Jetisý júldegerin kútip aldy

Rıo-de-Janeıroda ótken Paralımpııalyq oıyndar da tarıhtyń qoınaýyna ketip bara jatyr. Sol dúbirli dodada Qazaqstan quramasy óziniń tarıhynda tuńǵysh ret medal aldy. Olardyń biri altyn júlde bolsa, ekinshisi kúmispen kúptelgen marapat edi. Keshe komanda qorjynyna kúmis medal syılaǵan paýerleftıngshi Raýshan Qoıshybaeva týǵan jerine oraldy. Ony Taldyqorǵan qalasynda jerlesteri qushaq jaıa qarsy aldy. Shynynda da bizdiń eki júl­degerimiz erledi. Muhıttyń arǵy jaǵyna elimizden attanǵan 11 sport­shynyń qaı-qaısysy da qur­metke laıyqty edi. Sondyqtan 100 metr qashyqtyqta brass ádisimen júzýde aldyna jan sal­maǵan Zúlfııa Ǵabıdýlına men  paýer­leftıng­ten 113 kılony erkin eń­ser­­­­gen Raýshan Qoıshybaeva bas­­­ta­ǵan sport­shylarǵa aldymen elor­­­da­nyń tórinde qurmet kórse­tildi. Astananyń aqjarylǵap qoshe­meti Jetisý jerinde jalǵasyn tapty. Jurt áýejaıǵa qaraı aǵyl­dy. Saıyn dalanyń júldeger qyzy Raýshan Qoıshybaevany kútip alýǵa elmen ilesip, biz de jettik. Jalyndy sózder jazylǵan transparanttar ustaǵan úlken-kishili sport jankúıerleri taǵat­syz­dana kúmis júldegerdi kútýde. Aıt­paqshy, Rıodaǵy básekege Jetisý jerinen eki sportshy attan­ǵan-dy. Onyń ekinshisi jetinshi oryn alǵan Gúlbaný Ábdihalyqova bolatyn. Kóńili shat kópshilik  kenet áýeletip án shyrqady. Ulttyq kıim kıgen qyzdarymyz shashýyn daıyndap, eleńdep tur. Kóp uzamaı júrgizý­shi Rıo Paralım­pıadasynyń kúmis júl­degeri Raýshan Qoıshy­baeva­nyń kele jatqanyn habarlady. Jankúıerlerdiń qoldaýy áýe­jaı ishin jańǵyrtyp, Kók týdy jel­biretti. Sol sátte keýdesin qýanysh kernep, moınyna taqqan kúmis medalin jarqyratyp, atlet orta­myzǵa keldi. Atanyń salty­­men qaısar qyzǵa gúl shoq­taryn usynyp, ortamyzǵa aldyq. Qaýmalaǵan jankúıerde esep joq. Solardyń ishinde jol­dasy men úsh qyzy eldiń júre­gin tol­­qytyp, júldegerdi qut­tyq­­tady. «Mamalap» moınyna asyl­­ǵan kishkentaı qyzdy kór­gende, jıylǵan jurttyń kózi­nen qýanysh­tyń tamshysy yrshyp shyqty. Árıne, myńdaǵan myq­ty­nyń ishinen úzdik shyǵý ońaı sharýa emes. Mine, anasynyń erligi Qazaq­stan­nyń sport tarıhynda altyn árippen jazylsa, kishkentaı búldirshinniń júreginde osy sát máńgilik saqtalatyny anyq. Sal­tanatty sharanyń shymyl­dy­ǵyn Deneshynyqtyrý jáne sport basqarmasynyń basshysy Turatbek Sharapıev ashty. Ol jınalǵan jurtqa alǵys sezimin aqtaryp, Rıoda kúmis medal syı­laǵan Raýshanǵa júrekjar­dy tilegin arnady. Olımpıadada óner kórsetý bir bólek bolsa, oǵan joldama utý bir basqa. Biz­diń Raýshan Rıoǵa el úmitin arqa­lap attanǵan edi. Baǵy men baby qatar shapqan ol endi ortamyzǵa kúmis medalmen kelip otyr. «Raý­shan­nyń talaı jylǵy eńbegi, mań­daı teriniń óteýi Qazaq­stannyń abyroıyn asyrdy», –  dep sózin túıindedi ol. Munan keıin Uıǵyr aýdanynyń ákimi Álimjan Tohtahýnov sóz alyp, Ileniń arǵy betindegi eldiń saǵynyshty sálemin jetkizdi. Ol óz sózinde sportshylardyń osyndaı jetistikke jetýine qoldaý kór­setip otyrǵan Elbasy, oblys ákimi jáne oblystyq sport bas­qarmasy ekenin tilge tıek etip, barlyǵyna alǵysyn bildirdi. Ol sózin: «Raýshan álem chempıonatynan júldemen oralǵanda, aýdanda osyndaı qurmet kórsetkenbiz, Rıoǵa bara jatqanynda aq jol tilep, taıly-taıaǵymyz qalmaı shyǵaryp salyp edik. Sol kezde qaısar qyz «men júldesiz oralmaımyn» degen edi. Ýádesinde turyp, elimizge kúmis medal syılap otyr. Úlken alǵys aıtamyn», – dep sózin aıaqtady. Sońynan kóp aldyna qaharman qyzdyń ózi shyqty. Júregi tol­qyp turǵan Raýshan jankúıerler­diń mundaı qoldaýyna óziniń rıza­shylyǵyn tanytty. Ol áli talaı dodadan osylaı abyroım­en ora­latynyn ashyp aıtty. Sodan soń: «Rıoǵa attanar aldynda Elbasyǵa men medalsiz qaıt­paı­­myn dep ýáde etken edim. Sol ýádem­de turdym. Oǵan jetýime myna sizder, sporttyń basynda júr­gen barlyq basshylar jáne otbasym kómektesti. Osyndaı jeńi­simiz kóp bolsyn, sportpen shuǵyl­danyńyzdar, eldiń namysyn joǵary ustaıyq», – dep sózin tııanaqtady. Jınalǵan jurt Rıoda jetin­shi orynnan kóringen Gúlbaný Ábdi­halyqovaǵa da osyndaı ystyq yqylas kórsetti. Saltanatty sharanyń sońy estelik sýretke túsýmen aıaqtalyp, kólikter qaısar qyzdardy alyp, qalaǵa qaraı bet túzedi.  Rıshad TURǴANBAEV, jýrnalıst  TALDYQORǴAN