Ejelgi áriptestiktiń jańa satysy

Keshe Premer-Mınıstr Kárim Másimov bastaǵan qazaqstan­dyq delegasııa resmı saparmen Belarýs Respýblıkasyna keldi. Bul el Qazaqstanmen ekijaqty qarym-qatynas qana emes, birqa­tar uıymdarda da áriptes bolyp tabylady. О́tken jyly Qa­zaq­stan men Belarýs arasyndaǵy naqty taýar aınalymy 850 mln.dollardy quraǵan. Qazaqstandy strategııalyq áriptes retinde kóretin belarýstar elimizben baılanysty óte joǵary baǵalaıdy. Tańerteń erte Astana áýe­jaıy­nan attanǵan qazaqstandyq delegasııa otyrǵan ushaq be­l­a­rýs­tyń ulttyq áýejaıyna saǵat to­ǵyz­da kelip qondy. Aldymen Qa­zaqstan Premer-Mınıstri Kárim Másimov Belarýs Respýb­lı­ka­sy­nyń Úkimet úıine atbasyn tiredi. Munda ol jańa áriptesi, Belarýs Úkimetiniń basshysy Mıhaıl Mıasnıkovıchpen aldymen sha­ǵyn, keıinirek keńeıtilgen quram­da kezdesý ótkizdi. Belarýs Premer-mınıstri M.­Mıa­snı­ko­vıch el delegasııasyn ózderiniń jańa ja­saq­talǵan Úkimet quramymen ta­nystyryp ótti. M. Mıasnıkovıch Qazaqstan Premer-Mınıstri Kárim Másimov bastaǵan elimiz delegasııasyn qabyldaı otyryp, Qazaqstan Keden odaǵy arqyly jaı áriptes emes, sonymen qatar strategııalyq áriptes ekendigin jetkizdi. Biz Qazaqstanmen tu­raq­ty ekonomıkalyq qarym-qaty­nas­tamyz. Tek qana taýar aınalymy emes, eki el arasynda ondaǵan ınnovasııalyq já­ne óndiristik kásipkerlik jobalar jú­zege asýda. Aýyl sharý­ashy­ly­ǵy sa­la­synda da birqatar jobalar bar. Son­daı-aq, biz ǵarysh sala­synda keleshekte jaqsy áriptestik ornaıdy degen senimdemiz. M.Mıa­s­nı­kovıchtiń aıtýyn­sha, Qazaqstan men Belarýs memleketi arasyndaǵy taýar aı­nalymy ótken jyly 850 mln. dol­larǵa jetken. Ol daǵdarysqa deıingi kór­­set­kishtiń ózinen 60 paıyzǵa ar­tyq. Biz qalyptasqan áriptestik, dos­tyq baılanysymyzdy jańa jetistiktermen tolyqtyra otyryp, ja­­ńa ke­zeń­ge shyǵarýǵa talpynatyn bo­la­myz. Bul turǵyda eki eldiń áleýet­teri qazirgiden de joǵary dep oı­laı­myn, dedi Belarýs Premer-mınıstri Mıhaıl Mıasnıkovıch. Taýar aı­naly­my­nan ǵana emes, ınno­va­sııalyq joba­lar­dy júzege asyrýǵa kóshýimiz kerek. Al Qazaq­stan­nyń ındýs­t­rııa­lyq-ınnova­sııa­lyq joba­sy óte tamasha joba, dedi ol. Budan keıin sóz alǵan Kárim Másimov al­dy­­men jańa Úkimettiń ja­saq­ta­lýy­men quttyqtady. Egemendik alǵan kezde eki eldiń basshy­lary negizin salǵan Qazaqstan men Belarýs ara­syndaǵy qarym-qaty­nas­tar, stra­tegııalyq áriptestik eki el úkimet­teri basshy­lary­nyń ar­a­syn­da tyń árip­tes­tikti qalyptas­tyrý­ǵa serpin bermek. Soń­ǵy jyl­dary áriptes­tik­ti da­my­týǵa baǵyt­ta­l­ǵan qadamdar, qujat­tar, ja­ńa jo­balar bizdiń al­dymyzda tur­ǵan maqsat, eki el ara­syndaǵy taýar aı­na­lymyn 1 mlrd. dollarǵa jetkizýge, bolashaq­ta odan da asyp túsý­ge jańa múm­kin­dikter ash­paq.  