ASTANA. 26 sáýir. Aýǵanstannyń Túrkmenstanmen shekaralas jatqan Badgıs provınsııasyndaǵy Kadıs ýezdiniń bir bóligi «Talıban» lańkesteriniń qaramaǵyna ótti. Bul týraly «Interfaks» aqparat agenttigine silteme jasaǵan egemen.kz tilshisi habarlady.
Málimetter boıynsha, atalǵan toptyń sodyrlary Kadıs – Kalaı-Naý tas jolyn jaýyp alǵan. Kadıs ýezdiniń basshysy shabýyl kezinde 1 polıseıdiń jaraqat alǵanyn, al qarsy toptan 5 ekstremıstiń kózi joıylǵanyn málimdedi. Sondaı-aq, onyń aıtýynsha, qaqtyǵys áli de jalǵasady.
Badgıs provınsııasy gýbernatorynyń baspasóz hatshysy Haled Sofı úkimet áskeri qalany lańkesterden qutqarý úshin baryn jasap jatqanyn aıtty.
Al Aýǵanstannyń qorǵanys mınıstrligi ótken kúni «Talıban» tobyna qarsy arnaıy operasııalar kezinde 33 terrorshynyń qaza taýyp, 29 sodyrdyń jaralanǵanyn habarlady.
Aıan Ábdýálı.
Derek: «Interfaks».
Foto: tvc.ru.