Ekologııa jáne tabıǵı resýrstar vıse-mınıstri Nurken Shárbıev bul jaǵdaı tabıǵı norma sheginen aspaıtynyn aıtty.
Onyń málimetinshe, kıikterdiń jyl saıynǵy tabıǵı ólim-jitimi popýlıasııanyń 15-20%-yna deıin jetýi múmkin. Qazirgi kórsetkish osy normadan aspaıdy.
«Qazir barlyq óńir boıynsha 26 myń, sonyń ishinde Batys Qazaqstanda 11 myń kıik qyrylǵan. Ol jaqta popýlıasııa tyǵyz ornalasqan», dedi ol.
Atyraý oblysynyń úsh turǵyny Aqtóbede kıik ushasymen ustaldy
Mınıstrlik deregine sáıkes, kıikterdiń ortasha ómir súrý uzaqtyǵy 5 jylǵa deıin, al popýlıasııa 3-4 jyl ishinde jańaryp otyrady.
Tóldeýge deıin Qazaqstanda kıik sany shamamen 3,9 mln bas dep baǵalanǵan. Jańa esep maýsym aıynda aıaqtalady. Mınıstrlik budan keıin popýlıasııa 5 mln-nan asýy múmkin ekenin boljap otyr.
Sondaı-aq, vıse-mınıstr kıik sanyn retteý máselesin qarastyrylyp jatqanyn atap ótti. Tıisti sheshim bıologııalyq negizdeme men veterınarlyq qorytyndylardan keıin qabyldanady.
Nurbolat AMANBEK
