Foto: Ashyq derekkóz
Semeı garnızonynyń áskerı sotynyń úkiminde alaıaqtyq jasaýdyń tórt epızody kórsetilgen. Qyzmettik is-áreketti uıymdastyrý bóliminiń ofıseri alǵash ret 2023 jyldyń kúzinde shaqyrylýshydan 1 mıllıon teńge alǵan. Al 2024 jyldyń maýsym aıynda 1 mıllıon teńge, keıin sol jyldyń qazan aıynda 1,4 mıllıon teńge alǵan. Aqsha alýdyń sońǵy deregi 2025 jyldyń shildesinde tirkelgen. Sońǵy ret «kómek» áskerı jıynǵa shaqyrylǵan zapastaǵy pavlodarlyqqa qajet bolǵan.
Nátıjesinde aqsha bergen shaqyrylýshylardyń barlyǵy áskerı qyzmetke alynbaǵan. Biraq olardyń barmaı qalýyna departament ofıseriniń eshqandaı yqpaly bolmaǵan. Iаǵnı shaqyrylýshylar jaı ǵana medısınalyq komıssııadan ótpeı qalǵan. Olar ózderiniń aldanǵanyn túsinip, Ulttyq qaýipsizdik komıteti departamentine júgingen.
«Sottalýshy úkimniń sıpattamalyq bóliginde kórsetilgen jábirlenýshilerdiń múlkin jymqyrý ýaqytyn, orny men tásilin tolyq rastady. Ol barlyq aqshalaı qarajatty jymqyrǵanyn túsindirdi. Taǵylǵan aıypty, aqsha somasyn daýlamaıdy jáne jasaǵan isine tolyq ókinedi. Qazirgi ýaqytta jábirlenýshilerge keltirilgen materıaldyq shyǵyndy tolyq ótep, olardan keshirim surady. Sondaı-aq sottan bas bostandyǵynan aıyrýmen baılanysty emes jaza taǵaıyndaýdy surady», delingen Semeı garnızony áskerı sotynyń úkiminde.
Gvardeısk garnızonyndaǵy áskerı bólimde sarbaz soqqyǵa jyǵyldy: Qylmystyq is qozǵaldy
Sot taraptardy tyńdap, dáleldemelerdi zertteı kele, ofıserdiń kinási dáleldendi degen qorytyndyǵa keldi. Nátıjesinde Pavlodar oblysynyń qorǵanys isteri jónindegi departamentiniń 31 jastaǵy burynǵy qyzmetkerine alynǵan somanyń 8 eselengen mólsherinde aıyppul taǵaıyndaldy. Onyń somasy 29 mıllıon teńgeden asady. Bul somany kináli tulǵa jarty jyl ishinde tóleýi tıis.
Qorǵanys mınıstrligi: Áskerı basqarý organdaryna josparly tekserý júrgiziledi
Pavlodar oblysy
