Golovkındi jeńý úshin qandaı ádis qoldaný kerek?

Boxingnews24.com tilshisi Allan Foks Golovkınge qarsy kezdesýde Djeıkobs qandaı taktıka qoldaný kerektigin aıtty. Bul týraly sports.kz habarlady. «Golovkın jyldam qozǵalatyn boksshylarmen kóp judyryqtasqan. Alaıda, olardan mereıi ústem bolǵanyn jaqsy bilemiz. Dennı brıtanııalyq Martın Mıýrreıdiń taktıkasyn qoldanbaǵany jón. О́zderińiz kórgendeı, GGG brıtanııalyqtyń jabyq ádisin qoldanyp, jaqyn qashyqtyqta judyryqtasýyna jol bermeı, artqa jıi sheginip júrdi. Mundaı jol oǵan esh nátıje bermeıdi», – dep qazaqstandyq boksshynyń erekshe tustaryn atap ótti. «Djeıkobs jyldam ári aýyr soqqylar jasaýǵa qabiletti. Mine, osyǵan senim artqany jón. Sondaı-aq, Andre Ýordtyń Sergeı Kovalevke qarsy qoldanǵan taktıkasyna kóshse de uzaqqa barady dep oılamaımyn. Denıel mundaı jolmen eshqashan bokstaspaǵan. Bul joly da qajet emes. Al Ýordtyń ereksheligi buǵan deıin osyny jıi qoldanǵandyqtan reseılikten basym tústi. Al Golovkın boıy azdap qysqa bolǵandyqtan, jaqyn qashyqtyqta jaqsy judyryqtasady. Al boıshań sportshylarǵa alystan soqqy jasaǵan durys», – dedi tilshi. «Golovkınniń osyǵan deıingi jekpe-jekterine qarap, jaqyn tusta qanshalyqty myqty ekenin baıqadyq. Djeıkobs Pıtter Kýıllınge qarsy qoldanǵandaı dıstansııa saqtap, aýyr soqqylaryn jyldam sermegeni durys dep oılaımyn. Klınch ádisin de arasynda qoldanyp kórýi kerek», – dedi Allan Foks.