ASTANA. 27 qańtar. Búgin Ortalyq kommýnıkasııalar qyzmetinde Astana qalasy ákiminiń birinshi orynbasary Sergeı Horoshýnnyń qatysýymen «2015 jyly elordanyń qurylys salasynda atqarylǵan jumys qorytyndylary týraly» taqyrybynda brıfıng ótti. Bul týraly qala ákimdiginiń resmı saıty astana.gov.kz-ke silteme jasaǵan egemen.kz tilshisi habarlady.
«О́tken jyldyń qorytyndysyna sáıkes qurylys jumystarynyń kólemi 472 mlrd. teńgeni qurap, 1759 myń sharshy metr baspana paıdalanýǵa berildi. Bul – elorda tarıhyndaǵy eń joǵary kórsetkish. Paıdalanýǵa berilgen baspana kólemi 2014 jylǵy kórsetkishpen salystyrǵanda 146 paıyzǵa artyq», – dedi qala ákiminiń birinshi orynbasary.
О́tken jyly jalpy aýdany 2371 myń sharshy metrdi quraıtyn 1135 ártúrli nysan paıdalanýǵa berildi. Sonymen qatar, 107 áleýmettik nysan, sonyń ishinde árqaısysy 1200 oryndyq jalpy bilim beretin 4 mektep, 1720 oryndyq 8 balabaqsha tapsyryldy. Buǵan qosa, 250 kereýet-oryndyq balalar juqpaly aýrýlar aýrýhanasy, medısınalyq-áleýmettik saýyqtyrý ortalyǵy, sol jaǵalaýda 500 kelýshige arnalǵan ambýlatorııalyq-emhanalyq keshen, Prezıdent Is basqarmasynyń klınıkalyq-ońaltý kesheni sııaqty densaýlyq saqtaý nysandary paıdalanýǵa berildi.
«Qoljetimdi baspana-2020» memlekettik baǵdarlamasy sheńberinde 343 myń sharshy metr, sonyń ishinde eski jáne apatty jaǵdaıdaǵy úılerdi buzý pılottyq jobasy aıasynda 151 myń sharshy metr baspana paıdalanýǵa berildi. Osy rette pılottyq joba bastalǵaly beri apatty jaǵdaıdaǵy úılerde turǵan otbasylarǵa 1762 páter tegin berilgenin atap ótken jón. Bekitilgen kestege sáıkes, jobanyń 1-kezeńin tolyq júzege asyrý 2017 jyldyń ekinshi jartysynda aıaqtalady.
Indýstrıaldy park aýmaǵynda 27 óndiristik nysan paıdalanýǵa berilip, 2735 jańa jumys orny ashyldy.
«Jalpy ekonomıkalyq konıýnktýra damýynyń turaqsyzdyǵyna qaramastan, 2016 jyly ekonomıkanyń qurylys salasyndaǵy ósý qarqynyn keminde 104 paıyz kóleminde saqtap qalamyz dep josparlap otyrmyz», – dedi Sergeı Horoshýn.
Onyń aıtýynsha, ákimdik qolda bar qarjylyq resýrstardyń azdyǵyna baılanysty halyqaralyq qarjy uıymdarymen, sonyń ishinde memlekettik-jeke menshik seriktestik tetikterin paıdalaný arqyly qaryz ben nesıe tartý maqsatynda jumystar júrgizýde. Bul baǵytta osy jyldyń ózinde 960 oryndyq 4 balabaqsha, 4 ambýlatorııalyq emhana, 4 parkıng qurylysy jobalaryn bastaý josparlanyp otyr. Búginde Astana qalasynda qurylys kezeńinde 2591, jobalaý kezeńinde 1195 nysan júzege asyrylýda.
Astana qalasy ákiminiń birinshi orynbasary «Qazaqstan Respýblıkasyndaǵy sáýlet, qala qurylysy jáne qurylys qyzmeti týraly» jáne «Turǵyn úı qurylysyna úlestik qatysý týraly» zańdaryn buzýǵa jol bergen elordada turǵyn úı keshenderin salýshylarǵa qatysty jaǵdaıǵa erekshe toqtalyp ótti. Bul jóninde ol: «Bul másele ákimdik pen vedomstvoaralyq komıssııa músheleriniń jiti baqylaýynda. О́tken jyly qurylys boıynsha 909 buzýshylyq, páterlerdi zańsyz satý boıynsha 37 derek anyqtalyp, olar boıynsha memlekettik organdar tarapynan der kezinde tıisti sharalar qabyldandy», – dedi.
Sonymen qatar Sergeı Horoshýn: «О́tken jyly biz óz betinshe qurylys júrgizýge qatysty buzýshylyqtardy eń tómengi kórsetkishke deıin azaıttyq. Kezekshi josparǵa sáıkes jekelegen oqıǵalar anyqtalyp otyrady. Búgingi kúni qurylys salýshylar óz betinshe sala bastaǵan nysandardyń qurylysyn sot sheshimimen toqtatyp, keıin qymbat aıyppuldar tólegenshe zańmen belgilengen tártipte ruqsat qaǵazdaryn alyp jumys istegen tıimdi ekenine kóz jetkizdi», – dedi.
Elaman Qońyr.
Derek, sýret: astana.gov.kz.