2015 jylǵy 28 qarasha, Astana qalasy
Oblystardyń, respýblıkalyq mańyzy bar qalalardyń, astananyń tekserý komıssııalary týraly Úlgilik erejeni bekitý týraly
«Memlekettik aýdıt jáne qarjylyq baqylaý týraly» Qazaqstan Respýblıkasynyń 2015 jylǵy 12 qarashadaǵy Zańynyń 12-baby 4-tarmaǵynyń 12) tarmaqshasyna sáıkes, Respýblıkalyq bıýdjettiń atqarylýyn baqylaý jónindegi esep komıteti (budan ári - Esep komıteti) qaýly etedi:
1. Qosa berilip otyrǵan Oblystardyń, respýblıkalyq mańyzy bar qalalardyń, astananyń tekserý komıssııalary týraly Úlgilik ereje (budan ári – Úlgilik ereje) bekitilsin.
2. Osy normatıvtik qaýlyǵa qosymshaǵa sáıkes, Esep komıtetiniń keıbir normatıvtik qaýlylarynyń kúshi joıyldy dep tanylsyn.
3. Zań bólimi zańnamada belgilengen tártippen:
1) osy normatıvtik qaýlynyń Qazaqstan Respýblıkasynyń Ádilet mınıstrliginde memlekettik tirkelýin;
2) osy normatıvtik qaýly Qazaqstan Respýblıkasynyń Ádilet mınıstrliginde memlekettik tirkelgennen keıin kúntizbelik on kún ishinde onyń merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalanýǵa jiberilýin;
3) osy normatıvtik qaýlynyń Esep komıtetiniń ınternet-resýrsyna ornalastyrylýyn qamtamasyz etsin.
4. Normatıvtik qaýlynyń oryndalýyn baqylaý Esep komıtetiniń apparat basshysyna júktelsin.
5. Osy normatıvtik qaýly Úlgilik erejeniń 2019 jylǵy 1 qańtardan bastap qoldanysqa engiziletin 16-tarmaǵynyń 3) tarmaqshasyn qospaǵanda, alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Tóraǵa Q. JAŃBYRShIN
Respýblıkalyq bıýdjettiń atqarylýyn baqylaý jónindegi Esep komıtetiniń
2015 jylǵy 28 qarashadaǵy № 11-NQ normatıvtik qaýlysymen bekitilgen
Oblystardyń, respýblıkalyq mańyzy bar qalalardyń, astananyń tekserý komıssııalary týraly Úlgilik ereje
(Oblysy, qalasy) máslıhatynyń 201___ «____» _________
№ ____ sheshimimen bekitilgen
«__________ oblysy (_________ qalasy) boıynsha tekserý komıssııasy» memlekettik mekemesi týraly
EREJE
Osy Ereje ________ oblysy ( _______ qalasy) boıynsha tekserý komıssııasynyń mártebesin, ókilettikterin jáne jumysynyń uıymdastyrylýyn aıqyndaıdy.
1. Jalpy erejeler
1. ________ oblysy ( _______ qalasy) boıynsha tekserý komıssııasy (budan ári – Tekserý komıssııasy) jergilikti bıýdjettiń atqarylýyna syrtqy memlekettik aýdıtti jáne qarjylyq baqylaýdy júzege asyratyn memlekettik organ bolyp tabylady.
2. Tekserý komıssııasy óz qyzmetin Qazaqstan Respýblıkasynyń Konstıtýsııasyna, Qazaqstan Respýblıkasynyń zańdaryna, Qazaqstan Respýblıkasy Prezıdentiniń jáne Qazaqstan Respýblıkasy Úkimetiniń aktilerine, Qazaqstan Respýblıkasynyń ózge de normatıvtik quqyqtyq aktilerine, Tekserý komıssııasynyń Reglamentine, sondaı-aq osy Erejege sáıkes, tıisti ákimshilik-aýmaqtyq birlik sheginde júzege asyrady.
3. Tekserý komıssııasy memlekettik mekemeniń uıymdyq-quqyqtyq nysanyndaǵy zańdy tulǵa bolyp tabylady, memlekettik tilde óz ataýy bar mórleri men mórtańbalary, logotıpi, belgilengen úlgidegi blankileri, Qazaqstan Respýblıkasynyń zańnamasyna sáıkes qazynashylyq organdarynda shottary bolady.
4. Tekserý komıssııasy azamattyq-quqyqtyq qatynastarǵa óz atynan túsedi.
5. Tekserý komıssııasynyń eger Qazaqstan Respýblıkasynyń zańnamasyna sáıkes osyǵan ýákilettik berilgen bolsa, memlekettiń atynan azamattyq-quqyqtyq qatynastardyń tarapy bolýǵa quqyǵy bar.
6. Tekserý komıssııasy óz quzyretiniń sheginde Qazaqstan Respýblıkasynyń zańnamasynda belgilengen tártippen Tekserý komıssııasy Tóraǵasynyń buıryqtarymen jáne Tekserý komıssııasynyń qaýlylarymen resimdeletin sheshimder qabyldaıdy.
7. Tekserý komıssııasynyń qurylymyn Tekserý komıssııasynyń Tóraǵasy, tórt múshesi jáne apparaty quraıdy. Tekserý komıssııasynyń shtat sany lımıtin Qazaqstan Respýblıkasynyń Prezıdenti bekitedi.
8. Tekserý komıssııasynyń zańdy mekenjaıy:
(ındeksi, oblysy, qalasy, kóshesi, úı).
9. Memlekettik organnyń tolyq ataýy – « __________ oblysy ( _________ qalasy) boıynsha tekserý komıssııasy» kommýnaldyq memlekettik mekemesi.
