Qaraǵandyda oqýshylarǵa arnalǵan UStudy aımaqtyq testileý ortalyǵy ashyldy. Endi Qaraǵandy oqýshylary men ata-analary zamanaýı ári yńǵaıly ınfraqurylymdy qoldana otyryp, ortalyqta UBT men mektep emtıhandaryn úzdik tapsyrý úshin jáne de mektep bilim berý sapasyn teksere alady.
Resmı ashylýdyń qurmetti qonaqtary retinde Qaraǵandy oblysynyń ákimi Ábdibekov N.K., oblys ákiminiń orynbasary Abıshev J.A., Qaraǵandy qalasynyń ákimi Áýbákirov N.E., Qaraǵandy oblystyq bilim basqarmasynyń basshysy Aımaǵambetov A.Q., bilim basqarmasynyń basshysy Jekebaev D.Sh qatysty.
Qaraǵandyda UStudy kompanııasynyń aımaqtyq testileý ortalyǵy ashyldy. Osy oraıda, oqýshylar ózderiniń bilim deńgeıin anyqtap, mektep qabyrǵasyndaǵy kez kelgen emtıhannan súrinbeı ótýine septigin tıgizetin onlaın-formatynda testileýden ótý múmkindigine ıe boldy.
UStudy aımaqtyq testileý ortalyǵy, UStudy bilim berý brendi men ulttyq testileý ortalyǵynyń (UTO) ortaq jemisi. Buǵan deıin osyndaı ortalyqtar elimizdiń batys,shyǵys jáne ońtústik aımaqtaryndaǵy qalalarda boı kótergen edi.
«Oqýshylar únemi ártúrli testileýden ótýde. Al biz óz kezegimizde bul synaqty jeńil ári tıimdi ete túsý úshin ortalyqtarymyzda onlaın-formatynda testýleýdi engizdik. Qaǵaz betindegi testileýge qaraǵanda, bul yńǵaıly bolmaq», – deıdi Ustudy-diń Qaraǵandy qalasyndaǵy dırektory Rahat Ahmet.
UStudy Bilim berý jobasy qazirdiń ózinde Almaty, Shymkent, Taraz, Taldyqorǵan, О́skemen, Aqtaý, Aqtóbe, Atyraý, Qyzylorda, Semeı qalalarynda 12 óńirlik testileý ortalyqtaryn ashty. Aldaǵy ýaqytta Kókshetaý, Qostanaı jáne Astana qalalarynda ashýdy josparlanyp otyr.
Qaraǵandy qalasyndaǵy aımaqtyq testileý ortalyǵyn ashýdaǵy basty mindetterdiń biri – jańa bilim berý ónimderi men tehnologııalardy paıdalana otyryp Qazakstanda testileýdiń jańa mádenıetin qurý.
Qaraǵandy qalasynda aımaqtyq testileý ortalyǵynda oqýshylardyń testileýden ótý barysyna basqa kózqaraspen qaraýyna jaǵdaı jasalǵan. Ortalyq 1400 sharshy metr aýmaqty qamtıdy jáne jańa tehnıkalyq jabdyqtarmen qamtamasyz etilgen 200 oryn bar jáne de ortalyqtyń ishki dızaınymen Qazaqstannyń jetekshi dızaınerleri eńbek etti.
Jyl boıy Qaraǵandy qalasyndaǵy aımaqtyq testileý ortalyǵynda oqýshylar: synama testileýden ótýge, mektep baǵdarlamasy boıynsha óz bilimderiniń «álsiz tustary» boıynsha esep alýǵa, Qazaqstannyń úzdik muǵalimderiniń qazaq tilinde usynǵan biregeı bilim beınesabaqtaryna qol jetkizýge, keńes alýǵa múmkindik alady.
