Tamara LAVRINENKO,
«Astana-Báıterek» áıelder klýby» qoǵamdyq birlestigi:
– Kezekten tys XVII sezdiń kún tártibindegi negizgi másele «Nur Otan» partııasynyń «Qazaqstan-2021: Birlik. Turaqtylyq. Jasampazdyq» atty saılaýaldy baǵdarlamasyna arnaldy.
Memleket basshysy Qazaqstandy damytý jáne onyń álem men óńirdiń ozyq elderi qatarynan senimdi túrde oryn alýy oraıyndaǵy dáıekti de júıeli is-qımyldarynyń baǵdarlamasy bolyp tabylatyn Bes ınstıtýttyq reformany iske asyrýdy jalǵastyrýǵa baǵyttalǵan birqatar sharalardy usyndy.
Sezd delegattary Qazaqstan Respýblıkasy Parlament Májilisiniń aldaǵy saılaýy qoǵamdyq birlikti, turaqtylyqty jáne reformalar baǵytyn odan ári jetildirýdegi maqsatkerlikti nyǵaıtýǵa kómektesedi dep kámil senim bildirdi.
Merýert QAZBEKOVA,
«Qazaqstannyń kásipker áıelder odaǵy» qoǵamdyq birlestiginiń tóraıymy:
– «Nur Otan» partııasynyń kezekten tys XVII sezi Parlament Májilisi depýtattarynyń kezekten tys saılaýyna ázirliktiń neǵurlym eleýli máselelerin talqylaýdyń únqatysý alańyna aınaldy.
«Nur Otan» partııasy ekonomıkanyń ózekti salalaryn jáne qazaqstandyqtardyń qoǵamdyq-saıası ómirin damytýǵa baǵdarlanǵan keshendi saılaýaldy baǵdarlamasyn ázirledi.
Saılaýaldy baǵdarlamanyń negizi – reformalardyń jáne «100 naqty qadam» Ult Josparynyń baǵytyn odan ári damytý.
Jaýapkershilik, jumystaǵy yqtııattylyq jáne damýdyń jańa kókjıekterine jetýge degen umtylys árqashan basty basymdyqtar jáne azamattar seniminiń negizi bolyp keldi jáne solaı bolyp qala bermek.
Bul ulttyq birlikti nyǵaıtýdyń jáne osy zamanǵy syn-qaterler men álemdik ekonomıkalyq daǵdarys yqpalyn eńserý jónindegi tabysty jumystyń mańyzdy alǵysharty.
Ábilǵazy QUSAIYNOV,
Qazaqstan Kásipodaqtary federasııasynyń tóraǵasy:
– Nursultan Ábishuly Nazarbaevtyń sózi partııanyń kezekten tys sezine qatysqan barlyq delegattarǵa óshpes áser syılady.
Memleket basshysy partııanyń saılaýaldy jumysynyń jáne daǵdarys qaýpin eńserýdiń negizgi baǵyttaryn aıqyndap, qysqamerzimdi kezeńge naqty tapsyrmalar berdi.
Partııanyń jer-jerdegi jumysty kúsheıtýge, sonyń ishinde saılaýaldy baǵdarlamanyń negizgi erejelerin túsindirý jónindegi óńirlik fılıaldardyń tıimdi jumysyn qurýǵa nazar aýdarǵanyn atap kórsetý mańyzdy.
Partııa músheleri Memleket basshysynyń Daǵdarysty eńserý baǵdarlamasyn iske asyrý barysyna laıyqty úles qosatyndyǵyna, sóıtip, Qazaqstannyń strategııalyq maqsattarǵa jetý jolynda taǵy da toptasqandyq pen birlik tanytatynyna kámil senimdimin.
Bıbigúl JEKSENBAI,
«Bas redaktorlar klýby» qoǵamdyq birlestiginiń prezıdenti:
– Partııanyń saılaýaldy baǵdarlamasy osy zamanǵy qazaqstandyq qoǵamnyń túıindi máselelerin sheshýge baǵyttalǵan.
Qazaqstannyń álemniń ozyq damyǵan 30 eliniń qataryna kirý oraıyndaǵy bizdiń strategııalyq baǵytymyz álemdik ekonomıkalyq daǵdarystyń keleńsiz kórinisterine jaýap retindegi pármendi shara bolyp tabylady.
