2015 jylǵy 28 qarasha, Astana qalasy
Memlekettik aýdıt jáne qarjylyq baqylaý organdarynyń úılestirý keńesi týraly erejeni bekitý týraly
«Memlekettik aýdıt jáne qarjylyq baqylaý týraly» Qazaqstan Respýblıkasynyń 2015 jylǵy 12 qarashadaǵy Zańynyń 46-babynyń 1-tarmaǵyna sáıkes Respýblıkalyq bıýdjettiń atqarylýyn baqylaý jónindegi esep komıteti (budan ári – Esep komıteti) qaýly etedi:
1. Qosa berilip otyrǵan Memlekettik aýdıt jáne qarjylyq baqylaý organdarynyń úılestirý keńesi týraly ereje bekitilsin.
2. Zań bólimi zańnamada belgilengen tártippen:
1) osy normatıvtik qaýlynyń Qazaqstan Respýblıkasynyń Ádilet mınıstrliginde memlekettik tirkelýin;
2) osy normatıvtik qaýly Qazaqstan Respýblıkasynyń Ádilet mınıstrliginde memlekettik tirkelgennen keıin kúntizbelik on kún ishinde onyń merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalanýǵa jiberilýin;
3) osy normatıvtik qaýlynyń Esep komıtetiniń ınternet-resýrsyna ornalastyrylýyn qamtamasyz etsin.
3. Normatıvtik qaýlynyń oryndalýyn baqylaý Esep komıtetiniń apparat basshysyna júktelsin.
4. Osy normatıvtik qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Tóraǵa Q.JAŃBYRShIN.
Respýblıkalyq bıýdjettiń atqarylýyn baqylaý jónindegi Esep komıtetiniń
2015 jylǵy 28 qarashadaǵy № 12-NQ normatıvtik qaýlysymen bekitilgen
Memlekettik aýdıt jáne qarjylyq baqylaý organdarynyń úılestirý keńesi týraly ereje
1. Jalpy erejeler
1. Memlekettik aýdıt jáne qarjylyq baqylaý organdarynyń úılestirý keńesi týraly erejede (budan ári – Ereje) Memlekettik aýdıt jáne qarjylyq baqylaý organdarynyń úılestirý keńesiniń (budan ári – Keńes) maqsattary, mindetteri jáne ókilettikteri, sondaı-aq onyń qyzmetin qalyptastyrý jáne uıymdastyrý tártibi aıqyndalǵan.
2. Keńes qyzmetiniń maqsaty:
1) memlekettik aýdıt jáne qarjylyq baqylaý salasynda quqyq qoldaný praktıkasyn, memlekettik aýdıt jáne qarjylyq baqylaý standarttaryn saqtaý máselelerin qaraý úshin memlekettik aýdıt jáne qarjylyq baqylaý organdarynyń (budan ári – aýdıt organdary) qyzmetin úılestirý;
2) memlekettik aýdıt jáne qarjylyq baqylaý salasyndaǵy ózekti problemalardy, zańnamany biryńǵaı qoldanýdy alqalyq talqylaý arqyly aýdıt organdarynyń ózara tıimdi is-qımyl jasaýy;
3) bıýdjetti josparlaý jáne onyń barlyq deńgeıinde atqarý kezinde qarjy tártibin nyǵaıtý, aýdıt organdarynyń qyzmetin uıymdastyrýda ashyqtyq pen obektıvtilikti qamtamasyz etý;
4) memlekettik aýdıtti jáne qarjylyq baqylaýdy júrgizý kezinde aýdıt organdarynyń táýelsizdigine qol suǵatyn aralasýǵa jol bermeý bolyp tabylady.
3. Keńes óz qyzmetinde Qazaqstan Respýblıkasynyń Konstıtýsııasyn, «Memlekettik aýdıt jáne qarjylyq baqylaý týraly» Qazaqstan Respýblıkasynyń Zańyn (budan ári – Zań), Qazaqstan Respýblıkasy Prezıdentiniń aktilerin, osy Erejeni jáne Qazaqstan Respýblıkasynyń ózge de normatıvtik quqyqtyq aktilerin basshylyqqa alady.