Belorýssııa  ag­ro­ón­di­risi men aýyl sh­a­rýa­shy­lyǵy, ın­dýs­t­rııasy joǵary damyǵan el, al Qazaq­stan­nyń shı­ki­zattyq sektorda múm­kin­dikteri mol. Bú­gin­gi ekijaqty kezdesý men alda Keden odaǵy aıasynda ótetin úshjaqty kezdesýler bizge daǵ­darystan keıingi kezeńde makro­eko­no­mıkalyq turǵyda táji­rıbe al­masý­ǵa, sondaı-aq jahandyq qater­ler­ge birigip jaýap berýge septigin tıgizedi dep oılaımyn, dedi Qazaq­stan Premeri. Tústen keıin Kárim Másimov Belarýs Respýblıkasynyń Prezıdenti A.Lýkashenkomen kezdesti. A.Lýkashenko Qazaqstan Úkimeti basshy­sy­nyń belarýs jerinde ótkizip jat­qan kezdesýlerine qanaǵattan­ǵan­dyǵyn jet­kizdi. Bizde otyzdan asa birlesken kásip­oryn­dar bar. Olar Qazaqstan sekildi myqty eldi ındýstrııalan­dy­rýǵa qyz­met etetin bolady. Maǵan Qazaqstan tarapy­men qarym-qatyna­sy­myzdy bir­­­­qatar ja­ńa jobalarmen tolyq­ty­rý­ǵa usy­nys túskendigi má­lim. Qa­zaq­stanmen ara­daǵy ekijaqty qatynas­ty odan ári keńeıtýge daıar­myz. Osy­­ǵan deıingi tájirıbemiz ar­q­y­ly Qazaq­stan­nyń rynogynda kelisimder arqy­ly jú­ze­ge asyrylǵan jobalarǵa qa­raı otyryp oǵan senimimiz kámil, dedi Belarýs Respý­b­lıkasy Prezıdenti A.Lýkashenko. О́tken daǵdarystan shy­ǵý jylynda Qazaqstanmen ara­da­ǵy taýar aına­ly­my 1 mlrd.dollarǵa jaqyndady. Bo­la­­shaq­ta BEK aıasyn­da bul kór­set­kishti birneshe ese ósi­rýge múm­kin­dik bar. Al baǵalar álemdik ry­nok baǵa­sy­nan áldeqaıda tómen. Sondyqtan ózara kelisimge qol jetkizemiz dep oılaımyn, dedi Belarýs basshysy. Budan soń A.Lýkashenko Elbasyna aldaǵy saılaý naýqanyna tilektestigin bildirip, sá­le­min jetkizýdi ótindi. О́z kezeginde Kárim Másimov te Qa­zaqstan men Belarýs arasyn­daǵy  árip­testikti joǵary baǵala­dy. Sońǵy jyl­dary Qazaqstan men Belarýs Res­pýblıkasy ara­syn­da túrli deńgeıdegi kelisimderge qol qo­­ıyl­dy. Álemde qar­jy daǵ­da­ry­sy kúsheıip turǵan kez­de bizdiń árip­­tes­tigimiz ustan­ǵan baǵy­ty­myz­dyń durystyǵyn aıqyndap berdi. Biz osynaý nátı­jeli áriptestikti odan ári da­my­týdy usynamyz, dedi Premer-Mınıstr Kárim Másimov. Osy kúni keshkisin Belarýs Res­­pýb­lıkasyna sapary aıasynda K.Má­simov EýrAzEQ memleket­ara­­lyq ke­ńe­siniń  úkimet basshy­la­ry deńge­ıin­degi kezekti otyry­sy­na qa­tysty. Bul tý­ra­ly aldaǵy nó­mirde habar­laıtyn bolamyz. Venera TÚGELBAI, «Egemen Qazaqstan» – Mınskiden.