Qazaqstan Respýblıkasy Parlamenti Májilisi men máslıhattarynyń depýtattaryn saılaý jónindegi saılaý naýqanyn uıymdastyrý men ótkizý jónindegi daıyndyq jumysynyń sheńberinde Ortalyq saılaý komıssııasy saılaýdy ádistemelik qamtamasyz etýge erekshe kóńil bóledi. Atalǵan jumys Ortsaılaýkomnyń saılaý komıssııalary músheleri men saılaý prosesine qatysýshylardy quqyqtyq oqytý jáne aqparattandyrý jónindegi qyzmet baǵyttarynyń biri bolyp tabylady.
Ortsaılaýkom ázirlegen túrli anyqtamalyq jáne aqparattyq materıaldar saılaýdy uıymdastyrýshylardyń saılaýdy ázirleý men ótkizý jónindegi kásibı qyzmetinde, sondaı-aq, saılaý naýqanyna qatysýshylardyń olardyń saılaý quqyqtaryn iske asyrýyna járdemdesýge beıimdelgen.
Ortsaılaýkomnyń tapsyrysy boıynsha aýmaqtyq, okrýgtik jáne ýchaskelik saılaý komıssııalary, saıası partııalar men olardyń senim bildirilgen adamdary, kandıdattar men olardyń senim bildirilgen adamdary, baıqaýshylar, BAQ ókilderi men taǵy basqalarǵa arnalǵan 8 aqparattyq plakat jáne 14 ataýly jadnama, ádistemeler, jınaqtar jáne basqa da baspa ónimderi ázirlenýde. Al Ortalyq saılaý komıssııasynyń tapsyrysy boıynsha ázirlengen barlyq ádistemelik materıaldar onyń www.election.gov.kz resmı ınternet-resýrsynda ornalastyrylady.
Azamattardy aqparattandyrý tıimdiligin arttyrý jáne olardyń saılaýǵa qatysý quqyqtaryn qamtamasyz etý úshin Ortsaılaýkomnyń tapsyrysy boıynsha, sondaı-aq, respýblıkalyq telearnalarda, radıoda, sonymen qatar, neǵurlym tanymal aýmaqtyq telearnalar efırinde saılaý naýqany boıy kórsetilip, dybystalatyn aqparattyq jáne jumyldyrý beıne- jáne dybysrolıkteri ázirlenýde. Sonymen qatar, eldiń óńirlerinde saılaý týraly negizgi aqparatty qamtıtyn jáne azamattardy daýys berýge qatysýǵa shaqyratyn aqparattyq jáne jumyldyrý bılbordtary ornalastyrylady.
Ýchaskelik saılaý komsıssııalary úshin «Saılaý kúni daýys berý rásimderi týraly» arnaıy oqytý fılmi ázirlenýde, ol eldiń barlyq aýmaqtyq, okrýgtik jáne ýchaskelik saılaý komıssııalaryna jiberiledi. Ortsaılaýkom, sonymen qatar, aqparattyq jáne túsindirý jumystaryna, saılaý organdary qyzmetiniń ashyqtyǵy men aıqyndyǵyn qamtamasyz etýge, saılaý zańnamasy normalarynyń qatań saqtalýyna erekshe kóńil bóledi. Sondaı-aq, Ortalyq saılaý komıssııasy barlyq buqaralyq aqparat quraldarymen belsendi is-qımyl jasaıdy, olardyń barlyq aqparattyq materıaldarǵa teń qol jetkizýin qamtamasyz etedi.
Bul yntymaqtastyqtyń tıimdiligin arttyrý úshin saılaý naýqany kezeńine Ortsaılaýkom janynda turaqty túrde jumys jasaıtyn baspasóz ortalyǵy ashylǵanyn taǵy da qaperge salamyz.
Sáýlebek BIRJAN.