2. Keńestiń negizgi mindetteri men ókilettikteri
4. Keńestiń negizgi mindetteri:
1) mynalar:
memlekettik aýdıt jáne qarjylyq baqylaý salasyndaǵy zańnamanany jetildirý;
memlekettik aýdıt jáne qarjylyq baqylaý júrgizýdiń ádisnamalyq negizin jetildirý;
aýdıtorlyq jáne saraptamalyq-taldaý is-sharalaryn josparlaý, uıymdastyrý jáne júrgizý kezinde aýdıt organdarynyń ózara is-qımylynyń tıimdiligin arttyrý boıynsha usynystar ázirleý;
2) memlekettik aýdıttiń jáne qarjylyq baqylaýdyń ózekti teorııalyq jáne praktıkalyq máseleleri boıynsha aýdıt organdarynyń ózara is-qımylyn qamtamasyz etý;
3) memlekettik aýdıt jáne qarjylyq baqylaýdy júrgizý men jetildirý salasynda ıdeıalarmen jáne tájirıbemen ózara tıimdi almasý;
4) memlekettik aýdıt jáne qarjylyq baqylaý salasyndaǵy ádisnamalyq qujattardy, sonyń ishinde Keńes usynymdarynyń sheńberinde ázirlengen qujattardy maquldaý;
5) mynalarǵa:
birlesken jáne (nemese) qatar tekserýlerdi jáne saraptamalyq-taldaý is-sharalaryn júrgizýge;
aýdıt organdarynyń memlekettik aýdıtorlarynyń kásibı daǵdylary men biliktiligin saqtaýǵa jáne jetildirýge;
aýdıt organdarynyń qyzmetine quqyqqa syıymsyz aralasýyna jol bermeýge járdemdesý bolyp tabylady.
5. Keńes ózine júktelgen mindetterdi júzege asyrý úshin óz quzyreti sheginde:
1) memlekettik organdarmen, qoǵamdyq birlestiktermen jáne uıymdarmen ózara is-qımyl jasaıdy, qajet bolǵan jaǵdaıda jumys toptaryn qurady;
2) Zańǵa sáıkes, Keńestiń quzyretine kiretin máseleler boıynsha aqparat suratady jáne alady;
3) jumys sapasyn arttyrý, memlekettik aýdıt jáne qarjylyq baqylaý salasyndaǵy zańnamany qoldanýdyń biryńǵaı praktıkasyn qalyptastyrý úshin aýdıt organdarynan olardyń qyzmetiniń qorytyndylary jáne memlekettik aýdıt jáne qarjylyq baqylaý nátıjeleri boıynsha esepter men jınaqtaýlar suratady;
4) óziniń quzyretine kiretin máseleler boıynsha usynymdar ázirleıdi jáne usynystar engizedi;
5) aýdıt organdaryna, Qazaqstan Respýblıkasynyń Prezıdentine, Qazaqstan Respýblıkasy Parlamentiniń palatalaryna, Qazaqstan Respýblıkasynyń Úkimetine, oblystardyń, respýblıkalyq mańyzy bar qalalar, astananyń máslıhattaryna memlekettik aýdıt obektileriniń aýdıt organdarynyń táýelsizdigin shekteý faktileri týraly aqparat (usynystar) beredi;
6) memlekettik aýdıttiń jáne qarjylyq baqylaýdyń ózekti teorııalyq jáne praktıkalyq problemalary boıynsha ǵylymı-praktıkalyq konferensııalar, semınarlar, mamandandyrylǵan kýrstar, birlesken zertteýler uıymdastyrýǵa járdem kórsetedi;
7) Keńes otyrystaryna memlekettik organdar men uıymdardyń laýazymdy adamdaryn shaqyrady.
3. Keńes qyzmetin qalyptastyrý jáne uıymdastyrý
6. Keńes Respýblıkalyq bıýdjettiń atqarylýyn baqylaý jónindegi esep komıtetiniń (budan ári – Esep komıteti) Tóraǵasynan jáne úsh múshesinen, ishki memlekettik aýdıt jónindegi ýákiletti organnyń birinshi basshysynan, oblystardyń, respýblıkalyq mańyzy bar qalalardyń, astananyń tekserý komıssııalarynyń (budan ári – tekserý komıssııalary) tóraǵalarynan, bıýdjetti atqarý jónindegi ortalyq ýákiletti organnyń ishki aýdıt qyzmetiniń basshysyn qospaǵanda, ishki aýdıt qyzmetiniń eki basshysynan turady.
7. Keńestiń quramy Esep komıteti Tóraǵasynyń buıryǵymen bekitiledi.
8. Keńestiń quramyna ishki aýdıt qyzmeti basshylarynyń eki kandıdatýrasyn (ortalyq memlekettik organnan jáne oblystardyń, respýblıkalyq mańyzy bar qalalardyń, astananyń jergilikti atqarýshy organynan bir-birden) qosý jónindegi usynysty ishki memlekettik aýdıt jónindegi ýákiletti organ usynady.
Ishki aýdıt qyzmetinen engen Keńes múshelerine jyl saıyn rotasııa júrgiziledi.