10. Tekserý komıssııasy týraly erejeni __________ oblysynyń (_________ qalasynyń) máslıhaty bekitedi.
11. Osy ereje Tekserý komıssııasynyń quryltaı qujaty bolyp tabylady.
12. Tekserý komıssııasynyń qyzmetin qarjylandyrý tıisti ákimshilik-aýmaqtyq birliktiń jergilikti bıýdjetiniń qarajaty esebinen júzege asyrylady.
13. Tekserý komıssııasyna kásipkerlik sýbektilerimen Tekserý komıssııasynyń fýnksııalary bolyp tabylatyn mindetterdi oryndaý mánine sharttyq qatynastarǵa túsýge tyıym salynady.
Eger Qazaqstan Respýblıkasynyń zańnamalyq aktilerimen Tekserý komıssııasyna kirister ákeletin qyzmetti júzege asyrý quqyǵy berilse, onda osyndaı qyzmetten alynǵan kirister memlekettik bıýdjettiń kirisine jiberiledi.
2. Tekserý komıssııasynyń mıssııasy, negizgi mindetteri, fýnksııalary, quqyqtary men mindetteri
14. Tekserý komıssııasynyń mıssııasy ___________ oblysynyń (_________ qalasynyń) aýmaǵynda qarjy tártibin nyǵaıtý jáne ekonomıkalyq turaqtylyqty qamtamasyz etý maqsatynda, jergilikti bıýdjet qarajatyn, memleket jáne kvazımemlekettik sektor sýbektileri aktıvterin basqarýdyń jáne paıdalanýdyń tıimdiligin arttyrý bolyp tabylady.
15. Tekserý komıssııasynyń negizgi mindetteri:
1) jergilikti bıýdjetterdiń atqarylýyna, memleket jáne kvazımemlekettik sektor sýbektileri aktıvteriniń paıdalanylýyna jergilikti deńgeıde syrtqy memlekettik aýdıtti jáne qarjylyq baqylaýdy júzege asyrý;
2) Qazaqstan Respýblıkasynyń bıýdjet zańnamasy, Qazaqstan Respýblıkasynyń memlekettik satyp alý týraly zańnamasy jáne jergilikti bıýdjetterdiń atqarylýy, bıýdjet qarajatynyń, memleket jáne kvazımemlekettik sektor sýbektileri aktıvteriniń paıdalanylýy salasyndaǵy Qazaqstan Respýblıkasynyń ózge de normatıvtik quqyqtyq aktileri talaptarynyń saqtalýyn baqylaý;
3) jergilikti bıýdjetterdiń atqarylýyn, aýmaqtardy damytý baǵdarlamalarynyń jáne bıýdjettik baǵdarlamalardyń iske asyrylýyn taldaý jáne baǵalaý.
16. Tekserý komıssııasy _____________ oblysynyń (______________ qalasynyń) sheginde myna fýnksııalardy:
1) mynalardyń:
óziniń mazmuny boıynsha jergilikti atqarýshy organnyń tıisti esebine qorytyndy bolyp tabylatyn esepti qarjy jyly úshin jergilikti bıýdjettiń atqarylýy týraly esep daıyndaı otyryp, Qazaqstan Respýblıkasynyń bıýdjet júıesiniń qaǵıdattaryna sáıkes jergilikti bıýdjetti josparlaýdyń jáne atqarýdyń;
baılanysty granttardy, bıýdjettik ınvestısııalardy, memlekettik jáne memleket kepildik bergen qaryzdardy, memleket kepilgerligimen tartylatyn qaryzdardy jáne memleket aktıvterin paıdalanýdyń;
jergilikti atqarýshy organ men kvazımemlekettik sektor sýbektileri qyzmetiniń ekonomıkanyń nemese ekonomıkanyń jeke alǵandaǵy salasynyń, áleýmettik jáne basqa da memlekettik basqarý salalarynyń damýyna áseriniń;
tıisti bıýdjetti atqarý jáne memleket aktıvterin paıdalaný bóliginde, al Qazaqstan Respýblıkasy Prezıdentiniń tapsyrmalary boıynsha ózge de baǵyttar boıynsha Qazaqstan Respýblıkasy Memlekettik josparlaý júıesi qujattarynyń iske asyrylýynyń;
jergilikti atqarýshy organ men kvazımemlekettik sektor sýbektileriniń taýarlardy, jumystardy, kórsetiletin qyzmetterdi satyp alýdy josparlaý negizdiliginiń, olardyń iske asyrylýynyń jáne júzege asyrylý tıimdiliginiń;
taýarlar, jumystar, kórsetiletin qyzmetter satyp alýǵa bólingen (jumsalǵan) jergilikti qarjy resýrstarynyń mólsheri men satyp alynǵan taýarlardyń, jumystardyń, kórsetiletin qyzmetterdiń naryqtyq quny arasyndaǵy aıyrmany baǵalaýdy qosa alǵanda, baǵa belgileýdiń;
kvazımemlekettik sektor sýbektileriniń aktıvterin basqarýdyń;
salyqtyq ákimshilendirýdiń;
sharttardyń;
qorshaǵan ortany qorǵaý salasyndaǵy;
aqparattyq tehnologııalar salasyndaǵy;
memlekettik aýdıt obektileri qyzmetiniń tıimdilik aýdıtin júzege asyrady;
2) mynalarǵa:
memlekettik aýdıt obektileriniń býhgalterlik esepti júrgizý jáne qarjylyq eseptilikti jasaý anyqtyǵyna jáne durystyǵyna;
jergilikti atqarýshy organnyń jáne kvazımemlekettik sektor sýbektileriniń shart talaptaryn oryndaýyna;
jergilikti bıýdjetke túsetin túsimderdiń, bıýdjetke túsetin túsimderdi alýdyń tolyqtyǵy men ýaqtylylyǵyna, sondaı-aq jergilikti bıýdjetten qate (artyq) tólengen somany qaıtarýǵa, esepke jazýdyń durystyǵyna;
jergilikti bıýdjet qarajatyn, onyń ishinde joǵary turǵan bıýdjetten tómen turǵan bıýdjetke nysanaly transfertter jáne kredıtter túrinde bólingen qarajatty, baılanysty granttardy, memlekettik jáne memleket kepildik bergen qaryzdardy, sondaı-aq memlekettik kepilgerligimen tartylatyn qaryzdardy paıdalanýǵa;
kvazımemlekettik sektor sýbektileriniń qarjy-ekonomıkalyq negizdemege sáıkes, ózderine bólingen jergilikti bıýdjet qarajatyn paıdalanýyna sáıkestik aýdıtin júzege asyrady;
3) jergilikti bıýdjettiń shoǵyrlandyrylǵan qarjylyq eseptiligine aýdıt, bıýdjettik baǵdarlamalar ákimshileriniń jáne memlekettik mekemelerdiń qarjylyq eseptiligine aýdıt júrgizedi.
