Memleket basshysy Nursultan Nazarbaev Qazaqstan Respýblıkasy Ortalyq saılaý komıssııasynyń tóraǵasy Qýandyq Turǵanqulovty qabyldady, dep habarlady Qazaqstan Respýblıkasy Prezıdentiniń baspasóz qyzmeti.
Q.Turǵanqulov Prezıdentke Qazaqstan Respýblıkasynyń Tuńǵysh Prezıdenti – Elbasynyń prezıdenttik ókilettigin uzartý týraly referendým ótkizý jónindegi bastamashy toptyń jumysynyń qorytyndylary týraly baıandady.
– Qazirgi ýaqytta 5 mln. 16 myń qol jınalǵan. Bul – referendýmǵa qatysý quqyǵy bar qazaqstandyqtardyń 55,2 paıyzy. Jalpyulttyq qol jınaý kezinde Ortalyq saılaý komıssııasyna tártip buzýshylyq týraly birde-bir shaǵym túsken joq, – dedi Q.Turǵanqulov.