Qaıǵyly oqıǵa Ońtústik Qazaqstan oblysynyń Saryaǵash aýdanyndaǵy «Keles» kanalynda oryn aldy. Kórgenderdiń aıtýlarynsha, 2003 jyly týǵan qyz arnanyń jaǵasynda kele jatyp, kenet aıaq astynan joq bolyp ketedi.
Sóıtse, jas qyz abaısyzda sýǵa qulap, aǵyp ketken eken. Ony baıqaǵan 1952 jyly týǵan atasy kanalǵa qoıyp ketip, nemeresin qutqarmaqshy bolady. Ol qyz balany qaýipsiz jerge tartyp shyǵarady. Biraq, sýyq sý denesin qarmap qalǵan ol qaıtyp jaǵaǵa jete almaı qalady.
Qazirgi tańda súńgýirler nemere qyzyn qutqarmaqshy bolyp, ózi sýǵa aǵyp ketken er kisiniń denesin izdestirip jatyr. Alaıda, tereńdigi keı jerlerde segiz metrge deıin baratyn, aǵysy sekýndyna eki metrge jetip turǵan arnada bul jumys óte kúrdeli jaǵdaıda júrýde.
Murat AITQOJA.