Senbi kúni atmosferalyq aýanyń lastanýy kelesi qalalarda baıqalýy múmkin: Astana men Almaty; Qaraǵandy, Temirtaý, Balqash jáne Jezqazǵan; О́skemen jáne Rıdder; Aqtóbe, Oral, Qostanaı jáne Pavlodar.
QMJ – bul jer betindegi aýa qabatynda zııandy zattardyń shoǵyrlanýyna jaǵdaı jasaıtyn qysqa merzimdi meteorologııalyq faktorlardyń (álsiz jel, tuman, ınversııa) jıyntyǵy. Bul jaǵdaı turǵyndardyń densaýlyǵyna keri áser etýi múmkin.
Aýa sapasy nasharlaǵan kezde kelesi saqtyq sharalaryn saqtaý usynylady:
- Tas joldar men óndiris oryndaryna jaqyn jerde uzaq júrmeý kerek. Balalar men júkti áıelderge serýendeýden bas tartqan abzal.
- О́kpe, júrek-qan tamyrlary nemese allergııalyq aýrýlary bar jandar qajetti dárilerin únemi qasynda ustaýy tıis.
- Ashyq aýadaǵy fızıkalyq júktemeni shektep, jattyǵýlardy jabyq keshenderde ótkizgen jón.
