Kórkem shyǵarmalarda eldik murat kórinis tabýy kerek

Almatyda Memlekettik hatshy Gúlshara Ábdiqaly­qo­vanyń tóraıymdyǵymen Qazaqstan Respýblıkasynyń Ádebıet pen óner salasyndaǵy memlekettik syılyǵyn berý jónindegi komıssııanyń otyrysy bolyp ótti. Alqaly jıynda 2016 jylǵy Qazaqstan Respýblıkasynyń Áde­bıet pen óner salasyndaǵy mem­le­kettik syılyǵyna usy­nylǵan ju­mystar, olardyń tirke­lýi, qaralýy jáne alǵashqy sarap­ta­madan ótýi týraly máseleler qaraldy. Komıssııanyń otyrysyn asha otyryp, Memlekettik hatshy Gúl­shara Ábdiqalyqova Elba­sy Nursultan Nazarbaevtyń «Qa­zaq­stan-2050» Strategııalyq baǵdar­lamasynda ulttyq mádenı kodty saqtaýdyń mańyzdylyǵy erekshe atap ótilgendigine toqtaldy. Tildi, rýhanııatty, dástúrdi jáne ulttyq qundylyqtardy damytý qoǵam men memlekettiń aldynda turǵan basym mindetterdiń biri jáne ondaı mańyzdy min­det­terdi sheshýde ádebıet pen óner qaı­rat­kerlerine erekshe senim arty­latynyn, tarıhı mıssııa júk­teletinin tilge tıek etti. Son­daı-aq, Memlekettik hatshy eli­mizdiń mádenı murasyn baıy­týǵa, ulttyq qundylyqtaryn ulyqtaýǵa úles qosqan avtorlardy baǵalap, olarǵa qoldaý kórsetýge baǵyttalǵan jumystyń mańyzdylyǵyna jáne komıssııa músheleriniń bul oraıdaǵy aıryqsha jaýapkershiligine arnaıy toqtaldy. Sonymen qatar, Gúlshara Naýshaqyzy Memleket basshysynyń Jarlyǵymen komıss­ııa quramyna engizilgen ózge­rister retin tanystyra oty­ryp, Memlekettik syılyq jónin­degi komıssııanyń ádebıet seksııasy músheleriniń quramyna Par­lament Senatynyń depýtaty, pýb­lısıst-jazýshy Jabal Erǵa­lıev pen mýzyka, teatr jáne kıno seksııasy músheleriniń qura­myna belgili kınotanýshy Baýyr­jan Nógerbektiń múshe bolyp engizil­gen­digin málim etti. – Táýelsizdik jyldaryn­da memleket tarapynan ult­tyq ónerdiń ulyqtalýyna, tól má­de­nıettiń tórge ozýyna, qazaq ádebıetiniń tynysyn keńeı­týge jan-jaqty qoldaý kórse­tilýde. 1992 jyl men 2014 jyl ara­ly­ǵynda 89 mádenıet jáne óner qaıratkeri Memlekettik syılyqqa ıe boldy. 2008 jyldan beri Ádebıet pen óner salasyndaǵy memlekettik syılyq Elbasy Jarlyǵymen beki­tilip, osy ýaqyt aralyǵynda 22 óner qaıratkeri laý­reat atan­dy. Elbasy Nursultan Nazar­baev usynǵan «Máńgilik El» jalpy­ulttyq patrıottyq ıdeıasy hal­qymyzdyń birligi men ynty­maǵyn nyǵaıtýǵa baǵyttalyp, ulttyq óner men mádenıettiń jańasha óristeýine serpin berýde. Sondyqtan, beriletin syı­lyq eldiń rýhanı-mádenı ómirin­de moıyndalǵan, óz salasyn­da ozyq ári úzdik kórkem shyǵar­ma bolýy tıis dep oılaımyn. Ol shyǵarmalarda otanshyl, memleketshil, elshil ıdeıa tereń kórinip turýy tıis, – dedi Mem­lekettik hatshy. Eńbekterdi talqylaý jáne jasyryn daýys berý úderisi ádebıet, mýzyka, teatr jáne kıno, sondaı-aq, beıneleý jáne sáýlet óneri dep bólingen 3 seksııa músheleriniń daýysqa salýyna saı qaraldy. Seksııalarda jalǵasqan talqylaýlardyń, jasyryn daýys berýlerdiń, odan keıingi jalpy otyrystyń qorytyndysy boıynsha baıqaýdyń kelesi kezeńine jiberiletin shyǵarmalar týraly sheshim qabyldandy. Hattamalyq sheshim boıynsha irikteýden ótip, Memlekettik syılyq alýǵa usy­nyl­ǵan jumystar tizimi qoǵamda, ádebıet pen óner janashyr­lary­nyń ortasynda, sondaı-aq, qalyń jurtshylyq arasynda keńi­nen talqylaný úshin «Egemen Qazaq­stan» jáne «Kazahstanskaıa pravda» gazetterinde jarııalanatyn bo­lady. Qanat ESKENDIR, «Egemen Qazaqstan» ALMATY