17. Tekserý komıssııasynyń quqyqtary:
1) oblystyń, respýblıkalyq mańyzy bar qalanyń, astananyń, aýdannyń (oblystyq mańyzy bar qalanyń) jergilikti atqarýshy organynan, memlekettik organdardan, jeke jáne zańdy tulǵalardan qupııalylyq rejıminiń, qyzmettik, kommersııalyq nemese zańmen qorǵalatyn ózge de qupııanyń saqtalýyn eskere otyryp, vedomstvolyq aqparattyq júıeler derekteriniń quramy men formattary týraly málimetterdi, sondaı-aq memlekettik aýdıt obektileriniń tıisti jylǵa arnalǵan tizbesin qalyptastyrý jáne memlekettik aýdıtti júzege asyrý, bıýdjettiń atqarylýy týraly esepterdi daıyndaý úshin qajetti qujattamany (aqparatty) suratady jáne alady;
2) barlyq memlekettik organdardyń, uıymdardyń jáne laýazymdy adamdardyń oryndaýy úshin mindetti, anyqtalǵan buzýshylyqtardy joıý jáne olarǵa jol bergen laýazymdy adamdardyń jaýaptylyǵyn qaraý týraly nusqama shyǵarady;
3) Qazaqstan Respýblıkasynyń zańnamasyna sáıkes memlekettik jáne ózge de aqparattyq júıelerge memlekettik aýdıt júrgizý úshin qajetti qoljetimdilikti alady;
4) memlekettik organdar men uıymdardyń qaýlyda nemese nusqamada belgilengen merzimderde usynymdar men nusqamalardyń oryndalýy týraly rastaıtyn qujattary qosa berilgen aqparatyn alady;
5) syrtqy memlekettik aýdıt júrgizýmen baılanysty máseleler boıynsha memlekettik aýdıt obektileri laýazymdy adamdarynyń tıisti aqparatyn tyńdaıdy;
6) memlekettik aýdıt qorytyndylary boıynsha laýazymdy adamdardy tártiptik jaýaptylyqqa tartý týraly olardy taǵaıyndaǵan adamdarǵa usynystar engizedi;
7) laýazymdy adamdardyń Qazaqstan Respýblıkasynyń normatıvtik- quqyqtyq aktilerin saqtamaýynyń anyqtalǵan faktileri boıynsha, sondaı-aq tıimdilik aýdıtiniń nátıjeleri boıynsha tıisti oblystyń, respýblıkalyq mańyzy bar qalanyń, astananyń, aýdannyń (oblystyq mańyzy bar qalanyń) máslıhatyna (budan ári – máslıhat) usynystar engizedi;
8) aýmaǵynda ózderi jumys isteıtin oblystyq bıýdjetke, respýblıkalyq mańyzy bar qalanyń, astananyń bıýdjetterine, sondaı-aq tıisti ákimshilik-aýmaqtyq birlikte qurylǵan aýdandardyń (oblystyq mańyzy bar qalalardyń) bıýdjetterine qatysty saraptamalyq-taldaý qyzmetin júzege asyrady;
9) Qazaqstan Respýblıkasynyń ákimshilik quqyq buzýshylyq týraly zańnamasynda kózdelgen quzyret sheginde ákimshilik quqyq buzýshylyq týraly is boıynsha is júrgizýdi qozǵaıdy;
10) Respýblıkalyq bıýdjettiń atqarylýyn baqylaý jónindegi esep komıtetimen (budan ári – Esep komıteti) jáne basqa memlekettik organdarmen kelisý boıynsha birlesken nemese qatar tekserýlerdi júrgizýge qatysady;
11) memlekettik aýdıtti júrgizý úshin memlekettik organdardyń tıisti mamandaryn (olardyń kelisimi boıynsha), sondaı-aq qajet bolǵan kezde aýdıtorlyq uıymdardy, sarapshylardy olar kórsetetin qyzmetterine tıisti bıýdjetten bólingen qarajat sheginde aqy tóleı otyryp tartady;
12) Qazaqstan Respýblıkasynyń zańnamasyna sáıkes ózge de ókilettikterdi júzege asyrady.
