ASTANA. 3 sáýir. Meksıka shyǵanaǵynda ornalasqan Abkatun Permanente platformasyndaǵy órt sóndirildi. Bul týraly Lenta.Ru habarlady.
Munaı kenishindegi eki kúnge sozylǵan órttiń sóndirilgeni týraly aqpardy platforma ıesi – Pemex kompanııasy Twitter áleýmettik jelisinde málimdegen.
Habarlamada sondaı-aq ınternette jarııalaǵan platformanyń qırap qalǵanyn kórsetetin sýrettiń shyndyqqa janaspaıtyny atap ótilgen. Pemex kompanııasynyń ókili Abkatun Permanente platformasynda oryn alǵan ınsıdentke baılanysty basqy nysandarda munaı óndirý aýqymyn arttyrýǵa týra keletinin alǵa tartady.
Reuters habarlaǵandaı, órttiń saldarynan munda 4 adam qaza taýyp, 45 adam jaraqat alǵan. Platformadan 302 qyzmetshi áketilgen.
О́rttiń shyǵý sebebi áli belgisiz. Ol Abkatun Permanente aýmaǵynda 1 sáýir kúni bastalǵan.
Sońǵy jyldary Meksıkanyń Pemex memlekettik kompanııasynyń nysandarynda birneshe ret ártúrli ınsıdentter oryn aldy. 2013 jyly onyń shtab-páterinde jarylys bolyp, kem degende 37 adam qaza tapty. 2012 jylǵy qyrkúıekte Pemex zaýyttarynyń birinde lap etken órtte 26 adam ajal qushty.
Murat Aıtqoja.
Mánbe, foto: Lenta.Ru.