Shanhaı yntymaqtastyq uıymynyń Bas hatshysy M.Imanálıev keshe Pekın qalasynan Máskeýdiń Domodedovo áýejaıyndaǵy lańkestik áreketke baılanysty málimdeme jasady.
Máskeýdiń Domodedovo halyqaralyq áýejaıyndaǵy lańkestik áreket týraly habardy asa tereń ashynýmen qabyldaı otyryp, eshqandaı jaǵdaıda aqtaýy joq osy jabaıy qylmysty kesimdi túrde aıyptaımyn. Qaza bolǵan jáne jaraqat alǵan adamdardyń otbasylary men olardyń jaqyndaryna, Reseı Federasııasynyń halqy men basshylyǵyna shynaıy aıaýshylyǵymyz ben kóńilimizdi bildiremiz, delingen Bas hatshynyń málimdemesinde.
M.Imanálıev sondaı-aq Shanhaı yntymaqtastyq uıymyna múshe memleketter lańkestiktiń kez kelgen túri men kórinisterine birinshi kezekte mańyz berip, aldaǵy kezeńderde de óńirdegi qaýipsizdik pen turaqtylyqty qamtamasyz etý máselelerinde óziniń is-qımylyn jan-jaqty nyǵaıtatynyn jáne keńeıtetinin atap kórsetedi.