ALMATY. 21 mamyr. Islamdyq qarjylandyrý qyzmeti jónindegi Keńestiń (IFSB) HII halyqaralyq sammıti eki kúnge sozylǵan óz jumysyn aıaqtady. Halyqaralyq qarajat jıynyna Bahreın, Egıpt, Malaızııa, BAÁ, Sýdan, Túrkııa, Katar men Saýd Arabııasy, sondaı-aq basqa da birqatar musylman memleketteriniń bank ókilderi qatysty. Bul týraly forbes.kz habarlady.
Negizgi áńgime – qarjylyq bul salanyń Qazaqstandaǵy búgingi tynysy men bolashaq damý kókjıegi tóńireginde boldy. Sammıttiń bas qonaǵy – IFSB Bas hatshysy Iаsım Ahmed ıslamdyq qarjylandyrýdyń joǵary etıkalyq standarttary men qarjy rynoginde ushyrysatyn qandaı da bir ekstremaldi qubylystan alshaq bolý qaǵıdattary týraly sóz qozǵady. Batystan nesıe taratý qysqarǵan qazirgi kezeńde bul talaptar burynǵydan da kúsheıtiletini eskertildi. Dúnıejúzinde bankıngti Sharıat negizine oraılastyryp qurǵan zaıyrly memleketter de bar eken. Máselen, Ulybrıtanııa, Lıýksembýrg pen Sıngapýr skýk atalatyn ıslamdyq oblıgasııalardy kóptep shyǵara bastady.
Qazaqstan Ulttyq bankiniń tóraǵasy Qaırat Kelimbetov: «Bizdiń elde ıslamdyq qarjylandyrýdyń negizi Elbasynyń tapsyrysymen 2009 jyly qalandy. 2013 jyly Qazaqstan alǵashqy skýk oblıgasııalaryn shyǵardy. Ústimizdegi jyldyń sáýirinde Respýblıka Prezıdenti Nursultan Nazarbaev «Islamdyq qarjylandyrý týraly» Zańǵa qol qoıdy» dedi.
Sammıt barysynda Qazaqstannyń bul saladaǵy búgingi úlesi 1 paıyzǵa da jetpeıtini, qazir – daıyndyq kezeńi ekeni de ashyp aıtyldy.
Talǵat Súıinbaı.
Derek, sýret: forbes.kz.