Foto: JI kómegimen jasalǵan
Bul týraly qala turǵyny áleýmettik jelide jazdy. Onyń aıtýynsha, ol qurbysymen serýendep júrgende shamamen 20 jastaǵy jigit qyzyl qorap usynǵan. Alaıda ol buǵan deıin áleýmettik jeliden osyndaı jaǵdaı týraly oqyǵandyqtan, birden bas tartqan.
Onyń sózinshe, basqa bir oqıǵada qyz qorapty qolyna alǵan soń, álgi jigit ony qorqytyp, qorap ishinde esirtki bar ekenin, onyń saýsaq izderi qalǵanyn aıtqan. Osylaısha, alaıaqtar jábirlenýshini qorqytyp, aqsha talap etýi múmkin.
Elordada 17 adamdy «qajylyqqa jiberemin» dep aldaǵan alaıaq jazalandy
Avtor usynystan bas tartqannan keıin, kúdikti basqa áıelge jaqyndaǵan. Turǵyn ony toqtatýǵa tyrysqanymen, jigit jaǵdaıdy baıqap, tez ketip qalǵan.
Pikirlerde qala turǵyndary osyndaı jaǵdaılarmen buryn da kezdeskenin jazyp jatyr. Máselen, Kerýen saýda ortalyǵy mańynda da jasóspirim «syılyq» usynyp, bas tartqannan keıin birden ketip qalǵany aıtylǵan.
Sonymen qatar keıbir turǵyndar Magnum dúkenderi mańynda kúmándi adamdar jıi kezdesetinin alǵa tartady.
Polısııa ókilderi bul fakti boıynsha ázirge resmı shaǵym túspegenin habarlady. Sonymen birge jalǵan aqparat taratý qylmystyq jaýapkershilikke ákeletinin eske saldy.
Sekýnd ishinde buǵattaıdy: Qazaqstanda alaıaqtardyń qońyraýyn toqtatatyn júıe engiziledi
Quqyq qorǵaý organdary azamattardy saq bolýǵa shaqyrady. Esirtki aınalymyna qatysty quqyqbuzýshylyqtardy baıqasańyz, 102 nómirine nemese senim telefonyna habarlasý qajet.
