QARAǴANDY. 27 tamyz. Qaraǵandy oblysynda óndiris qaldyqtary men zalaldy zattardy qorshaǵan ortaǵa zańsyz shyǵarǵany úshin «BasselGroup LLS» fırmasynan 253 mıllıon teńge óndirilip alyndy. Bul týraly oblystyq prokýratýranyń baspasóz qyzmeti habarlady.
Atalǵan kásiporyn jylý jáne elektr energııasyn óndirýmen, jetkizýmen jáne satýmen aınalysady.
Oblystyń tabıǵatty qorǵaý prokýratýasy jáne ekologııa departamenti birigip júrgizgen tekserý kezinde kásiporynnyń 2015 jyldan bastap tıisti organdardyń ruqsatynsyz óndiris qaldyqtary men zalaldy zattardy qorshaǵan ortaǵa shyǵaryp, tabıǵatty lastap kelgeni anyqtaldy.
Tabıǵatty qorǵaý prokýratýrasy Qaraǵandy oblystyq aýdanaralyq mamandandyrylǵan ekonomıkalyq sotyna «BasselGroup LLS» JShS-inen memleket paıdasyna 253 mıllıon teńge ótemaqy óndirip alý týraly talap aryz túsirgen bolatyn. Sot talap aryzdy tolyǵymen qanaǵattandyrdy.
Qaırat Ábildınov.
Derek: Qaraǵandy oblystyq prokýratýranyń baspasóz qyzmeti.
Sýret: azh.kz.