«100 naqty qadam» Ult Jospary degenimiz – ózimizdiń ınnovasııalyq óndiristi, aýyl sharýashylyǵyn, tepe-teńdestirilgen ekonomıkany damytý jónindegi naqty sharalar. Memleket basshysy partııanyń kezekten tys sezindegi óziniń sózinde naq osy jaıynda aıtty.
Rústem QAIDAROV,
«Generaldar keńesi» respýblıkalyq qoǵamdyq birlestiginiń ókili:
– «Nur Otannyń» kezekten tys sezi partııanyń 2015 jylǵy jumys qorytyndylary men partııanyń 2021 jylǵa deıingi jańa baǵdarlamasyndaǵy perspektıvaly mindetterdi konstrýktıvti talqylaý jaǵdaıynda ótti.
Memleket basshysy, partııa Tóraǵasy Nursultan Ábishuly Nazarbaev óziniń sózinde nazardy «100 naqty qadam» Ult Josparyn praktıkalyq júzege asyrý barysyna aýdardy.
Jahandyq ekonomıkalyq daǵdarystyń jańa syn-qaterleri jaǵdaıynda bizdiń partııamyz óziniń barlyq áleýetin reformalardyń joǵary tıimdiligin qamtamasyz etý úshin jumyldyrýy tıis.
Reformalar ýaqyt rýhyna jaýap beredi jáne elimizdiń barlyq resýrstaryn tarta otyryp, dáıekti, júıeli jumys júrgizýdi talap etedi.
Sondyqtan, aldaǵy parlamenttik saılaýǵa qatysý týraly qabyldanǵan sheshim biraýyzdan qoldaý tapty jáne sezd jumysynyń basty nátıjeleriniń biri boldy.
Iýrıı MELNIChENKO,
1996 jylǵy Atlanta qalasynda ótken
Olımpııa oıyndarynyń chempıony:
– «Nur Otan» partııasynyń sezinde bizdiń qoǵamnyń aldyna álemde qalyptasqan ahýal qoıyp otyrǵan osyzamandyq talaptarǵa jaýap beretin jańa saılaýaldy baǵdarlamasy jarııa etildi.
Qazir álemdik tártiptiń turaqsyzdyǵy bel alyp, áýre-sarsańǵa salǵan ekonomıkalyq silkinister ýaqyty keldi. Partııa bizdiń halqymyzdyń aldynda jahandyq daǵdarystyń syn-qaterlerin jeńip shyǵý mindeti turǵanyn jaqsy túsinedi. Partııanyń búkil saılaýaldy baǵdarlamasy eldiń jańa jaǵdaılarda turaqty damýyn qamtamasyz etýge baǵyttalǵan.
Búkil qazaqstandyq qoǵam otandyq ekonomıkadaǵy daǵdarysty qubylystardy jeńip shyǵýǵa, birlikti saqtaýǵa jáne turaqty ósýdi qamtamasyz etýge jumylýy tıis. Men búkilhalyqtyq qoldaýǵa jáne bizdiń Kóshbasshymyz – partııa Tóraǵasy N.Á.Nazarbaevtyń bıik bedeline negizdelgen «Nur Otan» partııasynyń naq osy toptastyrýshy áleýeti baǵa jetkizgisiz ról atqaratyndyǵyna senimdimin.
Murat JURYNOV,
Ulttyq Ǵylym akademııasynyń prezıdenti:
– Partııa múshesi retinde «Nur Otan» partııasynyń kezekten tys XVII sezi ótetinin zor qýanyshpen qabyl aldym. Sebebi, elimiz úlken syrtqy jáne ishki syn-qaterlermen betpe-bet kelip otyrǵan kúrdeli kezeńde partııanyń kúshin biriktirip, bolashaq baǵytyn taǵy bir márte aıqyndap alý mańyzdy.
Byltyr ótken Prezıdent saılaýynda partııamyzdyń Tóraǵasy Nursultan Nazarbaev 5 ınstıtýttyq reformasyn usynyp, ol, óz kezeginde, halyqtyń qyzý qoldaýyna ıe boldy. Búginde osy reformalardy júzege asyrýdyń «100 naqty qadam» Ult Jospary Qazaqstan memlekettiligin nyǵaıtýǵa, joldan adaspaı, kúrdeli kezeńnen senimdi ótýge jaǵdaı týǵyzatyn turaqty damý baǵdarlamasyna aınalyp otyr.