9. Keńesti Esep komıtetiniń Tóraǵasy bolyp tabylatyn Tóraǵa basqarady.
10. Keńes Tóraǵasy:
1) Keńes qyzmetine jalpy basshylyqty júzege asyrady;
2) Keńes jumysyn josparlaıdy;
3) Keńes otyrystaryn ótkizý orny men ýaqytyn aıqyndaıdy;
4) Keńes otyrystarynda tóraǵalyq etedi. Keńes Tóraǵasy bolmaǵan kezde onyń tapsyrmasy boıynsha otyrystarda Keńes músheleriniń biri tóraǵalyq etedi;
5) Keńestiń aldaǵy kúntizbelik jylǵa arnalǵan jumys josparyn jáne Keńes otyrysynda qabyldanǵan sheshimderdi bekitedi.
11. Keńes músheleri:
1) Keńestiń Jumys jospary, onyń otyrystarynyń kún tártibi jáne máselelerdi talqylaý tártibi boıynsha usynystar engizedi;
2) Keńes otyrystaryna materıaldardy, onyń sheshimderiniń jobalaryn daıyndaýǵa qatysady;
3) Keńes otyrysynda qaralatyn máselelerdi talqylaýǵa qatysady.
12. Esep komıtetiniń apparaty Keńestiń jumys organy (budan ári –Jumys organy) bolyp tabylady. Esep komıtetiniń Tóraǵasy men úsh múshesin qospaǵanda, Keńes músheleriniń árqaısysy:
óziniń taǵaıyndalýy týraly;
Keńestiń aldyna qoıylǵan mindetterdi iske asyrý boıynsha úılestirýdi júzege asyratyn jaýapty oryndaýshyny belgileý nemese aýystyrý týraly sheshim qabyldanǵannan keıin jeti jumys kúni ishinde Jumys organyna tıisti aqparat usynady.
13. Keńes músheleri josparlanatyn jyldyń aldyndaǵy jyldyń 20 qyrkúıeginen keshiktirmeı, Keńestiń aldaǵy kúntizbelik jylǵa arnalǵan jumys josparynyń jobasyna usynystaryn Jumys organyna usynady.
14. Jumys organy:
1) Keńes otyrysynyń kún tártibin qalyptastyrady;
2) Keńes sheshimderiniń oryndalýyn qamtamasyz etedi jáne baqylaıdy;
3) Keńes músheleriniń jáne onyń qyzmetine tartylǵan mamandardyń jumysyn úılestiredi;
4) Keńes músheleri usynǵan usynystar eskerile otyryp qalyptastyrylǵan, Keńestiń bir jylǵa arnalǵan jumys josparynyń jobasyn bekitý úshin Keńes Tóraǵasyna engizedi.
Keńestiń jumys jospary jyl saıyn josparlanatyn jyldyń aldyndaǵy jyldyń 20 jeltoqsanynan keshiktirilmeı bekitiledi jáne Esep komıtetiniń ınternet-resýrsyna ornalastyrýǵa, Keńes múshelerine jiberilýge jatady.
15. Jumysty uıymdastyrýdy, Keńes otyrysyna tıisti qujattar men materıaldardy daıyndaýdy jáne hattamany resimdeýdi Keńes Tóraǵasy Jumys organy qyzmetkerleriniń arasynan taǵaıyndaıtyn Keńes hatshysy júzege asyrady.
Hatshy Keńestiń múshesi bolyp tabylmaıdy.
16. Keńes otyrystarynda qaraýǵa arnalǵan máseleler tizbesi Keńestiń jumys josparyna, Keńes Tóraǵasynyń tapsyrmalaryna sáıkes jáne (nemese) onyń músheleriniń usynystary boıynsha jasalady.
17. Keńes otyrystarynyń materıaldary Keńes otyrysyna deıingi úsh jumys kúninen keshiktirilmeı Keńes múshelerine jiberiledi.
18. Keńes otyrysy jylyna keminde bir ret ótkiziledi jáne eger oǵan músheleriniń jalpy sanynyń keminde jartysy qatyssa, ol zańdy dep esepteledi.
Keńes músheleri onyń otyrystaryna aýystyrý quqyǵynsyz qatysady.
19. Shuǵyl sheshim qabyldaý qajet bolǵan kezde Keńestiń kezekten tys otyrysyn ótkizýge ruqsat etiledi.
Kezekten tys otyrys Keńes Tóraǵasy nemese ony almastyratyn adamnyń óziniń bastamasy boıynsha ne Keńes quramynyń keminde jartysy qoldaý bildirgen, Keńes múshesiniń bastamasy boıynsha shaqyrylady.
