18 Aqpan, 2017

Qanat Islam qarsylasyn alǵashqy raýndta-aq nokaýtqa túsirdi

144 ret
kórsetildi
1 mın
oqý úshin
AQSh-tyń Delaver shtatyndaǵy Ýılmıngton qalasynda WBO Intercontinental jáne WBA Fedelatin tujyrymdary boıynsha birinshi orta salmaqta álem chempıony Qanat Islam (22-0-0, 18 KO) men brazılııalyq Robson Assıs (16-3-0, 9 KO) arasyndaǵy aıqas ótti. Jekpe-jek bastala sala alǵa umtylǵan Qanat Islam qarsylasyn birden joıqyn soqqylarynyń astyna aldy. Alaıda, shyǵa salyp, abaısyz qabaǵyn jaryp alǵany jankúıerdiń júregin zyrq etkizgen. Aqqan qan bir jaq betin jaýyp ketkende, kózin asha almaı qalar ma eken degen kúdik bolǵany da belgili. Biraq osy abaısyz ketken soqqy jeńisti jyldamdatyp jibergendeı. Ústi-ústine jaýǵan judyryq, qarsylasyn es taptyrmaı, aqyry birinshi raýndta-aq sulatyp túsirdi. Qanat Islam sharshy alańdaǵy 23-kezdesýinde jeńiske jetse, Robson Assıs osymen tórtinshi urysynda nokaýtpen jeńilip otyr. Aıta keteıik, AQSh-ta ótip jatqan boks keshinde basty aıqas tórt salmaq dárejesinde álemniń burynǵy chempıony 48 jastaǵy Roı Djons pen 46 jastaǵy Bobbı Gan arasynda ótedi. Olar birinshi aýyr salmaqtaǵy WBF (World Boxing Foundation) belbeýin sarapqa salady.