Osy oraıda, partııanyń saılaýaldy baǵdarlamasynyń taqyrybyn «Birlik. Turaqtylyq. Jasampazdyq» dep beker tańdap otyrǵan joqpyz. Qazir álemdi sharpyǵan syn saǵatta partııamyzdyń aldynda jer-jerlerdegi barlyq kúsh-qýatyn biriktirip, saıası tuǵyrnamasynyń turaqtylyǵyn ári el damýyna jańa serpilis beretin jasampaz ıdeıalaryn sátti júzege asyrý mindeti tur.
Munyń bári Elbasy usynǵan 5 ınstıtýttyq reformamen tyǵyz sabaqtastyqta. Endeshe, Qazaqstan Respýblıkasy Parlamenti Májilisiniń kezekten tys saılaýynda partııamyzdyń saılaýaldy baǵdarlamasy da jerlesterimniń sózsiz qoldaýyna ıe bolady degen senimdemin.
Balnur QYDYRBEK,
Qazaqstan Kompozıtorlar qaýymdastyǵynyń tóraıymy:
– Elbasy N.Á.Nazarbaevtyń tóraǵalyǵymen «Nur Otan» partııasynyń kezekten tys XVII sezinde kóterilgen ózekti máseleler úlken ról atqaratyn bolady. «Nur Otan» partııasy elimizdiń jetekshi saıası partııasy retinde ózine júktelgen jaýapkershilikten qashpaı, júıeli túrde sheshimderin taýyp keledi.
«Nur Otan» partııasy 17 jyldyń ishinde qoǵamnyń barlyq túıtkildi máselelerin kóteretin biriktirýshi, jaýapty jáne jalpyulttyq partııaǵa aınaldy. Osynaý jaýapty kezeńde partııa ortaq bolashaǵymyzdy aıqyndap, Táýelsizdigimizdiń tuǵyryn nyǵaıtyp, Bolashaǵy Birtutas Ulttyń dańǵyl jolyn salýda.
Sondyqtan partııa múshelerin qabyldanǵan saılaýaldy tuǵyrnamany qoldaýǵa jáne júzege asyrýǵa atsalysýǵa shaqyramyn.
Talǵat MAMAShEV,
Dúnıejúzi qazaqtary qaýymdastyǵy
Tóraǵasynyń birinshi orynbasary:
– Qazirgi álem únemi jańǵyrý ústinde. Jahan elderiniń saıası tájirıbesinde barlyq memleketter óziniń jańarý kezeńinen ótedi. Budan bizdiń Táýelsiz Qazaqstan da tysqary qalmaq emes. О́ziniń mereıli beles jylynda «Nur Otan» partııasynyń jetekshiligimen memleketimiz jańa bastamalarǵa táýekel etip otyr.
Álemniń kóptegen elderindegi kúızelister, «qara altyn» baǵasynyń kúrt tómendeýi, halyqaralyq yqpal sharalardyń órshýi elimizdi tyǵyryqqa tiremeı, daǵdarystyń aldyn alýǵa múmkindik beretin memlekettik baǵdarlamalardyń arqasynda elimizde birlik pen turaqtylyq saqtalýda. Sonymen qatar, memleketimizde jańa zamanaýı tehnologııalar iske qosylyp, ekonomıkanyń keıbir salalarynda ilgerileýler baıqalýda.
«Nur Otan» partııasynyń kezekten tys XVII sezinde qabyldanǵan tuǵyrnama elimizde jańa bastamalarǵa serpin bolary haq. Sebebi, bul baǵdarlamada memleketimizdiń damýynyń barlyq baǵyttary men qoǵamymyzdyń ár salasy jiti eskerilgen.
«Nur Otan» partııasy kóterip otyrǵan irgeli máselelerdi eńsere otyryp, elimizdiń damyǵan 30 eldiń qataryna kirýin jedeldete túsetindigimizge men senimdimin.
Rahat HAMIDÝLLIN,
«Jasyl el» jastar eńbek jasaqtary respýblıkalyq shtabynyń jetekshisi:
– «Nur Otan» partııasy jahandyq daǵdarysqa qarsy óz jaýaby bar ekendigin halyqqa kórsetti. Partııanyń saılaýaldy baǵdarlamasy memleket pen qoǵamnyń barlyq salasyn qamtyǵandyǵyn senimmen aıta alamyn.