18. Tekserý komıssııasynyń mindetteri:
1) aýdıtorlyq esepterdiń jáne (nemese) qarjylyq eseptilik jónindegi aýdıtorlyq esepterdiń negizinde aýdıtorlyq qorytyndyny bekitedi;
2) Tekserý komıssııasynyń qaýlylaryn qabyldaıdy;
3) aýdıtorlyq is-shara jáne saraptamalyq-taldaý is-sharalary barysynda anyqtalǵan (anyqtalatyn) buzýshylyqtar men kemshilikterdi joıý jóninde sharalar qabyldaıdy;
4) memlekettik aýdıt obektisi laýazymdy adamdarynyń áreketterinde qylmystyq nemese ákimshilik quqyq buzýshylyq belgileri anyqtalǵan jaǵdaılarda, materıaldardy tıisti aýdıtorlyq dáleldemelerimen birge quqyq qorǵaý organdaryna nemese ákimshilik quqyq buzýshylyq týraly isterdi qozǵaýǵa jáne (nemese) qaraýǵa ýákiletti organdarǵa beredi;
5) bıýdjetke óteýdi qamtamasyz etý, jumystardy oryndaý, qyzmetter kórsetý, taýarlar berý jáne (nemese) anyqtalǵan buzýshylyqtar somasyn esepke alý boıynsha kórsetý jolymen qalpyna keltirý jáne Tekserý komıssııasynyń nusqamalaryn oryndaý maqsatynda sotqa talap qoıýdy beredi;
6) ishki aýdıt qyzmetteriniń qujattaryn qospaǵanda, basqa memlekettik aýdıt jáne qarjylyq baqylaý organdary júrgizgen memlekettik aýdıt nátıjelerin, eger olardy Qazaqstan Respýblıkasynyń azamattyq-prosestik zańnamasyna sáıkes sot zańsyz dep tanymasa, olardy tanıdy;
7) memlekettik aýdıt nátıjeleri tanylǵan jaǵdaılarda basqa memlekettik aýdıt jáne qarjylyq baqylaý organdary júrgizgen memlekettik aýdıt materıaldaryn negizge ala otyryp, memlekettik aýdıt kólemin qysqartady;
8) Qazaqstan Respýblıkasynyń zańnamasyna sáıkes quqyqtyq statıstıka jáne arnaıy esepke alý jónindegi ýákiletti organda aýdıtorlyq is-sharalar men tekserýlerdi tirkeýdi júzege asyrady;
9) memlekettik aýdıtti jáne saraptamalyq-taldaý is-sharalaryn júrgizýdi tıimdi josparlaý maqsatynda, memlekettik aýdıt jáne qarjylyq baqylaý materıaldaryn, eseptilikti Tekserý komıssııasynyń vedomstvolyq aqparattyq júıeleri men Memlekettik aýdıt jáne qarjylyq baqylaý jónindegi biryńǵaı derekqorǵa ornalastyrady, sondaı-aq memlekettik aýdıt obektileriniń tıisti jylǵa arnalǵan tizbeleri bekitilgenge deıin olar týraly aqparat almasýdy kelisilgen merzimderde júzege asyrady;
10) tekserýlerdiń qaıtalanýyn bolǵyzbaý maqsatynda memlekettik aýdıt obektileriniń tıisti jylǵa arnalǵan tizbelerin jáne olarǵa ózgeristerdi kelisedi;
11) memlekettik organdar men uıymdardyń basshylaryna olarda belgilengen merzimderde nemese, eger merzimi kórsetilmegen bolsa, olardy alǵan kúnnen bastap kúntizbelik otyz kún ishinde qaraý jáne oryndaý úshin qaýlylar men nusqamalar jiberedi.
12) ózderi aýdıtorlyq qorytyndyda bergen usynymdardyń jáne mindetti túrde oryndalýǵa baǵyttalǵan nusqamalardyń monıtorıngin júıeli negizde júzege asyrady;
13) júrgiziletin aýdıtorlyq is-sharalardyń qorytyndylaryn júıeli túrde taldaıdy, bıýdjettiń atqarylýy, memleket pen kvazımemlekettik sektor sýbektileriniń aktıvterin paıdalaný prosesinde anyqtalǵan buzýshylyqtar men kemshilikterdiń sebepteri men saldarlaryn jınaqtap qorytady jáne zerdeleıdi, sondaı-aq bıýdjet zańnamasyn jetildirý jáne Qazaqstan Respýblıkasynyń qarjy júıesin damytý jóninde usynystar ázirleıdi jáne olardy tıisti ýákiletti organdardyń qaraýyna usynady;
14) Memlekettik aýdıt jáne qarjylyq baqylaý organdary úılestirý keńesiniń sheshimderin oryndaýdy jáne Esep komıtetine tıisti aqparat usynýdy qamtamasyz etedi;
15) Esep komıtetiniń suraý salýlary boıynsha jergilikti bıýdjettiń atqarylýy týraly aqparat usynady;
16) qupııalylyq rejıminiń, qyzmettik, kommersııalyq nemese zańmen qorǵalatyn ózge de qupııanyń saqtalýyn eskere otyryp, buqaralyq aqparat quraldarynda óz qyzmeti týraly aqparatty ornalastyrady;
17) óz quzyreti sheginde sybaılas jemqorlyqqa qarsy is-qımyldar boıynsha sharalar qoldanýdy qamtamasyz etedi.
3. Tekserý komıssııasynyń qyzmetin uıymdastyrý jáne
onyń laýazymdy adamdarynyń ókilettikteri
19. Tekserý komıssııasy basshylyǵynyń quramy bes jyl merzimge taǵaıyndalatyn Tóraǵadan jáne tórt músheden turady.
20. Máslıhat Esep komıtetiniń usynysy jáne Qazaqstan Respýblıkasy Prezıdenti Ákimshiligimen kelisý boıynsha Tekserý komıssııasynyń Tóraǵasyn qyzmetke taǵaıyndaıdy jáne qyzmetinen bosatady.
