Yntymaqtastyq máselesi talqylandy

Astanada Premer-Mınıstr Kárim Másimovtiń qaty­sýymen Eýropa Qaıta qurý jáne damý banki Dırek­tor­lar keńesiniń otyrysy ótti, dep habarlady Premer-Mı­nıstrdiń baspasóz qyzmeti. Otyrys barysynda Qazaq­standaǵy aǵymdaǵy ekonomıkalyq  jaǵdaı, Úkimettiń ekonomıkalyq ósimdi yntalandyrý boıynsha qoldanyp jatqan sharalary, son­daı-aq Qazaqstannyń EQDB-men yntymaqtastyq máselesi talqy­landy. Birqatar mınıstrlikterdiń basshylary energetıka, kólik jáne aýyl sharýashylyǵy sala­syndaǵy ınvestısııalyq múmkin­dikter týraly baıandama­lar usyn­dy. Son­daı-aq, jekeshe­lendi­rý baǵdar­la­malaryn júzege asyrý barysy jáne «Astana» halyq­aralyq qar­jy ortalyǵy qyzme­tiniń perspektı­valary tanystyryldy. О́z kezeginde, EQDB Dırek­tor­lar keńesiniń músheleri Qazaq­standa iske asyrylyp jatqan ekono­mıkalyq reformalarǵa oń baǵa berip, jemisti ynty­maq­tas­tyqty jalǵastyrýǵa senimdi­lik­terin bildirdi. «Biz reforma júrgizýde siz­der­di belsendi qoldaımyz», dedi Fran­sııanyń atynan kelgen EQDB Dırektorlar keńesiniń múshesi Rafael Bello. Is-shara sońynda K.Másimov Qa­­zaq­stan men Eýropa banki yn­ty­­maq­tastyǵynyń jáne eldiń aldyn­da turǵan syn-qater­ler jaǵ­daıyn­da damýdyń mańyzdy­lyǵyn atap ótti. «О́tken jyly biz zańnamaǵa basa nazar aýdardyq jáne qazir reformalardy júzege asyrý boıyn­sha praktıkalyq qadamdar qolda­nýdamyz. Bul ońaı emes, alaıda, bizdiń durys jolda ekenimizge senimdimin», dep túıindedi sózin Pre­mer-Mınıstr.