyq usta­nymym eldiń kórkeıýine jumys ja­sap, soǵan óz shama-sharqymsha úlesimdi qosýym kerek deýi qajet, – dedi ÚEU ókilderi. Qazaqstanda demokratııalyq úde­risterdi turaqty damytý úshin bar resýrstar men múmkinshilikterdi tıimdi paıdalaný maqsatynda aza­mat­tyq qoǵamnyń kúshterin birik­ti­rýdiń mańyzy zor. Qoǵamnyń áleý­mettik máselelerin sheshýde eldiń ókilettik jáne atqarýshy organdarmen tıimdi ózara qarym-qatynasta jáne yntymaqtastyqta bolýy óz jemisin berýde. Jyldan jylǵa ÚEU-larǵa memleket tara­py­nan áleýmettik tapsyrystar tizimi ja­salynyp, oǵan qarajat bólý kólemi de ulǵaıa túsýde. Parlament Májilisiniń depýta­ty, Qazaqstannyń Azamattyq alıan­sy­nyń prezıdenti Aıgúl Solo­ve­va­nyń aıtýynsha, bıylǵy jyly ol soma 1 mlrd. 200 mln. teńge shama­syna deıin ósken. – Alaıda, ÚEU-dardyń bar­ly­ǵynyń belsendiligi bir deńgeıde emes, – dedi Azamattyq alıans je­tek­shisi. – Keıbireýleri arnaıy tap­syrys maqsatynda ǵana qurylyp, ol aıaqtalǵan soń jabylyp qalyp jatady. Eger elimizde 9 myńǵa jýyq ÚEU tirkelse, monıtorıng jasaý barysynda olardyń tek 1 myńnan astamy ǵana turaqty jumys isteıtini anyqtaldy. Bul – azamattyq qoǵamdy áli de damyta túsý qajettigin kórsetedi. Sol sebepten qazirgi ýaqytta Azamattyq Alıans ÚEU sektoryn damytýda, ÚEU jáne memlekettik organdar­dyń ózara is-áreketterin, sondaı-aq eldiń jáne qoǵamnyń damýyna azamattyq qatysýdy belsendi­len­dirý salasynda jańa jobalarmen jumys isteýdi qolǵa aldy. Bizdiń elimizde bılik pen azamattyq qoǵam arasynda únqatysý qalyptasty. El­basynyń ózi qatysatyn Azamat­tyq forým minberlerinde kóte­ril­gen máseleler sheshimin taýyp ja­tady, al bul basqosý tek úkimettik emes uıymdardyń ózderiniń shara­sy. Osyndaı júzdesýlerden biz alǵa qoıar mindet, maqsattarymyzdy aıqyndaımyz, sondyqtan bul óte qajet te tıimdi shara. Beıresmı ótkizilgen osy sha­ranyń ereksheligi – onda minbeden resmı habarlamalar jasalynǵan joq. Árbir qatysýshy is-sharany uıymdastyrýǵa óz úlesin qosyp, qandaı da bir problemalarǵa basta­ma­shylyq kórsetti, pikirtalasqa belsene qatysyp otyrdy. Osynyń ózi ÚEU-lar tabıǵatyn asha tús­ken­deı. Aıtalyq, fandreızıng máde­nıeti, sektordyń kadrlyq proble­ma­lary, áleýmettik problemalardy sheshý jáne halyqpen jumys isteý boıynsha basqosýǵa qatysqandar bir-birimen qyzý pikir alysyp jatty. Bul joly konferensııaǵa qa­ty­sýshylardy tirkeý jańasha júr­gi­zilipti, ıaǵnı olar tolyqtaı elek­trondy ádispen tirkeldi. Bir-birinen aınymaı ótkizilip jatatyn dóńgelek ústel basyndaǵy áńgime­lerdeı emes, ÚEU-lar ótkizgen osy shara sonylyǵymen erekshelendi. Qatysýshylar ornynda otyryp-aq bir-birimen tanysýǵa múmkindik aldy. Erkin oı almasý tyń­daý­shyny jalyqtyrmady. – Sońǵy 10 jylda elimizde ÚEU-lar qarapaıym adamdarǵa áser etetin shaǵyn máselelerge kóńil aýdarýdy úırendi. Endi, mine, osy tájirıbeni bólisetin ýaqyt jetti. Jáne tájirıbe almasa oty­ryp, jańa baǵyttardyń, jańa ıdeıa­lardyń júzege asýyna qoǵamnyń belsendi múshelerin jumyldyra al­saq, maqsatymyzdyń oryndalǵany, – dedi “Qazaqstannyń Azamattyq alıansy” zańdy tulǵalar birles­ti­giniń Azamattyq qatysý baǵdar­la­ma­synyń dırektory Sabına Dúı­sekeeva. Shara aıasynda Social Ideas Market áleýmettik jobalarynyń jármeńkesi de ótkizildi. Onda eń úzdik dep tanylǵan joba 3000 dollardyń grantyn ıelenedi. Anar TО́LEÝHANQYZY, Astana.