Onyń aıtýynsha, «Janýarlarǵa jaýapty qaraý týraly» zańǵa engiziletin túzetýler birneshe baǵyt boıynsha talaptardy kúsheıtedi.
Zań jobasyna sáıkes, janýarlarǵa qatygezdik kórsetý úshin aıyppul mólsheri azamattar úshin 5-ten 30 AEK-ke deıin (129 750 teńge), al laýazymdy tulǵalar úshin 10-nan 50 AEK-ke deıin (216 250 teńge) ósedi. Qaıtalanǵan jaǵdaıda aıyppul kólemi tıisinshe 50 jáne 100 AEK-ke (432 500 teńge) deıin ulǵaıady.
Janýarlar týraly zańǵa engizilgen túzetýler: derekter, sıfrlar jáne ózgeristerdiń sebepteri
Sondaı-aq janýarlardy ustaý, pıtomnıkterge tapsyrý jáne serýendetý erejelerin buzǵany úshin de jaýapkershilik kúsheıedi. Bul rette aıyppul mólsheri jeke tulǵalar úshin 10-nan 15 AEK-ke (64 875 teńge), laýazymdy tulǵalar úshin 20-dan 30 AEK-ke (129 750 teńge), zańdy tulǵalar úshin 30-dan 40 AEK-ke (173 000 teńge) deıin artady. Qaıtalanǵan jaǵdaıda aıyppul eki esege kóbeıtiledi.
«Sonymen qatar, Májiliste janýarlar dúnıesi men ańshylyq salasyna qatysty zańnamaǵa ózgerister qarastyrylyp jatyr. Endi janýardy baspanasyna ornalastyrmaı dalaǵa qaraýsyz tastap ketýge ákimshilik jaýapkershilik engiziledi», dedi Nurken Shárbıev.
Senat rezonans týdyrǵan janýarlarǵa qatysty zańdy Májiliske qaıtardy
Mundaı jaǵdaıda aıyppul kólemi:
– jeke tulǵalarǵa – 30 AEK (129 750 teńge);
– laýazymdy tulǵalarǵa – 50 AEK (216 250 teńge);
– zańdy tulǵalarǵa – 100 AEK (432 500 teńge);
– qaıtalanǵan jaǵdaıda – 2 esege deıin ósedi.
Sonymen qatar, alǵash ret janýarlardy kútip-baǵý jáne serýendetý erejelerin buzý saldarynan azamattardyń densaýlyǵyna nemese múlkine zııan kelse, ákimshilik jaýapkershilik engiziledi. Bul jaǵdaıda jeke tulǵalarǵa 100 AEK (432 500 teńge), qaıtalansa 150 AEK (648 750 teńge), laýazymdy tulǵalarǵa 150-200 AEK, zańdy tulǵalarǵa 200-400 AEK (1 730 000 teńge) kóleminde aıyppul qarastyrylǵan.
Qazaqstanda ıesiz janýarlardy tegin vaksınasııalaý toqtatylady
Vıse-mınıstrdiń aıtýynsha, bul sharalar qańǵybas jáne qaraýsyz janýarlar sanyn azaıtýǵa baǵyttalǵan.
Nurbolat AMANBEK
