ALMATY. 27 qańtar Búgin 5-shi shaqyrylǵan qalalyq máslıhattyń 50-shi sessııasy qalanyń 2016 jylǵa arnalǵan bıýdjetin biraýyzdan bekitti. Bul týraly egemen.kz tilshisi habarlady.
Ekonomıka jáne bıýdjetti josparlaý basqarmasynyń jetekshisi Maqsat Qıqymov depýtattar bekitken 370 mıllıard 215 mıllıon teńgeniń qazirgi tańda 5,3 mıllıardy áleýmettik az qamtylǵan toptyń múddesine jumsalatynyn aıtty. Nannyń 10 teńgege qymbattaýyna baılanysty qosymsha jeńildik sharalary qarastyrylýda. Qaladaǵy kepteliske qatysty jol qozǵalysyn jeńildetý úshin arnaıy keshendi shemalyq joba jasaýǵa ǵana 300 mıllıon teńge bólinip otyr.
Sondaı-aq 2016 jyldyń 1 naýryzynan bastap depýtattar qala ákimdiginiń qoǵamdyq kólikter boıynsha jeńildetilgen aılyq jol júrý bıletin engizý týraly sheshimin maquldady. Budan bylaı mektep jasyndaǵy balalardyń bir aılyq jol júrý bıleti 1000 teńge, zeınetkerler úshin 2000 teńge bolyp bekitildi. Kóp balaly analarǵa 50 paıyz jeńildik beriledi (2000 teńge). Al, 1-2 toptaǵy múgedekter jáne Uly Otan soǵysynyń ardagerleri tegin júretin bolady.
Talǵat Súıinbaı.
Derek, sýret: egemen.kz.