foto: qala ákimdigi
Elorda ákimdiginiń aqparynsha, 21 naýryz kúni saǵat 20:00-den 21:00-ge deıin «Qazaq Eli» alańynda qala aspany erekshe jaryq sahnasyna aınalady. Turǵyndar men qala qonaqtaryna ulttyq naqyshtaǵy anımasııalyq kompozısııalar usynylady.
Ákimdik málimetinshe, áýe keńistiginde qazaq halqynyń mádenıeti men salt-dástúrin beıneleıtin sımvoldar men kórinister kórkem túrde óriledi. Drondar arqyly jasalǵan bul kórinister zamanaýı tehnologııa men ulttyq mazmunnyń úılesimin kórsetpek.
Astanada Naýryz merekesine oraı 200-den astam is-shara ótedi
Aıta keteıik, «Naýryznama» onkúndigi aıasynda elordada 200-den astam is-shara josparlanǵan. Olardyń qatarynda merekelik konsertter, ulttyq oıyndar, jármeńkeler men túrli sheberlik sabaqtary bar.
