TARAZ. 27 qańtar. О́tken jyl Jambyl oblysynyń sportshylar úshin erekshe tabysty jyl boldy. Oblys sportshylary túrli álemdik jáne halyqaralyq jarystarda 1128 medalǵa ıe boldy. Bul týraly egemen.kz tilshisi habarlady.
Jambyl oblystyq sport jáne deneshynyqtyrý basqarmasynyń basshysy Gamlet Qaınarbekovtyń aıtýynsha, jerlesterimiz álem, Azııa chempıonattary men kýboktarynda 111 medal, (52 altyn, 31 kúmis, 28 qola júlde), halyqaralyq týrnırlerde 194 medal (59 altyn, 52 kúmis, 83 qola júlde) jáne Qazaqstan chempıonattarynda 823 medal (347 altyn, 173 kúmis, 303 qola júlde) ıelenip, jyldy óte tabysty aıaqtady.
Atap aıtar bolsaq, dzıýdodan qazaq jastary arasynda tuńǵysh márte álem chempıony ataǵyn jeńip alǵan talantty jerlesimiz Eldos Smetovtyń esimi ult sportynyń tarıhyna altyn árippen jazyldy. 2014-2015 jylǵy maýsymdaǵy Ulttyq lıga komandalary arasynda «Taraz» voleıbol komandasy Qazaqstannyń HHIII chempıonatynyń chempıony jáne Qazaqstan sýper kýbogynyń ıegeri atandy.
Sondaı-aq, ótken jyly «Qazaqstan barysy» respýblıkalyq týrnırinde Beıbit Ystybaev ekinshi ret jeńimpaz atanyp, Jambyl oblysy sportynyń atyn bıikke kóterdi.
Al, paralımpııalyq sportshylar arasyndaǵy Shotlandııada ótken álem chempıonatynda Zýlfııa Gabıdýllına bıylǵy jyly Rıo-de-Janeıroda jalaýyn kóteretin Paralımpııa oıyndaryna qatysýǵa joldamany utyp aldy. Jáne ol Sochıde ótken ampýtanttarmen arbadaǵylardyń Búkilálemdik oıyndarynan 4 altyn medalmen oraldy.
Sondaı-aq, ampýtanttarmen arbadaǵylardyń arasynan Búkilálemdik oıyndarda taǵy bir daryndy jerlesimiz parataekvondodan О́miráli Nyshan chempıon atandy.
Sonymen qatar, bokstan Azııa chempıonatynda Oljas Sáttibaev birinshi oryndy, al Gýzalııa Gafýrova eresekter arasynda kúmis júldege, bokstan jasóspirimder arasyndaǵy álem chempıonatynda Hýrshedshoh Iskandarov júldeli ekinshi orynǵa kóterildi.
2015 jyly armreslıngten Antonına Lısıanskaıa men Zaır Ahmedov álem chempıonatynda birinshi oryndy ıelense, Tatıana Verına men Vladımır Matchenko ekinshi orynǵa shyqsa, bokstan áskerıler arasyndaǵy Búkilálemdik oıyndarda Aslanbek Shymbergenov altynnan alqa taǵyp, Jambyl oblysy boks mektebiniń baı dástúrin jalǵastyrdy.
Velosporttan Dinmuhamed Ulysbaev – jasóspirimder arasynda Álem kýbogynyń bir kezeńinde tórtinshi oryndy ıelenip, Qazaqstan velosportynyń reıtingisinde birinshi orynǵa ornyqty.
Júzýden jastar arasyndaǵy Azııa chempıonatynda Ádil Qasqabaı 3 altyn medalǵa ıe boldy. Nátıjesinde ulttyq qurama komanda qataryna alyndy.
Sonymen qatar, ótken jyly aýyr atletıkadan ótken álem chempıonatynda bizdiń olımpıadalyq úmitkerimiz Jasulan Qydyrbaev qola, kıkboksıngten Nurdirdá Eralıev kúmis júldeger atandy.
Al, Atyraý qalasynda sambodan ótken Azııa chempıonatynda erler arasynda Begádil Shaımerdenov birinshi oryn, Amanǵalı Jartybaev ekinshi oryndy, áıelder arasynda Araılym Shegenova birinshi oryndy jeńip aldy.
Taǵy da bir tabysty kórsetkish, Qazaqstan halqy Assambleıasynyń 20 jyldyǵyna arnalǵan ulttyq sport túrlerinen IV-shi respýblıkalyq festıvalda Jambyl oblysynyń qurama komandasy asyq atý, qusbegilikten birinshi oryndy jáne sáıgúlik baıqaýynan ekinshi oryndy ıelenip, jalpy komandalyq esepte oblys qurama komandasy úshinshi orynǵa kóterildi.
Oralhan Dáýit.
Derek, sýret: egemen.kz