21. Qazaqstan Respýblıkasynyń memlekettik qyzmet týraly zańnamasyna sáıkes máslıhat Tekserý komıssııasynyń múshelerin qyzmetke taǵaıyndaıdy jáne qyzmetinen bosatady.
22. Tekserý komıssııasy Tóraǵasynyń ókilettikteri:
1) jalpy basshylyqty júzege asyrady jáne Tekserý komıssııasyna júktelgen mindetter men fýnksııalardyń oryndalýyna Qazaqstan Respýblıkasynyń zańdarynda kózdelgen jaýaptylyqta bolady;
2) Tekserý komıssııasynyń reglamentin bekitedi;
3) Tekserý komıssııasy músheleri men Tekserý komıssııasy apparatynyń jumysyn uıymdastyrady;
4) Qazaqstan Respýblıkasynyń ózge de memlekettik organdarynda, uıymdarynda jáne odan tys jerlerde Tekserý komıssııasynyń atynan ókildik etedi;
5) bekitilgen shtat sany jáne oblystyq (qalalyq) bıýdjette kózdelgen qarajat sheginde Tekserý komıssııasy apparatynyń qurylymy men shtat kestesin bekitedi;
6) Qazaqstan Respýblıkasynyń zańnamasynda belgilengen tártippen Tekserý komıssııasy apparatynyń basshysyn jáne qyzmetkerlerin qyzmetke taǵaıyndaıdy jáne qyzmetinen bosatady;
7) memlekettik qyzmet týraly zańnamada belgilengen tártippen Tekserý komıssııasynyń qyzmetkerlerin kótermeleıdi jáne olarǵa tártiptik jaza qoldanady;
8) óz quzyreti sheginde buıryqtar shyǵarady, nusqaýlar beredi, olardyń oryndalýyn tekseredi, Tekserý komıssııasynyń otyrystarynda qabyldanǵan qaýlylarǵa jáne nusqamalarǵa qol qoıady;
9) memlekettik aýdıtti táýekelderdi basqarý júıesiniń negizinde uıymdastyrýdy kózdeıtin, memlekettik aýdıt obektileriniń tıisti jylǵa arnalǵan tizbesin bekitedi;
10) Tekserý komıssııasynyń múshelerine memlekettik aýdıtti jáne (nemese) ústeme, birlesken jáne qatar tekserýlerdi júrgizýge tapsyrmalar beredi;
11) Tekserý komıssııasynyń quzyreti sheginde aýdıtorlyq is-sharalardy júrgizýge qatysatyn Tekserý komıssııasynyń memlekettik aýdıtorlarynyń quramyn aıqyndaıdy;
12) Tekserý komıssııasynyń aýdıtorlyq, saraptamalyq-taldaý qyzmetine memlekettik aýdıt jáne qarjylyq baqylaý standartynyń saqtalýy mánine, sonyń ishinde memlekettik aýdıt obektisinde bola otyryp sapany baqylaý júrgizýdiń qajettiligin aıqyndaıdy;
13) jergilikti bıýdjettiń atqarylýyna jáne memleket pen kvazımemlekettik sektor sýbektileri aktıvteriniń paıdalanylýyna memlekettik aýdıt máselelerine qatysty qujattamamen qupııalylyq rejıminiń, kommersııalyq jáne zańmen qorǵalatyn ózge de qupııanyń saqtalýyn eskere otyryp, kedergisiz tanysady;
14) memlekettik aýdıt obektilerinen aýdıtorlyq is-sharalardy júrgizýge baılanysty máseleler boıynsha qajetti anyqtamalardy, aýyzsha jáne jazbasha túsiniktemelerdi talap etedi jáne ózi belgilegen merzimde alady;
15) Tekserý komıssııasynyń múshelerin qyzmetke taǵaıyndaǵan, sondaı-aq olardy qyzmetinen bosatqan kezde olardyń kandıdatýralary boıynsha usynysty tıisti máslıhattyń qaraýyna engizedi;
16) tıisti ákimshilik-aýmaqtyq birliktiń máslıhatyna aýdan (oblystyq mańyzy bar qala) bıýdjetiniń atqarylýy týraly jyldyq esepti usyný jónindegi mindetti oblystyń Tekserý komıssııasy músheleriniń birine júkteıdi;
17) tıisti ákimshilik-aýmaqtyq birliktiń oblys, respýblıkalyq mańyzy bar qala, astana jáne aýdan (oblystyq mańyzy bar qala) ákimdiginiń otyrystaryna qatysýǵa quqyly;
18) Tekserý komıssııasy Tóraǵasynyń janynan konsýltatıvtik-keńesshi jáne konsýltatıvtik-saraptamalyq organdar qurady;
19) ózi bolmaǵan jaǵdaıda, Tekserý komıssııasy Tóraǵasynyń mindetin qoldanystaǵy zańnamaǵa sáıkes, Tekserý komıssııasy músheleriniń birine júkteıdi;
20) Qazaqstan Respýblıkasynyń zańnamasynda kózdelgen ózge de ókilettikterdi júzege asyrady.