Álemdegi geosaıası jáne geoekonomıkalyq daǵdarys kezeńinde jetekshi partııanyń eldi damýdyń kelesi satysyna shyǵaratyn baǵdarlamasynyń bolýy – memleketimizdiń turaqtylyǵy men jasampazdyǵynyń belgisi. Bul, eń aldymen, Elbasy, partııa Tóraǵasy N.Á.Nazarbaevtyń kóregendik saıasaty.
Osyǵan oraı, «Nur Otan» partııasynyń bastaýymen qoǵamnyń birligin odan ári nyǵaıtý men Jańa Qazaqstandyq Patrıotızmdi qalyptastyrýdy ýaqyt kúttirmes mańyzdy is dep esepteımin jáne qazaqstandyqtardy biregeılik pen kelisim aıasynda uıysýǵa shaqyramyn.
Aıan SAKOShEV,
«Nur Otan» partııasy «Jas Otan» JQ múshesi:
– Elbasy jas memleketimizdi jańǵyrtý jolynda jastarǵa kóp úmit artady. Kúni búginge deıin jastardyń densaýlyǵy, bilimi, tárbıesi men áleýmettik jaǵdaıyna qatysty máseleler kún tártibinen túsken emes. Búginde jemisin berip jatqan «Salamatty Qazaqstan», «Qoljetimdi baspana», «Jumyspen qamtýdyń jol kartasy» jáne basqa da strategııalyq mańyzdy qujattarda jastar máselesi basty nazarǵa alynǵan.
Dúnıe júzinde 11 jyldyq orta bilimdi tegin beretin memleketter kóp emes. Aldaǵy jylda elimizde arnaıy tehnıkalyq bilimdi de aqysyz etý josparlanyp otyr. О́z basym, muny jastarǵa jasalyp otyrǵan eshbir elde joq qamqorlyq dep bilemin. Qazaqstandyq bilimdi halyqaralyq standarttarǵa saı etý úshin «Bolashaq» baǵdarlamasy jemisti jumys istep, myńdaǵan jas mamandy tárbıelep shyǵardy. Qazir olar qoǵamnyń túrli salasynda eńbek etip, qasterli Qazaqstanymyzdyń damýyna súbeli úles qosyp júr.
Saıası salada da jastarǵa zor múmkindik berilgen. Elimizdiń eń iri saıası kúshi sanalatyn «Nur Otan» partııasynyń janynan «Jas Otan» jastar qanatynyń qurylýy – sonyń birden-bir dáleli.
«Nur Otan» – Prezıdenttiń partııasy. Biz – Elbasy tárbıelegen jas urpaqpyz.
Tek óz Otanynyń naǵyz patrıoty ǵana eliniń erteńin oılap, keler urpaqtyń qamyn búginnen qamdaıdy. Elbasynyń otansúıgishtigi árbir jasqa úlgi bolýy kerek. Patrıottyq qur sózben emes, ispen synalady. Elimiz kúrdeli kezeńmen betpe-bet kelgen tusta jasotandyqtar da ózine artylǵan saıası salmaqty jaýapkershilikpen sezinip, aqtaý úshin bar kúshin salýǵa daıyn.
Kamal BURHANOV,
saıası ǵylymdar doktory, professor:
– «Nur Otan» partııasynyń kezekten tys sezin ótkizý Parlament Májilisiniń saılaýyna qatysýda jáne partııanyń baǵyt-baǵdaryn aıqyndaýda sheshýshi ról atqardy.
Partııanyń qyzmeti qashanda Memleket basshysy júrgizip otyrǵan ınstıtýttyq reformalar men ekonomıkalyq jańǵyrtýlar saıasatyna belsendi qatysýǵa baǵyttalyp keledi.
Elbasy N.Á.Nazarbaev usynǵan «100 naqty qadam» Ult Josparyn Qazaqstannyń barlyq halqy biraýyzdan qoldasa, buǵan jurtshylyqtyń atalǵan baǵdarlamany úlken rýhanı órleý ústinde qabyldaǵanymen túsindirýge bolady. Al bul óz kezeginde bolashaq urpaqtyń laıyqty ómirin qamtamasyz etip, elimizdiń álemdegi asa damyǵan 30 memlekettiń qataryna qosylýyna jaǵdaı týǵyzady.
