Qytaıdyń Tıanszın qalasynda ótken jarysta bıiktikke sekirý saıysynyń fınalynda birden tórt sportshy 187 sm nátıjege qol jetkizdi, alaıda 190 sm bıiktikten asa almady.
Altyn júlde О́zbekstan ókili Valerııa Gorbatovaǵa buıyrdy. 184 sm bıiktikti tek úshinshi múmkindiginde ǵana baǵyndyrǵan Dýbovıskaıa Úndistan sportshysy Pýdja Sınghpen birge ekinshi oryndy bólisti. Qytaılyq Lıý Szıaven júldeden tys qaldy.
Qazaqstannyń taǵy bir ókili Krıstına Ovchınnıkova 180 sm nátıjemen jetinshi orynǵa turaqtady.
Dýbovıskaıanyń medali – 2026 jylǵy Azııa chempıonatynda Qazaqstan quramasynyń qorjynyna túsken besinshi júlde.
Altyn medaldy sondaı-aq kópsaıysshy Alına Chıstıakova men 3000 metrge júgirýde Nora Djerýto jeńip aldy.
Aıta keteıik, Qytaıdyń Tıanszın qalasynda ótip jatqan jabyq keshendegi Azııa chempıonatyna 24 elden kelgen sportshylar qatysyp, jeńil atletıkanyń 26 túri boıynsha júldelerdi sarapqa salyp jatyr.
Olımpıada: Qazaqstan sportshylarynyń 8 aqpandaǵy jarys kestesi qandaı?