23. Tekserý komıssııasy músheleriniń ókilettikteri:
1) Tekserý komıssııasynyń aýdıtorlyq, saraptamalyq-taldaý, aqparattyq jáne ózge de qyzmetin uıymdastyrady jáne júzege asyrady;
2) Qazaqstan Respýblıkasynyń zańdarynda kózdelgen jaýaptylyqta bolady, tekseriletin memlekettik aýdıt obektileriniń jumys isteýine kedergi keltirmeıdi jáne olardyń aǵymdaǵy sharýashylyq qyzmetine aralaspaıdy;
3) jergilikti bıýdjetterdiń atqarylýyna, memleket pen kvazımemlekettik sektor sýbektileri aktıvteriniń paıdalanylýyna memlekettik aýdıtti josparlaý jáne júrgizý máselelerine qatysty qujattamaǵa qupııalylyq rejıminiń, kommersııalyq jáne zańmen qorǵalatyn ózge de qupııanyń saqtalýyn eskere otyryp, kedergisiz qol jetkize alady;
4) memlekettik aýdıtti júzege asyrýǵa baılanysty máseleler boıynsha qajetti anyqtamalardy, aýyzsha jáne jazbasha túsiniktemelerdi memlekettik aýdıt obektilerinen talap etedi jáne ózderi belgilegen merzimderde alady;
5) ózderi basqaratyn (jetekshilik etetin) qyzmet baǵyttarynyń máseleleri boıynsha óz quzyreti sheginde derbes sheshim qabyldaıdy;
6) óz quzyreti sheginde memlekettik aýdıtti tıimdi uıymdastyrý úshin qajetti resýrstardyń kólemin aıqyndaı otyryp, memlekettik aýdıttiń baǵdarlamalaryn bekitedi, aýdıtorlyq qyzmetti uıymdastyrý boıynsha mindetterdiń bólinýine sáıkes, nusqamalarǵa qol qoıady;
7) memlekettik aýdıt obektileriniń tıisti jylǵa arnalǵan bekitilgen tizbesine sáıkes Tekserý komıssııasy apparatynyń qyzmetkerlerine memlekettik aýdıt júrgizýge tapsyrmalar beredi;
8) tıisti ákimshilik-aýmaqtyq birliktiń oblys, respýblıkalyq mańyzy bar qala, astana jáne aýdan (oblystyq mańyzy bar qala) ákimdiginiń otyrystaryna qatysýǵa quqyly;
9) Qazaqstan Respýblıkasynyń zańnamasynda kózdelgen ózge de ókilettikterdi júzege asyrady.
24. Tekserý komıssııasynyń Tóraǵasyna jáne múshelerine oblys (qala) máslıhatynyń hatshysy qol qoıatyn kýálikter beriledi.
25. Tekserý komıssııasy oblystyń (qalanyń) máslıhatyna Tekserý komıssııasy Tóraǵasynyń jáne músheleriniń ókilettik merziminiń aldaǵy aıaqtalatyn merzimi týraly kúntizbelik otyz kún buryn habarlaıdy.
26. Tekserý komıssııasynyń Tóraǵasy jáne músheleri:
1) máslıhattyń qyzmetten bosatý týraly sheshim qabyldaýy;
2) olarǵa qatysty sottyń aıyptaý úkimi zańdy kúshine enýi;
3) belgilengen tártippen áreket qabileti shekteýli nemese áreketke qabiletsiz dep tanylýy;
4) anttaryn, Qazaqstan Respýblıkasynyń zańdaryn, Qazaqstan Respýblıkasy Prezıdentiniń aktilerin jáne osy Erejeni buzýy, ózderiniń mártebesimen syıyspaıtyn teris qylyq jasaýy, laýazymdyq mindetterin saqtamaýy;
5) qaıtys bolýy sebepti, sondaı-aq habarsyz ketken dep tanylǵan ne qaıtys boldy dep jarııalan jaǵdaıda;
6) Qazaqstan Respýblıkasy azamattyǵynyń toqtatylýy;
7) Qazaqstan Respýblıkasynyń aýmaǵynan tys jerge turaqty turýǵa ketýi;
8) basqa laýazymǵa taǵaıyndalýy sebepti qyzmetinen merziminen buryn bosatylady.
27. Tekserý komıssııasy Tóraǵasy men múshesiniń ókilettikteri qyzmetinen bosatý týraly ótinish berý túrinde merziminen buryn toqtatylǵan jaǵdaıda, Tekserý komıssııasynyń Tóraǵasy men múshesi qyzmetinen bosatý týraly tıisti ótinish berilgenge deıin keminde bir aı buryn máslıhatty jazbasha habardar etedi.
28. Tekserý komıssııasynyń aýdıtorlyq is-sharany júrgizý, sondaı-aq aqparattyq-taldamalyq, quqyqtyq, konsýltatıvtik, uıymdastyrýshylyq jáne ózge de qyzmetin Tekserý komıssııasynyń apparaty qamtamasyz etedi. Tekserý komıssııasynyń apparaty memlekettik ákimshilik qyzmetshiler bolyp tabylatyn laýazymdy adamdardan turady, ony Tekserý komıssııasynyń Tóraǵasy taǵaıyndaıtyn apparat basshysy basqarady.
29. Apparat qyzmetkerleriniń quqyqtary, mindetteri men jaýaptylyǵy, sondaı-aq olardyń memlekettik qyzmetti ótkerý jaǵdaılary memlekettik qyzmet týraly zańnamamen, eńbek zańnamasymen, memlekettik aýdıt jáne qarjylyq baqylaý týraly zańnamamen jáne osy Erejemen aıqyndalady.
30. Tekserý komıssııasy apparatynyń qyzmetkerlerin qaıta daıarlaý jáne olardyń biliktiligin arttyrý «Memlekettik aýdıt jáne qarjylyq baqylaý týraly» Qazaqstan Respýblıkasynyń 2015 jylǵy 12 qarashadaǵy Zańynyń 39-babyna sáıkes júzege asyrylady.