Ermek MAQASh,
Qazaqstan Respýblıkasy Prezıdentiniń halyqaralyq «Bolashaq» stıpendııasy stıpendıattary assosıasııasynyń atqarýshy dırektory:
– Búginde elimiz, Qazaqstannyń barlyq azamattary memlekettik saıası ınstıtýttardy nyǵaıtýǵa baǵyttalǵan mańyzdy qoǵamdyq úderisterdiń kýágerleri bolyp otyr.
«Nur Otan» partııasynyń kezekten tys sezin ótkizý týraly sheshim qabyldanyp, onda Memleket basshysy osy saıası uıymnyń Parlament Májilisiniń saılaýyna qatysýy týraly málimdeme jasap, Qazaqstannyń aǵymdaǵy jáne bolashaqtaǵy damýy barysyndaǵy taǵdyrsheshti máselelerge partııanyń belsendi atsalysýǵa daıyn ekeni jarqyn kórinis tapty.
Men azamattarymyzdyń «Nur Otan» partııasyna senim mandaty Otanymyzdyń ıgiligi men ósip-órkendeýine baǵyttalǵan aýqymdy jobalar men memlekettik baǵytty is júzine asyrýǵa qýatty serpin beretinine senimdimin.
Muhtar ALTYNBAEV,
armııa generaly, Halyq Qaharmany:
– «Nur Otan» partııasy óziniń kezekten tys saılaýǵa qatysatynyn málimdedi. Bul partııanyń eldiń múddelerine adaldyq tanytyp, ekonomıkanyń ósimi men ındýstrııalandyrý úshin zańnamalyq negiz qalaýǵa daıyn ekeniniń taǵy bir aıǵaǵy bolyp tabylady. Sonymen qatar, «Nur Otan» saılaýǵa qatysatynyn qýattaı otyryp, osynysymen memlekettik apparattyń damýyn, zań ústemdigin qamtamasyz etýdi, sondaı-aq, birtektilik pen qazaqstandyqtardyń birligin qalyptastyrý úshin jumys jasaıtynyn bildirip otyr.
Men partııa Tóraǵasynyń sózinde atap kórsetilgen búkilhalyqtyq qoldaýdyń mańyzy men Qazaqstan azamattarynyń senimi jarııa etilgen bas tezıske ózimniń tolyq qoldaýymdy bildiremin.
Ult Josparyn júzege asyrýdyń tabys kepili árbir qazaqstandyqtyń belsendi eńbek úlesi bolyp keldi jáne bolyp qala beredi.
Eńlik NURǴALIEVA,
«Eýrazııalyq quqyq qorǵaý ortalyǵy» qoǵamdyq qorynyń ókili:
– «Nur Otan» partııasynyń kezekten tys sezinde Memleket basshysynyń Parlament Májilisiniń saılaýyna qatysý týraly usynysy qoldaý tapty. Bul nurotandyqtardyń elimizdi ári qaraı da tabysty damytýǵa laıyqty úles qosýǵa degen umtylystyń jarqyn kórinisi bolyp tabylady.
Búgin azamattardyń áleýmettik ıgiligi men ekonomıkany damytýdyń asa kókeıkesti problemalaryna nazar salý erekshe mańyzdy. Osy máselelerdi sheshý «Nur Otan» partııasynyń birinshi kezektegi basymdyǵy bolyp tabylady.
Onyń ústine, partııanyń saılaýaldy baǵdarlamasynyń Memleket basshysy usynǵan daǵdarysqa qarsy baǵdarlamasymen úndes shyǵýynyń asa tereń nyshandyq máni bar. Bul atalǵan problemalardy sheshýdiń tıimdi joldaryn tabýǵa múmkindik beredi dep sanaımyn.
Osy oraıda, Májilis saılaýymen qatar, barlyq deńgeıdegi máslıhattar saılaýynyń ótetini úlken tıimdilik ákeletinin aıta ketken jón. Jáne de bul eldiń daǵdarysqa qarsy jańǵyrtý úderisterin óńirlik deńgeılerde sapaly júrgizýdi qamtamasyz etýge jaǵdaı týǵyzatyn bolady.