ALMATY. 27 qańtar. Halyqaralyq ǵarysh stansasynda (HǴS) ǵylymı qyzmette júrgen amerıkalyq astronavt Skott Kellı AQSh-tyń shyǵys bóligine úreı týǵyzǵan qarly sıklondy sýretke túsirip, óziniń twitter áleýmettik jelisindegi jeke paraqshasyna jarııa etti. Bul týraly «Sınhýa» aqparat agenttigine silteme jasaǵan egemen.kz tilshisi habarlady.
Qalyń qardyń jaýýyna baılanysty el astanasy Vashıngtonda jáne basqa da 11 shtatta tótenshe jaǵdaı jarııalanǵan bolatyn. AQSh-tyń avıakompanııalary ótken aptanyń aıaǵynan búginge deıin birneshe myń áýe reısterin toqtatty. Tosynnan kelgen tabıǵı apattan 18 adam qaza tapty. Jergilikti halyq bul qubylysty «Ǵasyrdyń qarly daýyly» dep atady. Soltústik aýmaqtaǵy qonystanǵan eldi mekenderdiń turǵyndaryna qarly boran basylǵansha dalaǵa shyqpaý týraly qaıta-qaıta eskertýler jasalýda. Apatty aımaqta 200 myń úı elektr jaryǵynsyz qaldy.
Talǵat Súıinbaı.
Derek: Sınhýa.
Sýret: NASA.