31. Tekserý komıssııasynyń qyzmeti Tekserý komıssııasynyń Tóraǵasy bekitetin memlekettik aýdıt obektileriniń tıisti jylǵa arnalǵan tizbesine sáıkes júzege asyrylady. Qazaqstan Respýblıkasy Prezıdentiniń tapsyrmalaryn, Qazaqstan Respýblıkasy Prezıdenti Ákimshiliginiń tapsyrmalaryna negizdelgen Esep komıtetiniń suraý salýlaryn, tıisti máslıhattardyń sheshimderin jáne Tekserý komıssııasy Tóraǵasynyń bastamasyn qospaǵanda, Tekserý komıssııasynyń memlekettik aýdıt obektileriniń tıisti jylǵa arnalǵan tizbesine ózgerister engizýge jol berilmeıdi.
32. Tekserý komıssııasy óziniń qyzmetin júzege asyrý kezinde memlekettik aýdıt obektisinen táýelsiz bolady. Tekserý komıssııasynyń táýelsizdigi:
1) Tekserý komıssııasynyń qyzmetine memlekettik organdardyń jáne ózge de uıymdardyń zańsyz aralasýyna;
2) memlekettik organdardyń suraý salýlary boıynsha memlekettik aýdıt obektileriniń tıisti jylǵa arnalǵan tizbesinde kózdelmegen tekserýlerdi júrgizýge Tekserý komıssııasynyń memlekettik aýdıtorlary men ózge de laýazymdy adamdaryn tartýǵa jol bermeý jolymen qamtamasyz etiledi.
33. Tekserý komıssııasynyń jergilikti bıýdjet qarajatyn paıdalanýyn memlekettik baqylaý jáne qadaǵalaý oblystyq (qalalyq) máslıhattyń kelisimi nemese tapsyrmasy boıynsha júrgiziledi.
34. Tekserý komıssııasynyń sheshimder qabyldaýy otyrysta alqaly túrde júzege asyrylady.
35. Tekserý komıssııasynyń otyrysynda memlekettik aýdıttiń qorytyndylary, josparlaý, ádisnama máseleleri, alqaly sheshimdi talap etetin ózge de máseleler qaralady.
36. Tekserý komıssııasynyń otyrystary ashyq nemese jabyq túrde ótedi. Tekserý komıssııasynyń sheshimderi Tekserý komıssııasynyń otyrysqa qatysýshy quramynyń jalpy sanynyń kópshilik daýsymen qabyldanady. Daýystar teń bolǵan jaǵdaıda, tóraǵalyq etýshi daýys bergen sheshim qabyldanǵan bolyp esepteledi.
37. Tekserý komıssııasynyń otyrystaryn júrgizýdiń tártibi, jumysty uıymdastyrý máseleleri jáne basqa da máseleler Tekserý komıssııasynyń reglamentimen aıqyndalady.
38. Esep komıteti bekitetin Tekserý komıssııasynyń máslıhattarǵa jergilikti bıýdjettiń atqarylýy týraly esepti usynýy boıynsha syrtqy memlekettik aýdıttiń jáne qarjylyq baqylaýdyń rásimdik standartynda aıqyndalǵan nysan men qurylymǵa sáıkes, Tekserý komıssııasy jyl saıyn esepti qarjy jyly úshin jergilikti bıýdjettiń atqarylýy týraly esepti jasaıdy jáne máslıhattardyń qaraýyna usynady.
39. Esep komıteti bekitetin Tekserý komıssııasynyń Esep komıtetine aqparat usynýy boıynsha syrtqy memlekettik aýdıttiń jáne qarjylyq baqylaýdyń rásimdik standartynda aıqyndalatyn nysan men qurylymǵa sáıkes, Tekserý komıssııasy toqsan saıyn esepti kezeń úshin Esep komıtetine óz jumysy týraly aqparat usynyp otyrady.
4. Tekserý komıssııasynyń múlki
40. Tekserý komıssııasynyń Qazaqstan Respýblıkasynyń zańnamasynda kózdelgen jaǵdaılarda, jedel basqarý quqyǵynda oqshaýlanǵan múlki bolýy múmkin.
41. Tekserý komıssııasynyń múlki oǵan menshik ıesi bergen múliktiń, sondaı-aq óz qyzmeti nátıjesinde satyp alynǵan múliktiń (aqshalaı kiristerdi qosa alǵanda) jáne Qazaqstan Respýblıkasynyń zańnamasynda tyıym salynbaǵan ózge de kózderdiń esebinen qalyptasady.
42. Tekserý komıssııasyna bekitilgen múlik kommýnaldyq menshikke jatady.
43. Eger Qazaqstan Respýblıkasynyń zańnamasynda ózgeshe kózdelmese, Tekserý komıssııasy ózine bekitilgen múlikti jáne qarjylandyrý jospary boıynsha ózine berilgen qarajat esebinen satyp alynǵan múlikti óz betimen ıeliginen shyǵarýǵa nemese oǵan ózgedeı tásilmen bılik etýge quqyly emes.
44. Tekserý komıssııasynyń Tóraǵasyn, múshelerin jáne apparat qyzmetkerlerin materıaldyq-tehnıkalyq jáne medısınalyq qamtamasyz etý, sondaı-aq olarǵa kóliktik qyzmet kórsetý Qazaqstan Respýblıkasynyń zańnamasyna sáıkes júzege asyrylady.
