Kásiporynnyń baspasóz qyzmeti qaza tapqan qyzmetkerdiń otbasyna jáne barlyq jumysshylarǵa qajetti qoldaý kórsetiletinin málimdedi.
«Kompanııa qaza tapqan qyzmetkerdiń jaqyndaryna jáne barlyq qyzmetkerlerge qajetti qoldaý kórsetip otyr. Qazirgi ýaqytta apattyń saldaryn joıý jáne tergeý jumystary jalǵasyp jatyr. О́skemen metallýrgııalyq kesheni sınk jáne qorǵasyn zaýyttarynda óndiristik qýatty ýaqytsha tómendetý rejıminde jumys isteıdi», delingen habarlamada.
Eske salaıyq, 5 mamyr kúni zaýyt aýmaǵynda shań jınaǵysh qurylǵy jarylyp, ǵımarattyń bir bóligi qulap, órt shyqqan. Oqıǵa kezinde eki adam qaza taýyp, bes jumysshy aýrýhanaǵa jetkizilgen, olardyń biri aýyr kúıik alǵan.
Úkimet basshysy jaǵdaıdy jeke baqylaýǵa alyp, TJM, Ekologııa mınıstrligi jáne Shyǵys Qazaqstan oblysy ákimdigine shuǵyl sharalar qabyldaýdy tapsyrǵan. Polısııa atalǵan fakti boıynsha qylmystyq is qozǵady.
Nurbolat AMANBEK
