Qazaqstanda tyıym salynǵan «Islam memleketi» delinetin halyqaralyq terrorlyq uıym Eýropaǵa shabýyl jasaý úshin 400-den 600-ge deıin lańkes daıyndaǵan. Muny naqtylanbaǵan derek kózine silteme jasaı otyryp, «Assoshıeıted press» agenttigi habarlady.
Olardyń derekterine qaraǵanda, lańkester Irak pen Sırııanyń aýmaqtaryndaǵy lagerlerden shyqqan. Terrorshylardyń, atap aıtqanda, jarý jáne iz kesý isterine oqytyp-úıretilgeni atap kórsetiledi. Parıjde birqatar jarylystar uıymdastyrǵan basbuzarlar toptarǵa bólingen kórinedi. Baǵyttary – Germanııa, Ulybrıtanııa, Italııa, Danııa men Shvesııa delinip otyr. Lańkesterdiń taǵy bir toby Túrkııadan keldi degen de aqparat bar.
Palmıra qalasyna baqylaý ornatty
Sırııanyń úkimettik áskerleri tarıhı Palmıra qalasynyń batys bóligine baqylaý ornatqan. Bul jóninde Damaskidegi senimdi derek kózine silteme jasaı otyryp, TASS habarlady. «Qazirgi tańda áskerıler Palmıranyń batys bóligin baqylaýynda ustaýda», – depti agenttiktiń suhbattasy.
«Sırııa armııasy Palmıranyń tarıhı bóliginen 850 metrdeı ǵana qashyqtyqta tur. Shahardyń tolyqtaı azat etiletin ýaqyty da alys emes», – dep qosyp qoıypty óziniń sózine derek kózi. Al Palmırany «Islam memleketiniń» baskeserleri ótken jylǵy jazdyń basynda basyp alǵan bolatyn. Bir ókinishtisi, lańkester shahardyń tarıhı qundylyqtaryn qıratqan jáne urlap-tonap, talan-tarajǵa salǵan kórinedi. Qalany bosatý operasııasy birneshe kúnge sozylýda.
Sheshimdi sharalar qabyldaýǵa daıyn
Qytaı úkimeti eger ulttyq ekonomıkanyń ósý qarqyny belgili bir deńgeıden tómen túsip keter bolsa, sheshimdi sharalar qoldanbaq. Bul týraly QHR Memlekettik keńesiniń premeri Lı Kesıan málimdedi. Premerdiń atap ótýinshe, ósý qarqynynyń belgili bir shekten tómendeýiniń aldyn alý úshin keshendi sharalar qabyldanatyn bolady.
«Qytaı ekonomıkasy ósý qarqynynyń maqsatty kórsetkishi ústimizdegi jyly 6,5-7 paıyzdy qurap otyr. Bizdiń qurylymdyq reformalar júrgizip otyrǵanymyzdy qaperge ala kelgende, bolar-bolmas aýytqýlar oryn alatyny zańdy. Biraq biz mundaı aýytqýlardyń ekonomıkalyq ósimge kedergi jasaýyna jol berip qoıa almaımyz», – dep atap kórsetken Lı Kesıan. Osy arada Qytaı ekonomıkasynyń daǵdarysty jaǵdaılardy bastan keshirip otyrǵanyn aıta ketken jón.
Qysqa qaıyryp aıtqanda:
1921 jyly joǵalyp ketken Conestoga áskerı korabli Kalıfornııa jaǵalaýlaryna jaqyn jerden tabyldy. Ol osydan 95 jyl buryn AQSh-tyń San-Fransısko portynan shyǵyp, Gavaı araldaryn betke alǵan eken. Bortynda 56 adam bolypty.
Amerıka Qurama Shtattarynyń eń úlken megapolısi – Nıý-Iork qalasynda 30 kılogramm kokaın alyp ótpekshi bolǵan stıýardessa qamaýǵa alyndy. Al osy aralyqta amerıkalyq polıseıler AQSh pen Meksıkanyń shekarasynda uzyndyǵy 380 metrlik jerasty tonnelin tapty. Esirtki tasymaldaýǵa arnalǵan bul jasyryn «jol» aqpan aıynyń sońynan paıdalanyla bastasa kerek. Operasııa barysynda quny 6 mıllıon dollar turatyn 612 kılogramm marıhýana tárkilengen. Kúdiktiler tutqyndalypty.