6. Tekserý komıssııasyn qaıta uıymdastyrý jáne taratý
45. Tekserý komıssııasyn qaıta uıymdastyrý jáne taratý Qazaqstan Respýblıkasynyń zańnamasyna sáıkes júzege asyrylady.
Respýblıkalyq bıýdjettiń atqarylýyn baqylaý jónindegi esep komıtetiniń
2015 jylǵy 28 qarashadaǵy №11-NQ normatıvtik qaýlysyna qosymsha
Respýblıkalyq bıýdjettiń atqarylýyn baqylaý jónindegi esep komıtetiniń kúshi joıylǵan keıbir
normatıvtik qaýlylarynyń tizbesi
1. «Syrtqy memlekettik qarjylyq baqylaýdyń keıbir máseleleri týraly» Respýblıkalyq bıýdjettiń atqarylýyn baqylaý jónindegi esep komıtetiniń 2011 jylǵy 12 tamyzdaǵy № 1-NP normatıvtik qaýlysy (Normatıvtik quqyqtyq aktilerdi memlekettik tirkeý tiziliminde № 7164 tirkelgen, «Egemen Qazaqstan» gazetinde 2011 jylǵy 24 qyrkúıektegi № 453-456 (26849) jarııalanǵan).
2. «Respýblıkalyq bıýdjettiń atqarylýyn baqylaý jónindegi esep komıtetiniń «Syrtqy memlekettik qarjylyq baqylaýdyń keıbir máseleleri týraly» 2011 jylǵy 12 tamyzdaǵy № 1-NP jáne «Syrtqy memlekettik qarjylyq baqylaýdy júrgizý erejesin bekitý týraly» 2011 jylǵy 18 tamyzdaǵy № 2-NP normatıvtik qaýlylaryna ózgerister men tolyqtyrýlar engizý týraly» Respýblıkalyq bıýdjettiń atqarylýyn baqylaý jónindegi esep komıtetiniń 2012 jylǵy 9 shildedegi № 1-NP normatıvtik qaýlysy (Normatıvtik quqyqtyq aktilerdi memlekettik tirkeý tiziliminde № 7808 tirkelgen, «Egemen Qazaqstan» gazetinde 2012 jylǵy 9 tamyzdaǵy № 483-488 (27561) jarııalanǵan).
3. «Syrtqy memlekettik qarjylyq baqylaýdyń keıbir máseleleri týraly» Respýblıkalyq bıýdjettiń atqarylýyn baqylaý jónindegi esep komıtetiniń 2011 jylǵy 12 tamyzdaǵy № 1-NP normatıvtik qaýlysyna ózgeris engizý týraly» Respýblıkalyq bıýdjettiń atqarylýyn baqylaý jónindegi esep komıtetiniń 2012 jylǵy 12 jeltoqsandaǵy № 2-NP normatıvtik qaýlysy (Normatıvtik quqyqtyq aktilerdi memlekettik tirkeý tiziliminde № 8207 tirkelgen, «Egemen Qazaqstan» gazetinde 2012 jylǵy 27 jeltoqsandaǵy № 852-856 (27927) jarııalanǵan).
4. «Syrtqy memlekettik qarjylyq baqylaýdyń keıbir máseleleri týraly» Respýblıkalyq bıýdjettiń atqarylýyn baqylaý jónindegi esep komıtetiniń 2011 jylǵy 12 tamyzdaǵy № 1-NP normatıvtik qaýlysyna ózgerister engizý týraly» Respýblıkalyq bıýdjettiń atqarylýyn baqylaý jónindegi esep komıtetiniń 2013 jylǵy 3 shildedegi № 4-NP normatıvtik qaýlysy (Normatıvtik quqyqtyq aktilerdi memlekettik tirkeý tiziliminde № 8574 tirkelgen, «Egemen Qazaqstan» gazetinde 2013 jylǵy 3 tamyzdaǵy № 182 (28121) jarııalanǵan).
5. «Syrtqy memlekettik qarjylyq baqylaýdyń keıbir máseleleri týraly» Respýblıkalyq bıýdjettiń atqarylýyn baqylaý jónindegi esep komıtetiniń 2011 jylǵy 12 tamyzdaǵy № 1-NP normatıvtik qaýlysyna ózgerister engizý týraly» Respýblıkalyq bıýdjettiń atqarylýyn baqylaý jónindegi esep komıtetiniń 2014 jylǵy 11 aqpandaǵy № 1-NQ normatıvtik qaýlysy (Normatıvtik quqyqtyq aktilerdi memlekettik tirkeý tiziliminde № 9206 tirkelgen, «Egemen Qazaqstan» gazetinde 2014 jylǵy 29 naýryzdaǵy № 61 (28285) jarııalanǵan).
6. «Respýblıkalyq bıýdjettiń atqarylýyn baqylaý jónindegi esep komıtetiniń keıbir normatıvtik qaýlylaryna ózgerister men tolyqtyrýlar engizý týraly» Respýblıkalyq bıýdjettiń atqarylýyn baqylaý jónindegi esep komıtetiniń 2014 jylǵy 10 jeltoqsandaǵy № 5-NQ normatıvtik qaýlysy (Normatıvtik quqyqtyq aktilerdi memlekettik tirkeý tiziliminde 2015 jylǵy 9 qańtarda № 10072 tirkelgen, «Ádilet» aqparattyq-quqyqtyq júıesinde 2015 jylǵy 22 qańtarda ornalastyrylǵan, «Egemen Qazaqstan» gazetinde 2015 jylǵy 5 aqpandaǵy № 23 (28501) jarııalanǵan).
Buıryq Qazaqstan Respýblıkasynyń Ádilet mınıstrliginde 2015 jylǵy 26 jeltoqsanda Normatıvtik quqyqtyq kesimderdi memlekettik tirkeýdiń tizilimine №12514 bolyp engizildi.