QARAǴANDY. 27 qańtar. Halyqaralyq boks federasııasy (IBF) Gennadıı Golovkınniń jańa qarsylasynyń esimin atady. Bul týraly vringe.com. portalyna silteme jasaǵan egemen.kz tilshisi habarlady.
Orta salmaqta WBA (Super), IBO, IBF jáne WBC (Interim) tujyrymdary boıynsha álem chempıony Gennadıı Golovkın 23 sáýir kúni óziniń kezekti jekpe-jegin ótkizedi. Onyń bul jolǵy qarsylasy bolyp amerıkandyq 25 jastaǵy boksshy Domınık Ýeıd (18-0, 12 KO) taǵaıyndaldy.
Budan buryn Golovkınmen jekpe-jekke amerıkandyq Týreano Djonson shyǵady dep habarlanǵan bolatyn. Alaıda, ol jaraqatyna baılanysty aıqastan bas tartty.
Eske salsaq, Golovkınniń bolashaq qarsylasy Ýeıd byltyrǵy jyldyń maýsym aıynan beri sharshy alańǵa shyqqan emes. Ol óziniń sońǵy jekpe-jegin 41 jastaǵy ardager boksshy Sem Salımonmen ótkizip, daý-damaımen áreń jeńiske jetken bolatyn.
Qaırat Ábildınov.
Derek: vringe.com.
Sýret: lenta.ru.