«Gvardeısk» áskerı polıgonynda oqys oqıǵa boldy. Armııa halyqaralyq oıyndaryna daıyndalý boıynsha jattyǵý sabaqtary kezinde Angola komandasynda 120 mm mına atqyshtyń snarıady jarylyp ketken.
Sonyń saldarynan bir áskerı qyzmetshi aýyr, taǵy birneshe áskerı qyzmetshi jeńil jaraqat aldy. Zardap shekkender Otar áskerı bazasynyń jekelegen medısınalyq jasaǵyna jetkizildi. Aldyn ala tergeý Angola komandasynyń 2B11 mına atqyshynan oq atý kezinde qaýipsizdik sharalarynyń buzylýyna jol bergeni jáne kelispeı atys bekinisi ornyn aýystyryp, ordan shyǵyp ketkeni belgili boldy. Bul óreskel tártip buzýshylyq bolyp tabylady. Odan basqa snarıadtyń jarylýynyń sebebi, eki márte oqtalýy bolýy múmkin.
Qorǵanys mınıstri Imanǵalı Tasmaǵambetovtiń buıryǵy boıynsha Qorǵanys mınıstriniń orynbasary general-leıtenant Oqas Saparovtyń basshylyq etýimen komıssııa quryldy. Ol jaǵdaıdy anyqtaý jáne keshendi tekserýdi júrgizý úshin oqıǵa ornyna ushyp bardy.
Budan buryn bas tóreshi – «Artıllerııalyq oq atý sheberleri» baıqaýynyń jetekshisi general-maıor Lut Álshekenov 13 eldiń komandasyna tehnıka qaýipsizdigi boıynsha nusqama ótkizgenin aıta ketý qajet. Atalǵan prosedýradan keıin ǵana komandanyń jaraqtandyrylǵan qatysýshylary jattyǵýlarǵa kirise aldy.
«Egemen-aqparat»