20. Keńes otyrysynyń nátıjeleri boıynsha tóraǵalyq etýshi qol qoıatyn hattama jasalady. Keńestiń sheshimderi ashyq daýys berý arqyly qabyldanady jáne eger oǵan otyrysqa qatysýshy Keńes músheleriniń jalpy sanynyń kópshiligi daýys berse, qabyldanǵan bolyp sanalady. Daýystar teń bolǵan jaǵdaıda, Keńes Tóraǵasy daýys bergen sheshim qabyldanǵan bolyp esepteledi. Keńes músheleriniń erekshe pikir aıtýǵa quqyǵy bar, ol bildirilgen jaǵdaıda, jazbasha túrde jazylady jáne Keńes otyrysynyń hattamasyna qosa tigiledi.
21. Keńes sheshimderi aýdıt organdary úshin mindetti bolyp tabylady.
22. Aýdıt organdary jyl saıyn Keńes sheshimderiniń oryndalý barysy týraly osy Erejege 2-qosymshaǵa saı nysanda esep jasaıdy.
23. Jumys organyna jyl saıyn esepti jyldan keıingi jyldyń 20 qańtarynan keshiktirilmeı, mynalar:
tekserý komıssııalary jáne ishki memlekettik aýdıt jónindegi ýákiletti organnyń Keńestiń sheshimderin ózderiniń oryndaý barysy týraly esebi;
ishki memlekettik aýdıt jónindegi ýákiletti organnyń Keńestiń sheshimderin ishki aýdıt qyzmetteriniń oryndaý barysy týraly jınaqtalǵan aqparaty usynylady.
24. Jumys organy qajet bolǵan jaǵdaıda suraý salý arqyly esep jáne aqparat usynýdyń ózge de merzimderin belgileıdi.
25. Aýdıt organdarynyń basshylary Keńestiń sheshimderiniń ýaqtyly jáne sapaly oryndalýyna jáne olardyń oryndalý barysy týraly aqparatty usynýǵa jaýapty bolady.
26. Keńes sheshimderiniń oryndalý barysy týraly aqparat Keńestiń otyrystarynda qaralady.
27. Jumys organy Keńes sheshimderiniń (tapsyrmalarynyń) ýaqtyly men tolyq oryndalýyna taldaý jasaıdy.
Jumys organy Keńestiń sheshimderiniń (tapsyrmalarynyń) oryndalýyn taldaýdyń qorytyndylary boıynsha Zańnyń jáne osy Erejeniń talaptaryna sáıkes Keńestiń sheshimin (tapsyrmasyn) oryndamaǵan aýdıt organdary basshylarynyń jaýaptylyǵyn qaraý týraly Keńestiń Tóraǵasyna usynystar engizedi.
28. Keńestiń kóshpeli otyrystaryn ótkizýge ruqsat etiledi.
Keńestiń kóshpeli otyrystaryn uıymdastyrý olardy ótkizetin aýmaqtardaǵy tıisti tekserý komıssııalarynyń apparattarymen birge Jumys organyna júkteledi.
29. Keńes ózine júktelgen mindetterdi júzege asyrý úshin qajet bolǵan jaǵdaıda jumys toptaryn qurady. Jumys toptarynyń quramdary Keńes músheleriniń usynystary boıynsha qalyptastyrylady jáne ony Keńes otyrysynda Keńestiń tóraǵasy bekitedi.
Jumys toptary Keńeske ádisnamalyq qujattardy, usynymdar ázirleıdi, olar Keńes otyrysynda qaralady jáne onyń hattamasymen maquldanady.
Memlekettik aýdıt jáne qarjylyq baqylaý organdarynyń úılestirý keńesi týraly erejege qosymsha
Nysan
Memlekettik aýdıt jáne qarjylyq baqylaý organdary úılestirý keńesiniń sheshimderin
oryndaý barysy týraly esep
20__ jylǵy «__» _____ otyrystyń №__ hattamasy
R/s№ Úılestirý keńesiniń tapsyrmasy (sheshimi) Oryndalý barysy (oryndaldy, ishinara oryndaldy, oryndalǵan joq) Qol jetkizilgen nátıje
(nemese oryndalmaý, ishinara oryndaý nemese
is-sharanyń oryndalý merzimderin uzartý sebepteri, sondaı-aq qabyldanǵan sharalar)
1. ____________________________________________________ másele
1.
2.
2. ____________________________________________________ másele
1.
2.
20__ jylǵy «__» _____ _ otyrystyń №_hattamasy
1. ____________________________________________________ másele
1.
Buıryq Qazaqstan Respýblıkasynyń Ádilet mınıstrliginde 2015 jylǵy 24 jeltoqsan Normatıvtik quqyqtyq kesimderdi memlekettik tirkeýdiń tizilimine №12493 bolyp engizildi.