Qytaı úkimeti fransýzdyń PSJ jáne Shvesııa quramasynyń shabýylshysy Zlatan Ibragımovıchke mansabyn Aspanasty elinde jalǵastyrýǵa usynys jasaıtyn sekildi. La Reppublica basylymynyń jazýynsha, Qytaı úkimeti 34 jastaǵy fýtbolshyǵa jylyna 75 mıllıon eýronyń kelisimshartyn usynbaq eken.
Ýkraınalyq boksshy, asa aýyr salmaqtaǵy burynǵy álem chempıony Vladımır Klıchko ústimizdegi jyly Brazılııanyń Rıo-de-Janeıro qalasynda ótetin Olımpııa oıyndaryna qatysý nıeti bar ekenin málimdedi. Ol osydan 20 jyl buryn AQSh-tyń Atlanta qalasynda uıymdastyrylǵan Olımpıadada altynnan alqa taqqan bolatyn.
Phenıandy ózderi arandatatyn sekildi
Sońǵy aptalarda AQSh pen Ońtústik Koreıa Koreı túbegi aýmaǵynda asa iri áskerı oqý-jattyǵýlaryn ótkizip jatyr. Osy aralyqta Koreıa Halyqtyq-Demokratııalyq Respýblıkasy turaqty negizde shaǵyn jáne orta qashyqtyqtaǵy zymyrandaryn synaý ústinde.
Máselen, KHDR qatty otyn paıdalanylatyn zymyran qozǵaltqyshyn jerústi synaǵynan sátti ótkizipti. Muny TASS habarlady. Synaqqa Soltústik Koreıa kósemi Kım Chen Ynnyń ózi basshylyq jasaǵan. Agenttiktiń atap ótýinshe, KHDR basshysy bul synaqtyń tarıhı jáne strategııalyq mańyzy zor ekenin atap kórsetipti. О́ıtkeni, qozǵaltqysh otandyq tehnologııa negizinde ómirge kelgen. Kım Chen Yn qorǵanys ónerkásibine tartylǵan tehnologtar men ǵalymdardy tabystary úshin maqtap, madaqtaı kele, olarmen birge eskertkish sýretke túsipti.
Argentınaǵa sapar kóńildi bastaldy
AQSh prezıdenti Barak Obama men onyń zaıyby Mıshel Argentınaǵa saparlary barysynda tango bıin bıleýge májbúr bolǵan. Olardyń áriptesteri retinde kásibı bıshiler óner kórsetken. Argentına prezıdenti Maýrısıo Makrı uıymdastyrǵan qabyldaýda joǵary mártebeli meımandardy osylaısha kóńildendirýge sheshim qabyldansa kerek.
Sóz retinde AQSh prezıdentiniń óziniń saparlary kezinde alǵash ret bılep otyrmaǵanyn atap kórsetken jón. Máselen, 2015 jyldyń 3 qyrkúıeginde ol Alıaskaǵa saparlap barǵan edi. Sol kezde oǵan jergilikti halyqtyń bıin bıleýge týra kelgen-tin. Al sol jyldyń shilde aıynda babalarynyń otany – Kenııaǵa sapary kezinde de jergilikti halyqtyń bıin bılegen bolatyn. B.Obama Argentınaǵa óziniń Latyn Amerıkasyna týrnesi sheńberinde 23 naýryzda kelse, buǵan deıin ol ózi «tarıhı múmkindik» dep ataǵan saparmen Kýbada bolǵan edi.
Zardap shekkender sany 300-den asty
Shyǵys halyqtary Ulystyń uly kúnin toılap jatqan 22 naýryz kúni Belgııanyń astanasy – Brıýssel qalasyndaǵy «Maalbek» metrosynyń stansasy men Zaventem áýejaıynda jarylystar jasalǵany belgili. Sońǵy derekter boıynsha, terrorlyq aktiler saldarynan qaza tapqandar sany 31 adamǵa jetip otyr eken, shamamen 300-deıi jaralanypty.
150 adam aýrýhana tósegine tańylypty. 61 adam ıntensıvti terapııa bóliminde jatqan kórinedi. Olardyń ishinde halderi múshkilderi de bar sekildi. Bul aqparatty Belgııanyń densaýlyq saqtaý mınıstrligine silteme jasaı otyryp, TASS taratty. Al búginde jarylys jasaǵan eki jankeshtiniń kim ekeni anyqtalǵan. Úshinshisi jarylystan aman qalyp, iz jasyryp úlgeripti. Búgin úsh kúnge jarııalanǵan qaraly kún aıaqtalady. Eldegi terrorlyq qater deńgeıi eń joǵary – 4-shi deńgeıde tur.
Internet materıaldary negizinde ázirlendi.